ଆଜିକାଲି ଫାଷ୍ଟ ଫୁଡ ଖାଇବା ଧୀରେଧୀରେ ବଢି ଚାଲିଛି । ସମସ୍ତେ ପ୍ରତି ସପ୍ତାହକୁ ଦୁଇ ତିନି ଦିନ ଏହାକୁ ଖାଇବା ସହିତ ଏଥିରେ ଅର୍ଥ ଖର୍ଚ୍ଚ କରୁଛନ୍ତି । ତେବେ ନିକଟରେ ବିଶ୍ୱସ୍ତରରେ ଏକ ସର୍ଭେ କରାଯାଇଥିଲା, ଯେଉଁଥିରେ କେଉଁ ଦେଶର ଲୋକ ଫାଷ୍ଟଫୁଡରେ କେତେ ଖର୍ଚ୍ଚ କରନ୍ତି ସେ ନେଇ ସୂଚନା ରହିଥିଲା । ଏହି ତାଲିକାରେ ଭାରତର ସ୍ଥାନ ୧୩ତମ ସ୍ଥାନରେ ରହିଛି । ସର୍ଭେର୍ ଅନୁସାରେ ଭାରତରେ ବାର୍ଷିକ ୭,୧୪୫.୮୪ କୋଟିର ରେଭିନ୍ୟୁ ମିଳିଥାଏ । ଯାହା ଭାରତର ଫୁଡ୍ ମାର୍କେଟର ଗ୍ରୋଥକୁ ଦର୍ଶାଉଛି । ସେହିଭଳି ଏହି ତାଲିକାରେ ଆମେରିକା, ଚୀନ, ସ୍ୱିଡେନ୍, ମେକ୍ସିକୋ , ସାଉଥ କୋରିଆ ଭଳି ରାଷ୍ଟ୍ର ସାମିଲ ଅଛନ୍ତି । ଭାରତରେ ବର୍ତ୍ତମାନ ଫୁଡ୍ ମାର୍କେଟ୍ ଖୁବ କ୍ଷୀପ୍ରଭାବେ ଗ୍ରୋଥ କରୁଥିବା ଦେଖିବାକୁ ମିଳୁଛି । ଭାରତୀୟଙ୍କ ଆଗ୍ରହ ଫାଷ୍ଟଫୁଡ ପାଇଁ ବଢୁଥିବା ଏହି ରିପୋର୍ଟରେ ପ୍ରକାଶ ପାଇଛି ।
