ସେଲିବ୍ରିଟିମାନେ ସବୁବେଳେ ନିଜ ସ୍ୱାସ୍ଥ୍ୟକୁ ନେଇ ଖୁବ ଯତ୍ନବାନ ରହିଥାଆନ୍ତି, ତେଣୁ ସେମାନଙ୍କ କ୍ଷେତ୍ରରେ କୌଣସି ସ୍ୱାସ୍ଥ୍ୟ ସମସ୍ୟାକୁ ସହଜରେ ଗ୍ରହଣ କରିହୋଇ ନଥାଏ । ହେଲେ ଗତ କିଛି ବର୍ଷ ଭିତରେ ଅନେକ ସେଲିବ୍ରିଟିଙ୍କର ହାର୍ଟ ଆଟାକ୍ରେ ମୃତ୍ୟୁ ହୋଇଥିବା ଦେଖିବାକୁ ମିଳୁଛି । ଏମାନଙ୍କ ଭିତରେ ୪୦ – ୫୦ ବର୍ଷୀୟ ସେଲିବ୍ରିଟି ମଧ୍ୟ ସାମିଲ ଅଛନ୍ତି । ଆସନ୍ତୁ ସେହିଭଳି କିଛି ସେଲିବ୍ରିଟିଙ୍କ ମୃତ୍ୟୁ ସମ୍ପର୍କରେ ।
ସିଦ୍ଧାର୍ଥ ଶୁକ୍ଳା
ଟେଲି ଅଭିନେତା ତଥା ବିଗ୍ ବସ୍ ବିଜେତା ସିଦ୍ଧାର୍ଥ ଶୁକ୍ଳାଙ୍କ ମୃତ୍ୟୁ ଖୁବ ଚର୍ଚ୍ଚିତ ବିଷୟ ପାଲଟିଥିଲା । ତାଙ୍କର ମାତ୍ର ୪୦ ବର୍ଷ ବୟସରେ ହୃଦଘାତରେ ମୃତ୍ୟୁ ହୋଇଥିଲା । ତାଙ୍କର ମୃତ୍ୟୁ ଅନେକଙ୍କୁ ଚକିତ କରିଥିଲା । ସବୁଦିନ ଜିମ୍ଯାଉଥିବା ଓ ଡାଏଟ୍ରେ ଧ୍ୟାନ ଦେଉଥିବା ବ୍ୟକ୍ତିଙ୍କର ଏଭଳି ହଠାତ୍ ମୃତ୍ୟୁ ସମସ୍ତଙ୍କୁ ଚିନ୍ତାରେ ପକାଇଥିଲା । ତାଙ୍କ ଫ୍ୟାନ୍ ଓ ସମ୍ପର୍କୀୟଙ୍କ ପାଇଁ ଏହା ଏକ ସକିଂ ଖବର ଥିଲା । ଘରେ ଖାଇବା ପରେ ଶୋଇଥିବା ଅବସ୍ଥାରେ ତାଙ୍କର ମୃତ୍ୟୁ ହୋଇଥିଲା । ତେବେ ତାଙ୍କର ମୃତ୍ୟୁ ପରେ ଯୁବା ଅବସ୍ଥାରେ ହେଉଥିବା ହୃଦଘାତକୁ ନେଇ ଅନେକ ଆଲୋଚନା ଦେଖିବାକୁ ମିଳିଥିଲା । ତାଙ୍କ ହୃଦଘାତର କାରଣ ଭାବେ ତାଙ୍କର ଅଧିକ ଧୂମ ପାନକୁ ଦାୟୀ କରାଯାଇଥିଲା । ସେହିଭଳି ଅନ୍ୟପଟେ ସେ ନିଜର ବଡି ବନାଇବା ପାଇଁ ବ୍ୟବହାର କରୁଥିବା ଷ୍ଟେରୋଏଡ୍ ଓ ଅଧିକ କଠିନ ବ୍ୟାୟାମତୁ ମଧ୍ୟ ଏଥିପାଇଁ ଦାୟୀ କରାଯାଇଥିଲା । ହେଲେ ଏହାର ସଠିକ କାରଣ ଏପର୍ଯ୍ୟନ୍ତ ଜଣା ପଡିନାହିଁ । ଅନେକ କିନ୍ତୁ ସେଲିବ୍ରିଟିଙ୍କ ଲାଇଫ୍ଷ୍ଟାଇଲକୁ ସବୁବେଳେ ଏଥିପାଇଁ ଦାୟୀ କରିଥାଆନ୍ତି । ୧୯୮୦ ମସିହାରେ ଜନ୍ମିତ ସିଦ୍ଧାର୍ଥଙ୍କର ୨୦୨୧ ମସିହାରେ ମୃତ୍ୟୁ ହୋଇଥିଲା । ବିଗବସର ବିଜେତା ପରେ ତାଙ୍କର ପୁରା ଭାରତରେ ଘରେ ଘରେ ପରିଚୟ ସୃଷ୍ଟି କରିପାରିଥିଲେ । ତାଙ୍କର ଅନେକ ହିଟ୍ ଟିଭି ସିରିଏଲ ରହିଛି,ଯାହାକୁ ଆଜିବି ଦର୍ଶକ ଭଲପାଇବା ଦେଇଥାଆନ୍ତି ।
ପୁନିତ୍ ରାଜ କୁମାର
କନ୍ନଡ ସିନେମାରେ ଜଣେ ପରିଚିତ ଚେହେରା ଥିଲେ ପୁନିତ୍ ରାଜ କୁମାର । ତାଙ୍କର ଜଣେ ଅଭିନେତା ତଥା ସିଙ୍ଗର ଭାବେ ଅନେକ କ୍ଷାତି ରହିଥିଲା । ତାଙ୍କ ଫିଲ୍ମ ଫିଲ୍ମ ଅପୁ, ମିଲନ, ରାଜକୁମାରକୁ ଦର୍ଶକ ଆଜି ବି ଭଲ ପାଇବା ଦେଇଥାଆନ୍ତି । ତେବେ ଏହି ପ୍ରତିଭାବାନ ଅଭିନେତାଙ୍କର ବୟସ ଥିଲା କିନ୍ତୁ ଖୁବ ସ୍ୱଳ୍ପ । ମାତ୍ର ୪୬ ବର୍ଷ ବୟସରେ ହୃଦଘାତରେ ତାଙ୍କର ଜୀବନ ଚାଲିଯାଇଥିଲା । ୧୯୭୫ ମସିହାରେ ଜନ୍ମିତ ପୁନିତଙ୍କର ୨୦୨୧ରେ ମସିହାରେ ମୃତ୍ୟୁ ହୋଇଥିଲା । ତାଙ୍କ ମୃତ୍ୟୁ କନ୍ନଡ ଫିଲ୍ମ ସହିତ ବଲିଉଡରେ ମଧ୍ୟ ଶୋକର ଛାୟା ଖେଳାଇ ଦେଇଥିଲା । ଏତେ ଫିଟ୍ ରହୁଥିବା ମଣିଷଙ୍କର ଏଭଳି ମୃତ୍ୟୁକୁ କେହି ଗ୍ରହଣ କରିପାରିନଥିଲେ ।
କେକେ
କ୍ରିଷ୍ଣାକୁମାର କୁନ୍ନାଥ ବା କେକେଙ୍କର ମୃତ୍ୟୁକୁ ତାଙ୍କ ଫ୍ୟାନମାନେ କେବେ ଭୁଲିପାରିବେ ନାହିଁ । ଏହି ସିଙ୍ଗରଙ୍କର ଦେହ ଷ୍ଟେଜରେ ଗୀତ ଗାଉଥିବା ସମୟରେ ହିଁ ଖରାପ ହୋଇଥିଲା, ଯାହାପରେ ଡାକ୍ତରଖାନାରେ ତାଙ୍କର ମୃତ୍ୟୁ ହୋଇଥିଲା । ସୂଚନା ଅନୁସାରେ ଷ୍ଟେଜରେ ଗୀତ ଗାଉଥିବା ସମୟରେ ତାଙ୍କର ଛାତିରେ ଯନ୍ତ୍ରଣା ଅନୁଭବ ହୋଇଥିଲା । ଏହାପରେ ତାଙ୍କୁ ତୁରନ୍ତ ଡାକ୍ତରଖାନାକୁ ନିଆଯାଇଥିଲା ହେଲେ କୌଣସି ଲାଭ ହୋଇନଥିଲା । ସେଠାରେ ତାଙ୍କର ମୃତ୍ୟୁ ହୋଇଥିଲା । ସେ ମଧ୍ୟ ଖୁବ ଫିଟ୍ରହୁଥିବା ମଣିଷଥିଲେ । ଅଧିକ ଟାଇମ ବ୍ୟାୟାମ କରି ସୁସ୍ଥ ରହିବା ପାଇଁ ସବୁବେଳେ ଚେଷ୍ଟା କରୁଥିବା ମଣିଷଙ୍କର ହୃଦଘାତରେ ମୃତ୍ୟୁକୁ କେହି ସହଜରେ ଗ୍ରହଣ କରିପାରିନଥିଲେ ।
ରାଜୁ ଶ୍ରୀବାସ୍ତବ
ରାଜୁ ଶ୍ରୀବାସ୍ତବଙ୍କ ମୃତ୍ୟୁ ସମସ୍ତଙ୍କୁ ସ୍ତବ୍ଧ କରିଦେଇଥିଲା । ଖୁବ ଆକଫିଭ ରହୁଥିବ ଲୋକଙ୍କର ହଠାତ୍ ମୃତ୍ୟୁକୁ କେହି ସହଜରେ ଗ୍ରହଣ କରିପାରିନଥିଲେ । ୧୯୬୩ରେ ଜନ୍ମିତ ରାଜୁ ଶ୍ରୀବାସ୍ତବଙ୍କର ୨୦୨୨ରେ ମୃତ୍ୟୁ ହୋଇଥିଲା । ସେ ଜଣେ ହାସ୍ୟ ଅଭିନେତା, କବି ତଥା ରାଜନେତା ଭାବେ ପରିଚିତଥିଲେ । ୨୦୨୨ରେ ମାତ୍ର ୫୮ବର୍ଷରେ ତାଙ୍କର ହୃଦଘାତ ହୋଇଥିଲା, ଏହାପରେ ସେ ପାଖାପାଖି ୪୦ଦିନ ଡାକ୍ତରଖାନାର ଚିକିତ୍ସାଧୀନ ରହିଥିଲେ ଏବଂ ଏହାପରେ ତାଙ୍କର ମୃତ୍ୟୁ ହୋଇଥିଲା । ତାଙ୍କ ମୃତ୍ୟୁରେ କମେଡି ଦୁନିଆରେ ଏକ ଅପୂରଣୀୟ ଖାଲି ସ୍ଥାନ ସୃଷ୍ଟି ହୋଇଥିଲା ଯାହା ଆଜିଯାଏଁ ବି ପୂରଣ ହୋଇନାହିଁ ।
ରାଜୀବ କପୁର
ଭାରତୀୟ ଅଭିନେତା ରାଜୀବ କପୁର ନିଜ ନିଖୁଣ ଅଭିନୟ ପାଇଁ, ଆଜିବି ଦର୍ଶକଙ୍କ ମନରେ ଏକ ସ୍ୱତନ୍ତ୍ରସ୍ଥାନ ରଖିଛନ୍ତି । ରାମତେରି ଗଙ୍ଗା ମେଲିରେ ତାଙ୍କ ଅଭିନୟ ସମସ୍ତଙ୍କୁ ଖୁବ ଭଲ ଲାଗିଥିଲା । ଏହି ଫିଲ୍ମପରେ ତାଙ୍କର ଏକ ସ୍ୱତନ୍ତ୍ର ପରିଚୟ ସୃଷ୍ଟି ହୋଇଥିଲା । ସେ କପୁର ପରିବାରର ଅଂଶ ଥିଲେ । ତେବେ ତାଙ୍କର ହଠାତ୍ ମୃତ୍ୟୁ ସେତେବେଳେ ଖୁବ ଚର୍ଚ୍ଚାର ବିଷୟ ପାଲଟିଥିଲା । ତାଙ୍କର ମାତ୍ର ୫୮ ବର୍ଷ ବୟସରେ ମୃତ୍ୟୁ ହୋଇଥିଲା । ତାଙ୍କର ଅକସ୍ମାତ ମୃତ୍ୟୁର କାରଣ ଥିଲା ହୃଦଘାତ । ମୁମ୍ବାଇର ରଣଧୀର କପୁରଙ୍କ ବାସଭବନରେ ତାଙ୍କର ମୃତ୍ୟୁ ହୋଇଥିବା ସୂଚନା ମିଳିଥିଲା । ଏତେ ଫିଟ୍ ଲାଇଫ୍ ଷ୍ଟାଇଲ ମେଣ୍ଟେନ କରୁଥିବା ଜଣେ ବ୍ୟକ୍ତିଙ୍କର ହୃଦଘାତରେ ମୃତ୍ୟୁ ମର୍ମାହତ କରିଥିଲା ।
ଚିରଞ୍ଜୀବୀ ସରଜା
କନ୍ନଡ ଫିଲ୍ମ ଇଣ୍ଡଷ୍ଟ୍ରୀରେ ଜଣେ ପରିଚିତ ଚେହେରା ହେଲେ ଚିରଞ୍ଜୀବୀ ସରଜା । ମାତ୍ର ୧୧ ବର୍ଷର କ୍ୟାରିୟରରେ ସେ ୨୦ଟି ଫିଲ୍ମରେ ଅଭିନୟ କରିଥିଲେ । ତେବେ ତାଙ୍କ ମୃତ୍ୟୁ ସମସ୍ତଙ୍କୁ ଖୁବ କଷ୍ଟ ଦେଇଥିଲା । ୧୯୮୦ରେ ଜନ୍ମିତ ଚିରଞ୍ଜୀବୀଙ୍କର ମାତ୍ର ୩୯ ବର୍ଷରେ ହୃଦଘାତରେ ମୃତ୍ୟୁ ହୋଇଥିଲା । ୬ ଜୁନ୍ ୨୦୨୦ରେ ତାଙ୍କୁ ହଠାତ୍ ନିଃଶ୍ୱାସ ନେବାରେ ସମସ୍ୟା ହୋଇଥିଲା ଯାହାପରେ ତାଙ୍କୁ ଡାକ୍ତରଖାନା ନିଆଯାଇଥିଲା, ଯେଉଁଠାରେ ତାଙ୍କର ମୃତ୍ୟୁ ହୋଇଥିଲା । ମୃତ୍ୟୁର କାରଣ ଭାବେ ଡାକ୍ତର ହୃଦଘାତ କହିଥିଲେ ।
ସଞ୍ଜୟ କପୁର
ନିକଟରେ କରିଶ୍ମାଙ୍କ ସ୍ୱାମୀ ସଞ୍ଜୟ କପୁରଙ୍କର ମୃତ୍ୟୁ ସମସ୍ତଙ୍କୁ ଗଭୀରଭାବେ ଚିନ୍ତାରେ ପକାଇଥିଲା । ସଞ୍ଜୟ କପୁର ଯିଏ ସବୁବେଳେ ଫିଟନେସର ଉଦାହରଣ ଭାବେ ପରିଗଣିତ ହୋଇଥାଆନ୍ତି, ତାଙ୍କର ମୃତ୍ୟୁ ହୃଦଘାତ କାରଣରୁ ହୋଇଥିଲା । ଗଲ୍ଫ ଖେଳୁଥିବାବେଳେ ହଠାତ୍ ତାଙ୍କର ନିଃଶ୍ୱାସ ପ୍ରଶ୍ୱାସ ନେବାରେ ଅସୁବିଧା ହୋଇଥିଲା,ଏହାପରେ ତାଙ୍କୁ ତୁରନ୍ତ ଡାକ୍ତରୀ ଚିକିତ୍ସା ଦିଆଯାଇଥିଲା ହେଲେ ତାଙ୍କର ମୃତ୍ୟୁ ହୋଇଯାଇଥିଲା । ମୃତ୍ୟୁ ବେଳକୁ ତାଙ୍କୁ ମାତ୍ର ୫୩ ବର୍ଷ ବୟସ ହୋଇଥିଲା ।
Comments are closed.