ବଲିଉଡରେ ଭିଏଫ୍‌ଏକ୍ସ

ବଲିଉଡରେ ଭିଏଫ୍‌ଏକ୍ସକୁ ନେଇ ଅନେକ ସମୟରେ ବିବାଦ ଦେଖାଦେଇଛି । ଅନେକ ଷ୍ଟାରଙ୍କୁ ଭିଏଫ୍‌ଏକ୍ସ କାରଣରୁ ଟ୍ରୋଲ୍‌ ହେବାକୁ ପଡିଛି । ଏହି ଟ୍ରୋଲ୍‌ରୁ ବଡବଡ ସେଲିବ୍ରିଟି ମଧ୍ୟ ବାଦ ପଡିନାହାନ୍ତି । ନିକଟରେ ସୁପରଷ୍ଟାର୍‌ ସଲମାନଙ୍କ ସିକ୍ସପ୍ୟାକ୍‌କୁ ନେଇ ଟ୍ରୋଲ୍‌ କରାଯାଇଥିଲା । ଏହାକୁ ଭିଏଫ୍‌ଏକ୍ସ ବ୍ୟବହାର କରି ପ୍ରସ୍ତୁତ କରାଯାଇଛି ବୋଲି ଦର୍ଶକ ଅଭିଯୋଗ ଆଣିଥିଲେ । ସେହିଭଳି ଶାହରୁଖ ଖାନଙ୍କର ପଠାନ୍‌ ଫିଲ୍ମକୁ ନେଇ ମଧ୍ୟ ତାଙ୍କୁ ଟ୍ରୋଲ୍‌ ହେବାକୁ ପଡିଥିଲା । ତେବେ ବଲିଉଡରେ ଏଭଳି କେତେକ ସିନେମା ରହିଛି, ଯେଉଁଠି ଭିଏଫ୍‌କ୍ସର ବ୍ୟବହାର କରାଯାଇଛି । ଆସନ୍ତୁ ଜାଣିବା ସେହିଭଳି କିଛି ସିନେମା ବିଷୟରେ ।

ବ୍ରହ୍ମାସ୍ତ୍ର
୨୦୨୨ରେ ରିଲିଜ ହୋଇଥିଲା ଆଲିଆ ଭଟ୍ଟ ଓ ରଣବୀର କପୁରଙ୍କ ଅଭିନୀତ ବହୁ ପ୍ରତିକ୍ଷିତ ବ୍ରହ୍ମାସ୍ତ୍ର । ଏଥିରେ ଦର୍ଶକ ଏକ ଭିନ୍ନ ଷ୍ଟାଇଲର ଭିଏଫ୍‌ଏକ୍ସ ଇଫେକଫ ଦେଖିବାକୁ ପାଇଥିଲେ । ଅୟାନ ମୁଖାର୍ଜୀଙ୍କ ନିର୍ଦ୍ଦେଶିତ ଏହି ଫିଲ୍ମରେ ରଣବୀର, ଆଲିଆ, ମୌନି ରୟ, ନାଗାର୍ଜୁନ ଓ ଅମିତାଭ ବଚ୍ଚନ ଆଦିଙ୍କୁ ଦେଖିବାକୁ ମିଳିଥିଲା । ତେବେ ଏହି ଫିଲ୍ମରେ ନଜର ଆସିଥିବା ଭିଏଫ୍‌ଏକ୍ସ ଇଫେକଫକୁ ସମସ୍ତେ ପସନ୍ଦ କରିଥିଲେ ।

ରାଓ୍ୱନ୍‌
ଶାହରୁଖ ଖାନଙ୍କ ରାଓ୍ୱନ୍‌ ଫିଲ୍ମ ଭିଏଫ୍‌ଏକ୍ସର ଲେବଲ୍‌କୁ ବଲିଉଡରେ ଖୁବ ଉପରକୁ ନେଇଥିଲା । ୨୦୧୧ରେ ରିଲିଜ ହୋଇଥିବା ଏହି ଫିଲ୍ମର ଭିଏଫଏକ୍ସକୁ ହଲିଉଡ ସହ ମଧ୍ୟ ତୁଳନା କରାଯାଇଥାଏ । ଏଥିରେ ଭିଏଫ୍‌ଏକ୍ସ ଜରିଆରେ ଅନେକ ସୁପର ହିରୋ ମୁମେଣ୍ଟ ଦେଖିବାକୁ ମିଳିଥାଏ । ଏହାର ବଜେଟକୁ ନେଇ ମଧ୍ୟ ସେତେବଳେ ଚର୍ଚ୍ଚା ହୋଇଥିଲା । ଏଥିରେ ଶାହରୁଖ ଖାନ ଓ କ୍ୟାଟ୍ରିନା କେଫଙ୍କୁ ଦେଖିବାକୁ ମିଳିଥିଲା ।

ଆର୍‌ଆର୍‌ଆର୍‌
ଏହି ସିନେମାଟି ନିଜର ଗୀତକୁ ନେଇ ଓସ୍କାର ଜିତିବା ପରେ ଏହାର ଚର୍ଚ୍ଚା ସବୁ ଯାଗାରେ ଦେଖିବାକୁ ମିଳିଥିଲା । କେବଳ ଗୀତ ନୁହେଁ ଏଥିରେ ଦେଖିବାକୁ ମିଳିଥିବା ଭିଏଫ୍‌ଏକ୍ସ ଇଫେକଫ ପାଇଁ ମଧ୍ୟ ଫିଲ୍ମଟି ବିଭିନ୍ନ ପ୍ଲାଟ୍‌ଫର୍ମରେ ପ୍ରଶଂସା ପାଇଥିଲା । ଏସ୍‌ଏସ୍‌ ରାଜାମୋଲୀଙ୍କର ଏହି ଫିଲ୍ମଟି ୨୦୨୨ରେ ପରଦାକୁ ଆସିଥିଲା । ଏହାର ଭିଜ୍ୟୁଆଲ୍‌ ଇଫେକ୍‌ଫ ପାଇଁ ଏହି ଫିଲ୍ମକୁ ” ଦି ଲଭ ଆଣ୍ଡ୍‌ ଥଣ୍ଡର’ ଫିଲ୍ମ ସହ ତୁଳନା କରାଯାଇଥିଲା ।

ଜିରୋ
ଶାହାରୁଖ ଓ ଅନୁଷ୍କାଙ୍କ ଅଭିନୀତ ସିନେମା ଜିରୋ ବକ୍ସ ଅଫିସ୍‌ରେ ସେଭଳି କିଛି କଲେକସନ୍‌ କରିନଥିଲା, ହେଲେ ନିଜର ଭିଏଫଏକ୍ସ ପାଇଁ ଦର୍ଶକଙ୍କୁ ଆକୃଷ୍ଟ କରିବାରେ ସଫଳ ହୋଇପାରିଥିଲା । ଏହାର ଭିଜ୍ୟୁଆଲ ଇଫେକଫ ପାଇଁ ଫିଲ୍ମଟି ଅନେକ ଦିନ ଯାଏଁ ଚର୍ଚ୍ଚାରେ ରହିଥିଲା । ଏହାର ଭିଏଫ୍‌ଆର୍ଟିଷ୍ଟଙ୍କୁ ଏହି ଫିଲ୍ମ ପାଇଁ ଅନେକ ପ୍ରଶଂସା ମିଳିଥିଲା ।

ବାହୁବଳି
ଏସ୍‌ଏସ୍‌ ରାଜାମୌଲିଙ୍କର ଆର୍‌ଆର୍‌ଆର୍‌ ପୂର୍ବରୁ ୨୦୧୭ ରିଲିଜ୍‌ ହୋଇଥିଲା ସିନେମା ବହୁବଳୀ, ଯାହା ବ୍ଲକ୍‌ବ୍ଲଷ୍ଟର ହୋଇଥିଲା । ଏହାର ଦୁଇଟି ଯାକ ପାର୍ଟ ଭିଏଫ୍‌ଏକ୍ସ ପାଇଁ ବେଶ ପ୍ରଶଂସିତ ହୋଇଥିଲା । ଭାରତୀୟ ସିନେମାରେ ଭିଏଫ୍‌ଏକ୍ସ୍‌ରେ ଏକ ହିଷ୍ଟ୍ରି କ୍ରିଏଟ୍‌ କରିଥିଲା ।

କ୍ରିସ୍‌
ଭାରତରେ ସୁପର ହିରୋ ସିନେମା କ୍ରିସ୍‌ର କ୍ରେଜ ଖୁବ ଅଧିକା । ଏବେ ମଧ୍ୟ ଏହି ଫିଲ୍ମକୁ ଦେଖିବାକୁ ଲୋକମାନେ ପସନ୍ଦ କରନ୍ତି । ଏହାର ଭିଜ୍ୟୁଆଲ୍‌ ଇଫେକଫକୁ ହଲିଉଡ୍‌ ସହ ତୁଳନା କରାଯାଇଥାଏ । ଏହାର କ୍ଲାଇମାକ୍ସ୍‌ ଠାରୁ ଆରମ୍ଭ କରି ଫିଲ୍ମର ଅନେକ ସିନ୍‌ରେ ଭିଏଫ୍‌ଏକ୍ସର ଜଲଓ୍ୱା ଦେଖିବାକୁ ମିଳିଛି, ଯାହା ଏହାକୁ ଆକର୍ଷଣୀୟ କରିଛି ।

Govt

Comments are closed.