ଭାରତୀୟ ରେଳ ବିଶ୍ୱର ପୂରାତନ ରେଳସେବା ମଧ୍ୟରୁ ଗୋଟିଏ । ଭାରତରେ ପାଖାପାଖି ୭ ହଜାରୁ ଅଧିକ ଷ୍ଟେସନ,୨୨ ହଜାରରୁ ଅଧିକ ଟ୍ରେନ ରହିଛି, ଯେଉଁଥିରେ ଦିନକୁ ୨.୪ କୋଟି ଲୋକ ଯିବା ଆସିବା କରିଥାଆନ୍ତି । ଏଠାରେ ଏଭଳି ମଧ୍ୟ ଷ୍ଟେସନ ରହିଛି ଯାହା ବିଶ୍ୱର ସବୁଠାରୁ ବ୍ୟସ୍ତ ଷ୍ଟେସନ ଭାବେ ମାନତ୍ୟା ପାଇଛି । କୋଲକାତାର ହାଓ୍ୱଡା ଷ୍ଟେସନ ହେଉଛି ବିଶ୍ୱର ସବୁଠାରୁ ବ୍ୟସ୍ତ ଷ୍ଟେସନ । ୧୮୫୪ରେ ପ୍ରତିଷ୍ଠା ହୋଇଥିବା ଏହି ଷ୍ଟେସନ ଭାରତର ସବୁଠାରୁ ପୂରାତନ ଷ୍ଟେସନ ମଧ୍ୟ । ଏହା ପୂର୍ବ ଏବଂ ଉତ୍ତର-ପୂର୍ବ ଷ୍ଟେସନର ସବୁଠାରୁ ବ୍ୟସ୍ତ ତଥା ପରିଚିତ ଷ୍ଟେସନ, ଏହି ଷ୍ଟେସନ ଦେଇ ସମସ୍ତ ଟ୍ରେନ୍ ଏହି ଅଞ୍ଚଳକୁ ଯାତ୍ରା କରିଥାଏ । ହାଓ୍ୱଡା ଷ୍ଟେସନରେ ଦୁଇଟି ଭାଗ ରହିଛି, ଗୋଟିଏ ଭାଗରେ ୧ରୁ ୧୬ଟି ପ୍ଲାର୍ଟଫର୍ମ ଥିବାବେଳେ ନୂଆରେ ୧୭ରୁ ୨୩ଟି ପ୍ଲାର୍ଟଫର୍ମ ରହିଛି । ପ୍ରତିଦିନ ଏଠାରେ ପାଖାପାଖି ୬୦୦ ଟ୍ରେନ୍ ଯିବା ଆସିବା କରିଥାଆନ୍ତି । ଏକ ମିଲିଅନରୁ ଅଧିକ ଯାତ୍ରୀ ପ୍ରତିଦିନ ଏହି ଷ୍ଟେସନ ଦେଇ ଯିବା ଆସିବା କରିଥାଆନ୍ତି ।
Comments are closed.