ସାମଗ୍ରୀ – ଅଧା କପ୍ ଫୁଲ କୋବି ( ଗରମ ପାଣିରେ ପଡି ବାହାର କରାଯାଇଥିବା), କଟାହୋଇଥିବା ଅଧାକପ ସିଝା ଆଳୁ, ଅଧା କପ ମଟର ମଞ୍ଜି (ସିଝା), ଅଧା କପ ଗାଜର (ଗରମ ପାଣିରେ ପଡି ବାହାର କରାଯାଇଥିବା), ଅଧା କପ ପନିର୍, କଟା କ୍ୟାପସିକମ୍, କଟା ହୋଇଥିବା ପିଆଜ, ଟମାଟୋ, ଅଦା, ରସୁଣ, ଗୋଟା ଜିରା, ତେଜପତ୍ର, ହେଙ୍ଗୁ, ଅଧା କପ ଦହି, କସୁରୀ ମେଥି, ଶୁଖିଲା ଲଙ୍କା ଗୁଣ୍ଡ, ପାନ ମଧୁରୀ, ଧନିଆ ଗୁଣ୍ଡ ଏକ ଚାମଚ, କଟା ଧନିଆ ପତ୍ର, ଆଚାର ମସଲା ।
ପ୍ରଣାଳୀ – ପ୍ରଥମେ ପ୍ୟାନ୍ରେ କଟା ପିଆଜ, ଅଦା ଓ ରସୁଣ ନେଇ ଅଳ୍ପ ସମୟ ଭାଜନ୍ତୁ । ଏହାପରେ ଏଥିରେ ଟମାଟୋ ପକାଇ ସିଝିବା ପର୍ଯ୍ୟନ୍ତ ରାନ୍ଧନ୍ତୁ । ଏହାପରେ ଗ୍ରାଇଣ୍ଡରରେ ପାନ ମଧୁରୀ, ଧନିଆ ଗୁଣ୍ଡ, ଶୁଖିଲା ଲଙ୍କା ଓ ଆଚାର ମସଲା ଓ ଭଜା ହୋଇଥିବା ପିଆଜ ମିଶ୍ରଣକୁ ପକାଇ ବାଟି ନିଅନ୍ତୁ । ଏହାପରେ ପ୍ୟାନରେ ଜିରା ଫୁଟାନ୍ତୁ ଏବଂ କ୍ୟାପସିକମ୍ ପକାଇ ଭାଜନ୍ତୁ । ଏହାପରେ ଏଥିରେ ପ୍ରସ୍ତୁତ ହୋଇଥିବା ପେଷ୍ଟ ପକାଇ ଗୋଳାନ୍ତୁ । ଅଳ୍ପ ସମୟ ଭାଜିବା ପରେ ଏଥିରେ ଦହି ପକାନ୍ତୁ । କିଛି ସମୟ ଏହି ମିଶ୍ରଣକୁ ଭାଜନ୍ତୁ, ଯେପରି ତେଲ ମସଲାରୁ ଅଲଗା ହେବାକୁ ଲାଗିବ । ମସଲା ପ୍ରସ୍ତୁତ ହେବା ପରେ ଏଥିରେ ଆଳୁ, କୋବି, ଗାଜର, ପନିର, ଆଦି ପକାଇ ଭାଜନ୍ତୁ । ଆବଶ୍ୟକ ଅନୁଯାୟୀ ଲୁଣ ଓ କଶୁରୀ ମେଥୀ ଓ ଧନିଆ ପତ୍ର ପକାଇ ପ୍ରସ୍ତୁତ କରନ୍ତୁ ଆଚାରୀ ମିକ୍ସ ଭେଜ୍ ।
