ବ୍ୟସ୍ତ ଜୀବନଶୈଳୀ ମଧ୍ୟରେ ପ୍ରତ୍ୟେକ ମା’-ବାପା ସେମାନଙ୍କ ପିଲାଙ୍କ ମିଛକଥା କହିବା ଗୁଣକୁ ଅଣଦେଖା କରିଥାଆନ୍ତି । ମାତ୍ର ଛୋଟ ଛୋଟ ପ୍ରସଙ୍ଗରେ ମିଛ କହିବା ଧୀରେ ଧୀରେ ସେମାନଙ୍କର ବଡ଼ ଅଭ୍ୟାସରେ ପରିଣତ ହୋଇଥାଏ । ଯାହା ଭବିଷ୍ୟତରେ ଖରାପ ପରିସ୍ଥିତି ଉତ୍ପନ୍ନ କରିବାର କାରଣ ସାଜିଥାଏ । ତେଣୁ ପିଲାଙ୍କ ମିଛକଥା କହିବା ଅଭ୍ୟାସକୁ ଅଣଦେଖା କରିବା ଆଦୌ ଉଚିତ ନୁହେଁ । ଯଦି ଆପଣଙ୍କ ପିଲା କୌଣସି କଥାକୁ ନେଇ ମିଛ କହୁଛି, ତେବେ ତାଙ୍କୁ ଗାଳି କରିବା ପରିବର୍ତ୍ତେ ବୁଝାନ୍ତୁ । ମିଛ କହିବା ଠିକ୍ ନୁହେଁ ବୋଲି ପିଲାମାନେ ଜାଣିରଖିବା ଆବଶ୍ୟକ । ସାଧାରଣତଃ ପିଲାମାନେ କୌଣସି ଜିନିଷକୁ ହଜାଇବା ପରେ କିମ୍ବା ହୋମ୍ଓ୍ୱାର୍କ ନକରିଥିଲେ କିମ୍ବା ସ୍କୁଲ୍ ଯିବାକୁ ଆଗ୍ରହୀ ନଥିଲେ, ମା’ବାପାଙ୍କ ଠାରୁ ବର୍ତ୍ତିବା ପାଇଁ ମିଛର ଆଶ୍ରୟ ନିଅନ୍ତି । ହେଲେ କୌଣସି ଏକ ଜିନିଷ ହଜିବା ଠାରୁ ସତକଥା କହିବା ଅଧିକ ମୂଲ୍ୟବାନ ବୋଲି ତାଙ୍କୁ ବୁଝାନ୍ତୁ । ଏହାସହିତ ସ୍କୁଲ୍ ଯିବା ସହିତ ହୋମ୍ଓ୍ୱାର୍କ କରିବା ପାଇଁ ମଧ୍ୟ ସେମାନଙ୍କୁ ଉତ୍ସାହିତ କରନ୍ତୁ । ପିଲାଙ୍କ ସହିତ ବନ୍ଧୁ ଭଳି ମିଶନ୍ତୁ, ଯାହାଫଳରେ ସେମାନେ ନିଜ ଭୁଲକୁ ଲୁଚାଇ ମିଛ କହିବା ପରିବର୍ତ୍ତେ ଭୁଲକୁ ସ୍ୱିକାର କରିବେ ଓ ସର୍ବଦା ସତ କହିବେ ।
Comments are closed.