ତଲୋଜା ଜେଲ୍, ମୁମ୍ବାଇ
ମୁମ୍ବାଇରେ ଥିବା ତଲୋଜା ଜେଲ୍ରେ କଏଦୀଙ୍କ ମାନସିକ ସ୍ୱାସ୍ଥ୍ୟ ପ୍ରତି ବିଶେଷ ଧ୍ୟାନ ଦିଆଯାଇଥାଏ । ଏଠାରେ ସେମାନଙ୍କୁ ନିଜ ପରିବାର ସହ ବିନା ବାଧାରେ ମିଶିବାକୁ ଦିଆଯାଇଥାଏ । ଅର୍ଥାତ ସେମାନଙ୍କୁ କାଚ ବା ପାଚେରୀ ସାହାଯ୍ୟରେ ଅଲଗା ନକରି ମୁକ୍ତ ଆକାଶ ତଳେ ଏକାଠି ସମୟ ବିତାଇବାକୁ ସୁଯୋଗ ଦିଆଯାଇଥାଏ । ଯାହାଦ୍ୱାରା କଏଦୀଙ୍କର ମାନସିକ ସ୍ୱାସ୍ଥ୍ୟ ଭଲ ରହିଥାଏ । ଅନେକ ସମୟରେ କଏଦୀ ମାନେ ନିଜ ପରିବାର ବିଷୟରେ ଚିନ୍ତା କରି ଅବସାଦଗ୍ରସ୍ତ ହୋଇଥାଆନ୍ତି । ତେଣୁ ଏହି ପ୍ରକ୍ରିୟା ସେମାନଙ୍କୁ ଖୁବ ସାହାଯ୍ୟ କରିଥାଏ ।
ପୁଜାପୁର ସେଣ୍ଟ୍ରାଲ ଜେଲ୍, କେରଳ
ଆଜିକାଲି ଅନେକ ଜେଲ୍ରେ ବିଭିନ୍ନ ପ୍ରକାରର ଭୋକେସନାଲ ଓ ସ୍କିଲ୍ ପ୍ରୋଗ୍ରାମ କଏଦୀ ମାନଙ୍କୁ ଶିକ୍ଷା ଦିଆଯାଉଛି । କେରଳର ପୁଜାପୁର ସେଣ୍ଟ୍ରାଲ ଜେଲ୍ରେ ମଧ୍ୟ କଏଦୀଙ୍କୁ ବିଭିନ୍ନ ଭୋକେସନାଲ ଶିକ୍ଷା ଯେପରି କମ୍ପ୍ୟୁଟର ଶିକ୍ଷା, ପେଣ୍ଟିଂ, କାଗଜରେ ବିଭିନ୍ନ ସାମଗ୍ରୀ ନିର୍ମାଣ, ବିୟୁଟିଫିକେସନ କୋର୍ସ ଆଦି ଶିକ୍ଷା ଦିଆଯାଇଥାଏ । କେବଳ ଏତିକି ନୁହେଁ ସେମାନଙ୍କୁ ଟ୍ରାଭେଲ ଆଣ୍ଡ୍ ଟୁରିଜିମ୍ ଶିକ୍ଷା ମଧ୍ୟ ପ୍ରଦାନ କରାଯାଇଥାଏ, ଯାହା ସେମାନଙ୍କର ଜ୍ଞାନ ବଢାଇଥାଏ । ଏଠାରୁ ବାହାରିବା ପରେ କଏଦୀମାନେ ବିଭିନ୍ନ ସ୍ଥାନରେ କାର୍ଯ୍ୟ କରିବା ସହ ଏକ ସମ୍ମାନର ଜୀବନ ବଞ୍ଚି ପାରୁଛନ୍ତି ।
ସେଣ୍ଟ୍ରାଲ ଜେଲ୍, କନ୍ନୋର
ଏହି ଜେଲ୍ ପରିସରରେ ପୁରୁଷ ମାନଙ୍କ ପାଇଁ ଏକ ସେଲୁନ୍ ଖୋଲାଯାଇଛି, ଯାହାକୁ ଏଠିକାର କଏଦୀ ହିଁ ଚଳାଇ ଥାଆନ୍ତି । ଏହି ପାର୍ଲରରେ ପାଖାପାଖି ୩୦ ଜଣ କଏଦୀ କାମ କରିଥାଆନ୍ତି, ଯେଉଁମାନେ ଜେଲ ପରିସରରେ ଦିଆଯାଉଥିବା ଟ୍ରେନିଂଦ୍ୱାରା ପ୍ରଶିକ୍ଷିତ ହୋଇଥାଆନ୍ତି । ଏଠାରେ କଏଦୀଙ୍କୁ ବିଭିନ୍ନ ପ୍ରକାର ପ୍ରଫେସନ ଉପରେ ଶିକ୍ଷା ଦିଆଯାଇଥାଏ, ଯେପରି ସେମାନେ ଜେଲ୍ରୁ ବାହାରିବା ପରେ ନିଜର ଗୁଜୁରାଣ ମେଣ୍ଟାଇବାରେ ସକ୍ଷମ ହୋଇପାରିବେ ।
ତିହାର ଜେଲ୍
ଦିଲ୍ଲୀର ତିହାର ଜେଲ୍ ବିଶ୍ୱ ପାଇଁ ଏକ ଉଦାହରଣ ସୃଷ୍ଟି କରିଛି । ଏଠାରେ ଏକ ଛୋଟ ମ୍ୟାନୁଫାକcରିଂୟୁନିଟ୍ ଖୋଲା ହୋଇଛି, ଯାହା କଏଦୀଙ୍କ ଦ୍ୱାରା ପରିଚାଳିତ ହୋଇଥାଏ । କେବଳ ଏତିକି ନୁହେଁ ଏଠାରେ ଏକ ରେସ୍ତୋରାଁ ମଧ୍ୟ ରହିଛି, ଯାହା ସାଧାରଣ ଲୋକଙ୍କ ପାଇଁ ଖୋଲା ହୋଇଥାଏ । ଏହି ରେସ୍ତୋରାଁ ପାଖାପାଖି ୪୫ ଜଣ ବସିବାର ସ୍ଥାନ ରହିଛି । ଏହି ରେସ୍ତୋରାଁର ଖାଦ୍ୟ ରନ୍ଧା ଠାରୁ ଆରମ୍ଭ କରି ପରଷା ସହିତ ଅନ୍ୟ ସମସ୍ତ କାମ କଏଦୀଙ୍କ ଦ୍ୱାରା ହୋଇଥାଏ । ଏମାନଙ୍କର ଫ୍ୟାକଫି୍ରରେ ବିଭିନ୍ନ ପ୍ରକାର ସାମଗ୍ରୀ ଯେପରି ବେକରି, ହ୍ୟାଣ୍ଡ୍ଲୁମ୍, ଟେକ୍ସଷ୍ଟାଇଲ୍, ଆସବାବ ପତ୍ର, ବିଭିନ୍ନ ଖାଦ୍ୟ ସାମଗ୍ରୀ, ବ୍ୟାଗ ଭଳି ଅନେକ ସାମଗ୍ରୀ ମିଳିଥାଏ ।
Comments are closed.