ପ୍ରତିବର୍ଷ ରାଖୀ ଆସିଲେ ଭଉଣୀମାନେ ଚାହିଁ ବସିଥାଆନ୍ତି କିଭଳି ଭାଇଙ୍କ ହାତରେ ରକ୍ଷାବନ୍ଧନ ବାନ୍ଧି ଜୀବନସାରା ପାଇଁ ସୁରକ୍ଷାର ବଚନ ନେବେ । ତେବେ ଏହି ଦିନ ପ୍ରାୟ ସମସ୍ତ ଭାଇ ଶ୍ରଦ୍ଧାରେ ଉଭଣୀଙ୍କ ପାଇଁ କିଛି ଉପହାର ଆଣିଥାଆନ୍ତି । ଏହା ବାଧ୍ୟତାମୂଳକ ନହେଲେ ମଧ୍ୟ ସ୍ନେହର ପ୍ରତୀକ ହୋଇଥାଏ । ତେବେ ଏହି ଉପହାର ପାଇଁ ଆଗରୁ ପ୍ଲାନ କରିବାକୁ ପଡିଥାଏ । କିନ୍ତୁ ଏଭଳି କିଛି ଉପହାର ରହିଛି ଯାହାକୁ ଆପଣ ସେହି ଦିନ ମଧ୍ୟ କିଣି ଦେଇପାରିବେ ଏବଂ ଭଉଣୀଙ୍କୁ ଖୁସି କରାଇପାରିବେ । ଆସନ୍ତୁ ଜାଣିବା ସେହିଭଳି କିଛି ଉପହାର ସମ୍ପର୍କରେ
ମେକଅପ୍ କିଟ୍
ସମସ୍ତ ଝିଅଙ୍କର ମେକଅପ ପସନ୍ଦ ହୋଇଥାଏ । ତେଣୁ ଆପଣଙ୍କର ଭଉଣୀଙ୍କ ପାଇଁ ମେକଅପ ସାମଗ୍ରୀ ଦେଇପାରିବେ । ଏହା ଏକ ସୁନ୍ଦର ଉପହାର ହୋଇଥାଏ । ଏଥିରେ ଭଉଣୀଙ୍କୁ ପସନ୍ଦ ଆସିବାଭଳି ସମସ୍ତ ମେକଅପ ସାମଗ୍ରୀ ରଖି ଏକ ଗିଫଫ ପ୍ୟାକ୍ କରିଦେଇପାରିବେ ।
ଗହଣା
ଝିଅମାନଙ୍କର ପସନ୍ଦ ମେକଅପ ସହିତ ଗହଣା ମଧ୍ୟ ହୋଇଥାଏ । ଆପଣ ଉଭଣୀଙ୍କୁ କିଛି ଛୋଟମୋଟ ଗହଣା ଯେପରି କାନ ଫୁଲ, ଫ୍ୟାନ୍ସି ନେକଲେସ (ଯାହା ସୁନା ନୁହେଁ ବରଂ ଷ୍ଟୋନ କିମ୍ବା ଇମିଟେସନ ହୋଇପାରେ ) ଦେଇପାରିବେ । ଏହି ତାଲିକାରେ ବ୍ରେସଲେଟ, ମୁଦି ଓ ଆଙ୍କଲେଟ୍ ମଧ୍ୟ ସାମିଲ ଅଛି । ଏଗୁଡିକ ଖୁବ ସୁନ୍ଦର ହୋଇଥାଏ ଏବଂ ଭଉଣୀଙ୍କୁ ପସନ୍ଦ ମଧ୍ୟ ଆସିବ ।
ଗ୍ୟାଜେଟ୍
ଯଦି ଆପଣଙ୍କ ଭଉଣୀ ଗୀତ ଶୁଣିବାକୁ କିମ୍ବା ଗେମ୍ ଖେଳିବାକୁ ଭଲ ପାଆନ୍ତି, ତେବେ ସେମାନଙ୍କ ପାଇଁ ଗ୍ୟାଜେଟ୍ ଏକ ଭଲ ବିକଳ୍ପ ପାରିବ । ଆପଣ ତାଙ୍କୁ ହେଡ୍ ଫୋନ୍, ସ୍ପିକର କିମ୍ବା ପ୍ଲେ ଷ୍ଟେସନ ମଧ୍ୟ ଦେଇପାରିବେ । ସେହିଭଳି ଆହୁରି ହାତଘଣ୍ଟା, ଫୋନ୍ ମଧ୍ୟ ଏହି ତାଲିକାରେ ରହିଛି ।
ପୋଷାକ
ଶାଢୀ ହେଉ କିମ୍ବା କୌଣସି ଡ୍ରେସ ସବୁବେଳେ ମହିଳାଙ୍କର ପସନ୍ଦ ଆସିଥାଏ । ତେଣୁ ରାକ୍ଷୀର ସବୁଠାରୁ ଭଲ ଗିଫଫ ପୋଷାକ ହୋଇଥାଏ । ଭଉଣୀଙ୍କୁ ପାଇଁ ଶାଢୀ ହେଉ କିମ୍ବା ଡ୍ରେସ ଟିଏ କିଣି ଦେଇ ପାରିବେ । ଏହି ଉପହାର ତାଙ୍କର ଖୁବ ପସନ୍ଦ ଆସିବା ସହିତ ଏହାକୁ ସଙ୍ଗେସଙ୍ଗେ କିଣି ମଧ୍ୟ ହେବ ।
