୨୦୦୨ରେ ରିଲିଜ୍ ହୋଇଥିବା ଆଲବମ୍ କାଣ୍ଟା ଲଗା ଯାହା ଦେଇଥିଲା ସେଫାଳିକୁ ଷ୍ଟାର ଡମ୍ । କାଣ୍ଟା ଲଗା ଗର୍ଲ ନାଁରେ ସେ ପୁରା ଅଭିନୟ ଦୁନିଆରେ ପରିଚିତ ହୋଇପାରିଥିଲେ । ଏହି ଆଲ୍ବମ୍ରେ ସେଫାଳୀଙ୍କ ନୃତ୍ୟକୁ ଦର୍ଶକ ଖୁବ ପସନ୍ଦ କରିଥିଲେ । ଏହି ଗୀତଟି ତାଙ୍କର ଏବେ ମଧ୍ୟ ଦର୍ଶକଙ୍କ ହୃଦୟରେ ଜୀବନ୍ତ ରହିଛି । ଏହି ଗୀତଟି ଏକ ପୁରୁଣା ଗୀତର ରିମିକ୍ସ ଥିଲା । ହେଲେ ଦର୍ଶକ ସେଫାଳୀଙ୍କୁ ଏହି ଫର୍ମରେ ଗ୍ରହଣ କରିଥିଲେ । ସମସ୍ତେ ଗୀତ ସହିତ ସେଫାଳୀଙ୍କ ଡ୍ୟାନ୍ସର ଖୁବ ପ୍ରଶଂସା କରିଥିଲେ । ଯାହା ତାଙ୍କୁ ଏକ ସ୍ୱତନ୍ତ୍ର ପରିଚୟ ଦେଇଥିଲା ।
ଭାଇରାଲ ହେଉଛି ପୁରୁଣା ପୋଷ୍ଟ
ସେଫାଳୀଙ୍କ ମୃତ୍ୟୁପରେ ତାଙ୍କର ଏକ ପୁରୁଣା ସୋସିଆଲ ମିଡିଆ ପୋଷ୍ଟ ଖୁବ ଭାଇରାଲ ହେବାରେ ଲାଗିଛି । ଏଥିରେ ସେ ନିଜ ବନ୍ଧୁ ତଥା ବିବଙ୍ଗତ ଅଭିନେତା ସିଦ୍ଧାର୍ଥ ଶୁକ୍ଳାଙ୍କୁ ମିସ୍ କରୁଥିବା ଉଲ୍ଲେଖ କରିଛନ୍ତି । ତେବେ ସୂଚନା ଅନୁସାରେ ସିଦ୍ଧାର୍ଥଙ୍କର ମଧ୍ୟ କିଛି ବର୍ଷ ପୂର୍ବରୁ ହୃଦଘାତରେ ଅକସ୍ମାତ ମୃତ୍ୟୁ ହୋଇଥିଲା । ସେଫାଳୀଙ୍କର ଏହା ଖୁବ ପୁରୁଣା ପୋଷ୍ଟ ହେଲେ ମଧ୍ୟ ଦର୍ଶକ ଏହାକୁ ଯୋଡିବାରେ ଲାଗିଛନ୍ତି କାରଣ ସେଫାଳୀଙ୍କର ମୃତ୍ୟୁ ମଧ୍ୟ ହୃଦଘାତରେ ହୋଇଛି ।
ସ୍ୱାମୀଙ୍କ ଇନ୍ଷଫା ପୋଷ୍ଟକୁ ନେଇ ଟ୍ରୋଲ
ସେଫାଳୀଙ୍କ ମୃତ୍ୟୁ ପରେ ସୋସିଆଲ ମିଡିଆରେ ଅନେକ ପୋଷ୍ଟ ଦେଖିବାକୁ ମିଳୁଛି । ଅନେକ ପୋଷ୍ଟ ତାଙ୍କ ଶ୍ରଦ୍ଧାଞ୍ଜଳି ପାଇଁ ଲେଖାଯାଇଥିବା ଦେଖିବାକୁ ମିଳୁଛି । ତେବେ ଏହାରି ଭିତରେ ଏକ ପୋଷ୍ଟ ଭାଇରାଲ ହେଉଛି ତାହା ହେଲା ତାଙ୍କ ସ୍ୱାମୀଙ୍କର ଶେଷ ଇନ୍ଷ୍ଟାଗ୍ରାମ ପୋଷ୍ଟ ଯାହା ସେ ସେଫାଳୀଙ୍କ ମୃତ୍ୟୁର କିଛି ଘଣ୍ଟା ପୂର୍ବରୁ କରିଥିଲ । ଏଥିରେ ପରାଗଙ୍କୁ ଜିମ୍ରେ ଦେଖିବାକୁ ମିଳିଛି । ତେବେୟୁଜର୍ସ ପରାଗଙ୍କୁ ଟାର୍ଗେଟ କରୁଥିବା ଦେଖିବାକୁ ମିଳିଛି । ସେମାନଙ୍କ ମତରେ ସେଫାଳୀଙ୍କ ସ୍ୱାସ୍ଥ୍ୟ ସମସ୍ୟା ଥିବେବେଳେ ପରାଗ ଜିମ୍ରେ କଣ କରୁଥିଲେ ।
Comments are closed.