ବଲିଉଡ ଅଭିନତ୍ରୀ ଇଲିଆନା ଡିକ୍ରୁଜଙ୍କୁ ବର୍ତ୍ତମାନ ଶୁଭେଚ୍ଛା ମିଳିବାରେ ଲାଗିଛି । ଏହା ପଛରେ ଏକ ଖୁସି ଖବର କାରଣ ରହିଛି । ସୂଚନା ଅନୁସାରେ ଇଲିଆନା ନିକଟରେ ପୁଣିଥରେ ମାଆ ହେବାର ସୌଭାଗ୍ୟ ପାଇଛନ୍ତି । ଦ୍ୱିତୀୟ ସନ୍ତାନ ଭାବେ ସେ ଏକ ପୁତ୍ରକୁ ଜନ୍ମ ଦେଇଛନ୍ତି । ଏହି ସୂଚନା ସେ ନିଜ ସୋସିଆଲ ମିଡିଆ ଆକାଉଣ୍ଟରେ ଦେବାପରେ ଏହା ଖୁବ ଭାଇରାଲ ହେଉଥିବାର ଦେଖିବାକୁ ମିଳୁଛି । ଏହି ଖବର ଜଣାପଡିବା ପରେ ତାଙ୍କ ଫ୍ୟାନଙ୍କ ସମେତ ଅନେକ ସେଲିବ୍ରିଟି ତାଙ୍କୁ ଏଥିପାଇଁ ଶୁଭେଚ୍ଛା ଦେବାରେ ଲାଗିଛନ୍ତି । ଗତ ୧୯ ତାରିଖରେ ତାଙ୍କର ପୁତ୍ରସନ୍ତାନ ଜନ୍ମ ହୋଇଥିବା ଏହି ପୋଷ୍ଟରେ ଉଲ୍ଲେଖ ରହିଛି । ୨୦୨୩ରେ ତାଙ୍କର ପ୍ରଥ ପୁତ୍ର ଜନ୍ମ ହୋଇଥିଲା । ୨୦୦୬ରେ ତେଲୁଗୁ ଫିଲ୍ମରୁ ନିଜର ଫିଲ୍ମ କ୍ୟାରିୟର ଆରମ୍ଭ କରିଥିଲେ ଇଲିଆନା । ତାଙ୍କୁ ଉଭୟ ହିନ୍ଦୀ ଓ ତେଲୁଗୁ ଇଣ୍ଡଷ୍ଟ୍ରୀରେ ଏକାଧିକ ହିଟ୍ ଫିଲ୍ମରେ ଦେଖିବାକୁ ମିଳିଛି ।
Comments are closed.