ଭାରତରେ ଆକସ୍ମିକ ବନ୍ୟା

ଭାରତରେ ଅନେକ ରାଜ୍ୟ ରହିଛନ୍ତି ଯେଉଁମାନେ ସବୁବେଳେ ଆକସ୍ମିକ ବନ୍ୟା କାରଣରୁ କ୍ଷତିଗ୍ରସ୍ତ ହୋଇ ଥାଆନ୍ତି । ତେବେ ୨୦୨୫ରେ ମଧ୍ୟ ଏଭଳି କିଛି ଆକସ୍ମିକ ବନ୍ୟା ଦେଖିବାକୁ ମିଳିଛି । ସୂଚନା ଅନୁସାରେ ହିମାଚଳ ପ୍ରଦେଶ ଓ ଉତ୍ତର ପୂର୍ବ ରାଜ୍ୟଗୁଡିକରେ ଆକସ୍ମିକ ବନ୍ୟା ଦେଖିବାକୁ ମିଳିଥିଲା । ବାଦଲ ଫଟା ବର୍ଷା ଏହାର ମୁଖ୍ୟ କାରଣ ରହିଥିଲା । ଏହି ଆକସ୍ମିକ ବନ୍ୟାରେ ସବୁଠାରୁ ଅଧିକ କ୍ଷତିଗ୍ରସ୍ତ ଆସାମ ଓ ମଣିପୁର ହୋଇଥିଲା । ଏହି ଅଞ୍ଚଳରେ କ୍ରମନ୍ୱୟରେ ୫୬୦,୦୭୨ ଓ ୧୬୪,୭୮୯ ଲୋକ ପ୍ରଭାବିତ ହୋଇଥିଲେ । ହିମାଚଳରେ ଆକସ୍ମିକ ବନ୍ୟା ସହିତ ବାଦଲ ଫଟା ବର୍ଷା ଓ ଭୂସ୍ଖଳନ ମଧ୍ୟ ଦେଖିବାକୁ ମିଳିଥିଲା । ତେବେ କେବଳ ଏହି ଦୁଇ ରାଜ୍ୟ ନୁହେଁ ଅନେକ ଏଭଳି ରାଜ୍ୟ ରହିଛି ଯେଉଁଠାରେ ଆକସ୍ମିକ ବନ୍ୟାର ଭୟବହତା ଦେଖିବାକୁ ମିଳିଛି ।
– ଉତ୍ତର ପୂର୍ବ ରାଜ୍ୟ ଯଥା ମଣିପୁର ଓ ଆସାମରେ ସବୁଠାରୁ ଅଧିକ ଭୟଙ୍କର ଆକସ୍ମିକ ବନ୍ୟା ଦେଖିବାକୁ ମିଳିଥିଲା । ଏଥିରେ ଅନେକ ଲୋକଙ୍କର ମୃତ୍ୟୁ ହେବାସହ ଶତାଧିକ ନିଖୋଜ ହୋଇଥିଲେ । ସ୍ଥାନୀୟ ଅଞ୍ଚଳର ଲୋକମାନେ ଏଥିପାଇଁ ଖୁବ କଷ୍ଟ କରିଥିଲେ । ଅନେକ ଲୋକଙ୍କର ଘର, ଚାଷ ଯମିରେ ନଷ୍ଟ ହୋଇଯାଇଥିଲା ।
– ଅନ୍ୟ ଏକ ରାଜ୍ୟ ହିମାଚଳ ପ୍ରଦେଶ ଯେଉଁଠାରେ ମଧ୍ୟ ଆକସ୍ମିକ ବନ୍ୟା ଅନେକ କ୍ଷୟକ୍ଷତି ଘଟାଇଛି । ବିଶେଷଭାବେ ମଣ୍ଡି, କୁଲୁ ଭଳି ଜିଲ୍ଲାରେ ଗମ୍ଭୀର କ୍ଷତି ହୋଇଥିବା ଦେଖିବାକୁ ମିଳିଛି । ଲୋକମାନେ ଯେପରି ବାହାର ଅଞ୍ଚଳରୁ ବିଛିନ୍ନ ହୋଇଯାଇଥିଲେ । ଅନେକଙ୍କୁ ନିଜର ଜୀବନଯାକର ଯମା ପୁଞ୍ଜି ହରାଇବାକୁ ପଡିଥିଲା । ଲୋକମାନେ ଅନେକଦିନ ପାଣିଘରରରେ ରହିବା ସହିତ ଅନେକ ଦୁର୍ଦ୍ଦଶା ଭୋଗିଥିଲେ ।
– ସେହିଭଳି ଆଉ ଏକ ରାଜ୍ୟହେଲା ଝାରଖଣ୍ଡ ଯେଉଁଠି ଭୀଷଣ ବନ୍ୟା ଦେଖିବାକୁ ମିଳିଥିଲା । ଏଠାରେ ଭୀଷଣ ବର୍ଷା କାରଣରୁ ବନ୍ୟା ସୃଷ୍ଟି ହୋଇଥିଲା, ଯେଉଁଥିଲେ ଅନେକ କ୍ଷତି ହୋଇଥିଲା । ଏହି ବନ୍ୟାରେ ସ୍ଥାନୀୟ ଲୋକଙ୍କର ଅନେକ କ୍ଷୟକ୍ଷତି ହୋଇଥିବାର ସୂଚନା ରହିଛି । ଏଠିକାର ବିଭିନ୍ନ ଜିଲ୍ଲାରେ ଏହି ସ୍ଥିତି ଦେଖିବାକୁ ମିଳିଥିଲା ।

ଓଡ଼ିଶା
ଓଡ଼ିଶା ଏକ ବନ୍ୟା ପ୍ରବଣ ଅଞ୍ଚଳ । ଏଠାରେ ପ୍ରତିବର୍ଷ ବିଭିନ୍ନ ନଦୀରେ ବନ୍ୟା ଆସୁଥିବାର ଦେଖିବାକୁ ମିଳିଥାଏ । ପ୍ରତିବର୍ଷ ବର୍ଷାଦିନେ ବିଭିନ୍ନ ନଦୀରେ ବନ୍ୟା ଜଳ ପ୍ରବାହିତ ହୋଇଥାଏ । ଯାହା ଫଳରେ ବିଭିନ୍ନ ଜିଲ୍ଲାର ନଦୀ କୂଳିଆ ଲୋକମାନେ ଖୁବ ସମସ୍ୟାର ସାମନା କରନ୍ତି । ପ୍ରତିବର୍ଷ ଏହି ପରିସ୍ଥିତି ଦେଖିବାକୁ ମିଳିଥାଏ । ଚଳିତ ବର୍ଷ ମଧ୍ୟ ଓଡ଼ିଶାର କିଛି ସ୍ଥାନରେ ବନ୍ୟା ପରିସ୍ଥିତି ଦେଖିବାକୁ ମିଳିଥିଲା । ପାଖାପାଖି ୫୦ ହଜାରରୁ ଅଧିକ ଲୋକମାନେ ସୁବର୍ଣ୍ଣରେଖା ନଦୀରେ ଆସିଥିବା ବନ୍ୟାରେ ପ୍ରଭାବିତ ହୋଇଥିବା ସୂଚନା ରହିଛି । ଯାହାପ୍ରଭାବରେ ଓଡ଼ିଶାର ବାଲେଶ୍ୱର ଜିଲ୍ଲାରେ ଅନେକ ଲୋକ ପ୍ରଭାବିତ ହୋଇଥିଲେ । ବାଲେଶ୍ୱର ଅନେକ ବ୍ଲକ ଯେପରି ଭୋଗରାଇ,ବାଲିଆପାଳ, ବସ୍ତ ଆଦି ବ୍ଲକ୍‌ରେ ଲୋକମାନେ ନାହିଁ ନଥିବା ସମସ୍ୟା ଭୋଗିଥିଲେ । କେବଳ ବାଲେଶ୍ୱର ନୁହେଁ ଅନ୍ୟ ଜିଲ୍ଲାରେ ମଧ୍ୟ ଆକସ୍ମିକ ବନ୍ୟାର ପ୍ରଭାବ ଦେଖିବାକୁ ମିଳିଥିଲା ।