ଅନେକ ସମୟରେ ଆମ ପିଠିରେ ଖୁବ ଯନ୍ତ୍ରଣା ହୋଇଥାଏ, ଯାହାକୁ କ୍ରୋନିକ ବ୍ୟାକ୍ପେନ୍ର ଆଖ୍ୟା ଦିଆଯାଇଥାଏ । ତେବେ ଏହି ପିଠି ଯନ୍ତ୍ରଣା ପାଇଁ ଚାଲିବା ଏକ ଭଲ ବିକଳ୍ପ । ପ୍ରତିଦିନ କିଛି ସମୟ ଚାଲିବା ଫଳରେ ଆମେ ଏହି ସମସ୍ୟାରୁ ମୁକ୍ତି ପାଇ ପାରିବା । ଏକ ରିପୋର୍ଟ ଅନୁସାରେ ଦିନକୁ ଏକ ଘଣ୍ଟାରୁ ଅଧିକ ସମୟ ଚାଲିବା ଆମର ପିଠି ଯନ୍ତ୍ରଣାକୁ କମ କରିଥାଏ ଏବଂ ଏହା ହେବାର ଆଶଙ୍କାକୁ ମଧ୍ୟ କମାଇଥାଏ । ଏନେଇ ଏକ ଗବେଷଣା କରାଯାଇଥିଲା ଯେଉଁଠି ପାଖାପାଖି ଏକ ହଜାରରୁ ଅଧିକ ଲୋକଙ୍କୁ ଗବେଷଣାରେ ସାମିଲ କରାଯାଇଥିଲା । ସେମାନଙ୍କ ସମସ୍ତଙ୍କ ବୟସ ସେଇ ପାଖାପାଖି ୨୦ ବର୍ଷ କିମ୍ବା ତା ଠାରୁ ଅଧିକ । ଯେଉଁମାନେ ଏଥିରେ ସବୁଦିନ ଚାଲୁଥିଲେ ସେମାନଙ୍କର ପିଠି ଯନ୍ତ୍ରଣା କମିବାର ଆଶା ଖୁବ ଅଧିକ ରହିଥିଲା । ଏପରିକି ସେମାନଙ୍କର ପୂର୍ବରୁ ଥିବା ପିଠି ଯନ୍ତ୍ରଣା ଭଲ ହେଉଥିବାର ମଧ୍ୟ ଦେଖିବାକୁ ମିଳିଥିଲା । ପ୍ରତିଦିନ ଚାଲିବା କେବଳ ପିଠି ଯନ୍ତ୍ରଣା ନୁହେଁ ଅନ୍ୟ ବିଭିନ୍ନ ସ୍ୱାସ୍ଥ୍ୟ ସମସ୍ୟା ପାଇଁ ମଧ୍ୟ ଉପକାରୀ ହୋଇଥାଏ । କୋଲଷ୍ଟ୍ରୋଲ, ଓବେସିଟି, ବଦହଜମି, ହାର୍ଟହେଲ‘ ଭଳି ଅନେକ ସମସ୍ୟା ପାଇଁ ମଧ୍ୟ ଏହା ଉପକାରୀ ହୋଇଥାଏ ।
Comments are closed.