ସୋସିଆଲ ମିଡିଆରେ ଜଣେ ଯୁବତୀ ନିଜ ବିରଳ ରୋଗ ପାଇଁ ଖୁବ ଚର୍ଚ୍ଚାରେ ରହିଛନ୍ତି । ସୂଚନା ଅନୁସାରେ ଯୁବତୀ ଜଣଙ୍କ ଘଣ୍ଟାକୁ ପାଖାପାଖି ୧୫ ଥର ବାନ୍ତି କରୁଛନ୍ତି, ଯାହା ଏକ ବିରଳ ରୋଗର ଲକ୍ଷଣ । ସୂଚନା ଅନୁସାରେ ଯୁବତୀଙ୍କୁ ବିରଳ ସାଇକ୍ଲିକ୍ ଭୋମିଟିଂ ସିଣ୍ଡ୍ରୋମ ହୋଇଥିବା ଜଣା ପଡିଛି, ଯେଉଁ କାରଣରୁ ଯୁବତୀ ଘଣ୍ଟାକୁ ପାଖାପାଖି ୧୫ ଥର ବାନ୍ତି କରୁଛନ୍ତି । ଏହି ରୋଗ ବିଶ୍ୱର ସମୁଦାୟ ଲୋକସଂଖ୍ୟାର ମାତ୍ର ୨ ପ୍ରତିଶତ ଲୋକଙ୍କୁ ହୋଇଥାଏ ବୋଲି ଜଣା ପଡିଛି । ଏହାକୁ ସାଧାରଣରେ ସିଭିଏସ୍ ନାମରେ ଜଣାଯାଇଥାଏ । ଏଥିରେ ପୀଡିତ ରୋଗୀଙ୍କର ବାନ୍ତି ଲକ୍ଷଣ କିଛି ଘଣ୍ଟା ଏପରିକି କିଛି ଦିନ ପର୍ଯ୍ୟନ୍ତ ରହିଥାଏ, ଯାହା ଫଳରେ ତାଙ୍କୁ ଡାକ୍ତରଖାନା ଯିବାକୁ ପଡିଥାଏ । ଏପରିକି ତାଙ୍କୁ ସାଲାଇନ୍ର ଆବଶ୍ୟକତା ମଧ୍ୟ ପଡିଥାଏ, ଡିହାଇଡ୍ରେସନରୁ ବଞ୍ଚିବା ପାଇଁ । ଯୁବତୀ ଜଣଙ୍କ ନିଜ ସମସ୍ୟା ବା ରୋଗନେଇ ସୋସିଆଲ ମିଡିଆରେ ପୋଷ୍ଟ କରିବା ପରେ ଏହା ଖୁବ ଚର୍ଚ୍ଚାର ବିଷୟ ପାଲଟିଛି । ଅନେକ ଲୋକ ଏହା ବିଷୟରେ ପ୍ରଥମଥର ପାଇଁ ଯୁବତୀଙ୍କ ପୋଷ୍ଟରୁ ଜାଣିବାକୁ ପାଇଥିବା କମେଣ୍ଟ ମାଧ୍ୟମରେ ପ୍ରକାଶ କରିଛନ୍ତି । ୨୦୨୧ରୁ ଯୁବତୀଙ୍କ ନିକଟରେ ଏହି ଲକ୍ଷଣ ଦେଖିବାକୁ ମିଳିଥିଲା, ଯାହାପରେ ସେ ଚିକିତ୍ସାଧୀନ ଅଛନ୍ତି । ତେବେ ପ୍ରଥମେ ଡାକ୍ତର ତାଙ୍କର ଏହି ରୋଗକୁ ଚିହ୍ନଟ କରିବାରେ ବିଫଳ ହୋଇଥିଲେ । ତାଙ୍କୁ ଏହି ରୋଗପାଇଁ ଅନେକ ଟେଷ୍ଟ ସହିତ ଡାକ୍ତରଖାନାରେ ଅଧିକାଂଶ ସମୟ ରହିବାକୁ ପଡୁଛି ।
Comments are closed.