ଆଜିକାଲି ବୟସ୍କ ଲୋକଙ୍କ ପାଇଁ ଘରେ ରହିବା ସମସ୍ୟା ହେଉଛି । ବେଳେବେଳେ ଦେଖିବାକୁ ମିଳୁଛି ଅନେକ ବୟସ୍କ ଲୋକ ଘରେ ଅଶାନ୍ତିର ସମ୍ମୁଖୀନ ହେଉଛନ୍ତି । ସେମାନଙ୍କୁ ସେମାନଙ୍କ ପିଲାମାନେ ଖରାପ ବ୍ୟବହାର ଦେଖାଉଥିବାର ଉଦାହରଣ ମଧ୍ୟ ସମାଜରେ ଦେଖିବାକୁ ମିଳୁଛି । ତେବେ ବିଭିନ୍ନ ଛୋଟଛୋଟ କଥା ରହିଛି, ଯାହାକୁ ଆମକୁ ଗୁରୁତ୍ୱଦେବାରେ ଅଛି । ଆମ ଦେଶରେ ବୟସ୍କଙ୍କୁ ହିଁ ଘରର ମୁଖ୍ୟଭାବେ ଧରାଯାଏ । ହେଲେ ବର୍ତ୍ତମାନ ପରିବାରର ସଦସ୍ୟଙ୍କ ସଂଖ୍ୟା କମିବାରେ ଲାଗିଛି । ଯୌଥ ପରିବାର କମି ଏକକ ପରିବାର ହେବାରେ ଲାଗିଛି । ତେବେ ଏଥିରେ ନୂଆ ପିଢି ଓ ପୁରୁଣା ପିଢି ମଧ୍ୟରେ ଅନେକ ସମୟରେ ଲଢେଇ ସାମନାକୁ ଆସୁଛି । ନୂଆ ପିଢିର ଅନେକକଥା ବୟସ୍କ ବୁଝିପାରୁ ନଥିବାବେଳେ ସମସ୍ୟାୁପୁଜିଥାଏ । ସେହିଭଳି ଛୋଟ ପିଲାମାନେ ବୟସ୍କଙ୍କ କଥା ମଧ୍ୟ ମଧ୍ୟ ସମୟେ ସମୟେ ବୁଝିପାରନ୍ତି ନାହିଁ, ଏଥିରୁ ଦୁର୍ବବ୍ୟହାରର ଜନ୍ମ ହୋଇଥାଏ । ତେଣୁ ସର୍ବଦା ଏକଥା ଧ୍ୟାନ ରଖନ୍ତୁ ଯେପରି ସମସ୍ତେ ସମସ୍ତଙ୍କ କଥା ବୁଝିପାରିବା ସହ ଘରେ ଏକ ସୁସ୍ଥ ପରିବେଶ ସୃଷ୍ଟି ହେବ ।
ସ୍ୱାଧୀନତା – ଆଜିକାଲିର ନୂଆ ପିଢିଙ୍କ ପାଇଁ ସ୍ୱାଧୀନତା ସବୁକିଛି । ଖାଇବା, ପିନ୍ଧିବା, ପଢିବା, ବୃତ୍ତିଗତ ଆଦି ସବୁଥିରେ ସେମାନେ ସ୍ୱାଧୀନତା ଖୋଜିଥାଆନ୍ତି । ହେଲେ ବୟସ୍କଙ୍କ ପାଇଁ ସ୍ୱାଧୀନତାର ଅର୍ଥ କିଛି ଅଲଗା । ଯାହାଫଳରେ ବେଳେବେଳେ ସେମାନେ ନୂଆ ପିଢିର ଲୋକଙ୍କୁ ବିଭିନ୍ନ କଥା ପାଇଁ ବାରଣ କରନ୍ତି, ଯାହା ଘରେ ଅଶାନ୍ତି ସୃଷ୍ଟି କରେ । ସେମାନେ ବଡ ମାନଙ୍କୁ ଏଭଳି କିଛି କଥା କୁହନ୍ତି, ଯାହା ସେମାନଙ୍କ ମାନସିକ ଶାନ୍ତି ଉପରେ ପ୍ରଭାବ ପକାଇଥାଏ, ତେଣୁ ଏ ଦିଗରେ ଧ୍ୟାନ ଦିଅନ୍ତୁ ।
Comments are closed.