ଅଙ୍ଗଦାନ ଏକ ମହତ କାମ ହୋଇଥାଏ । ଏହାକୁ କରି ଜଣେ ଅନ୍ୟଜଣଙ୍କର ଅନେକ ସୁବିଧା କରିଥାଏ । ଏପରିକି ଜଣଙ୍କ କାରଣରୁ ଅନ୍ୟଜଣେ ବେଳେବେଳେ ଜୀବନ ଦାନ ମଧ୍ୟ ପାଇଥାଏ । ତେବେ ଏଭଳି ଅନେକ ଉଦାହରଣ ସବୁବେଳେ ଦେଖିବାକୁ ମିଳୁଛି । ଛୋଟ ଛୋଟ ପିଲାମାନେ ମଧ୍ୟ ଅଙ୍ଗଦାନ କରି ଅନ୍ୟମାନଙ୍କ ପାଇଁ ଉଦାହରଣ ସାଜୁଛନ୍ତି । ସେହିଭଳି କିଛି ଏଭଳି ଲୋକମଧ୍ୟ ଅଛନ୍ତି ଯେଉଁମାନେ ନିଜର ଅଙ୍ଗକୁ ବଞ୍ଚିଥିବାବେଳେ ମଧ୍ୟ ଦାନ କରୁଛନ୍ତି । ତେବେ ଏହାକୁ ଆହୁରି ଆଗକୁ ନେବା ପାଇଁ ଏବଂ ଲୋକଙ୍କୁ ସଚେତନ କରିବା ପାଇଁ ପ୍ରତିବର୍ଷ ଅଗଷ୍ଟ ୧୩ ତାରିଖକୁ ବିଶ୍ୱ ଅଙ୍ଗଦାନ ଦିବସ ରୂପେ ପାଳନ କରାଯାଇଥାଏ । ଏହି ଦିନ ବିଭିନ୍ନ କାର୍ଯ୍ୟକ୍ରମ ଜରିଆରେ ଅଙ୍ଗ ଦାନର ଉଦ୍ଦେଶ୍ୟ ଓ କାର୍ଯ୍ୟକାରିତା ଉପରେ ଲୋକଙ୍କୁ ବୁଝା ଯାଇଥାଏ । କିଭଳି ଅଙ୍ଗଦାନ କରି ଆମେ ଆଉ ଏକ ମୂଲ୍ୟବାନ ଜୀବନ ବଞ୍ଚାଇପାରିବା ସେ ନେଇ ସବିଶେଷ ବିବରଣୀ ପ୍ରଦାନ କରାଯାଇଥାଏ ।
