ପ୍ଲାଷ୍ଟିକକୁ ନେଇ ଅନେକ ସମୟରେ ବୈଜ୍ଞାନିକମାନେ ବିଭିନ୍ନ ପରୀକ୍ଷା କରିଥାଆନ୍ତି । ଯେଉଁଥିରେ ଏହା ସୃଷ୍ଟି କରୁଥିବା ପ୍ରଦୂଷଣକୁ ରୋକିବାକୁ ଧ୍ୟାନ ଦିଆଯାଇଥାଏ । ବିଭିନ୍ନ ପ୍ରକାରର ପ୍ଲାଷ୍ଟିକ ବର୍ତ୍ତମାନ ଉତ୍ପାଦନ କରାଯାଉଛି ଯାହା ସହଜରେ ମାଟିରେ ମିଶିଯିବ । ସୂଚନା ଅନୁସାରେ ନିକଟରେ ଜାପାନର ବୈଜ୍ଞାନିକମାନେ ସେହିଭଳି ଏକ ପ୍ଲାଷ୍ଟିକର ଉଦ୍ଭୁାବନ କରିଛନ୍ତି ଯାହା ସମୁଦ୍ରପାଣିରେ ମିଳେଇଯିବ । ଟୋକିଓ ବିଶ୍ୱବିଦ୍ୟାଳୟର ବୈଜ୍ଞାନିକଙ୍କ ସହିତ ଅନ୍ୟକିଛି ବୈଜ୍ଞାନିକ ମିଶି ଏହି ଉଦ୍ଭୁାବନ କରିଛନ୍ତି । ଏହି ପ୍ଲାଷ୍ଟିକ୍କୁ ସୁପରମଲିକୁଲାର ପଲିମରରୁ ପ୍ରସ୍ତୁତ କରାଯାଇଛି । ବୈଜ୍ଞାନିକମାନେ ଏହାକୁ ପ୍ରସ୍ତୁତ କରିବା ଆଗରୁ ବାରମ୍ବାର ବିଭିନ୍ନ ପ୍ରକାରର କମ୍ପାଉଣ୍ଡକୁ ନେଇ ପରୀକ୍ଷଣ କରିଥିଲେ । ଏହି ନୂଆ ପ୍ଲାଷ୍ଟିକ ମଣିଷଙ୍କ ପାଇଁ ବିଷାକ୍ତ ନୁହେଁ, ସେହିଭଳି ଏହା ନିଆଁଠାରୁ ମଧ୍ୟ ସୁରକ୍ଷିତ । ସେହିଭଳି ଏହା ଅନ୍ୟ ପ୍ଲାଷ୍ଟିକଙ୍କ ଭଳି କାର୍ବନଡାଇଅକ୍ସାଇଡ ନର୍ଗମନ କରିବ ନାହିଁ ବୋଲି ବୈଜ୍ଞାନିକମାନେ ପ୍ରକାଶ କରିଛନ୍ତି । ବର୍ତ୍ତମାନ ପ୍ଲାଷ୍ଟିକ ମଣିଷ ସମାଜ ପାଇଁ ଏକ ବଡ ବିପଦ ପାଲଟିଛି । ବଡ ପ୍ଲାଷ୍ଟିକ ସହିତ ଛୋଟଛୋଟ ପ୍ଲାଷ୍ଟିକ ବେଶି ସମସ୍ୟାର କାରଣ ସାଜିଛି । ଏଗୁଡିକ ମଣିଷର ମସ୍ତିଷ୍କଙ୍କ ଠାରୁ ଆରମ୍ଭ କରି ମାଛଙ୍କର ପେଟରେ ସବୁସ୍ଥାନରେ ମିଳୁଛନ୍ତି, ଯାହା ଖୁବ ଭୟଙ୍କର । ତେଣୁ ଯଥାଶୀଘ୍ର ପ୍ଲାଷ୍ଟିକ ଠାରୁ ଆମକୁ ଦୂରେଇବାକୁ ହେବ ବୋଲି ସବୁବେଳେ ମତ ପ୍ରକାଶ ପାଇଥାଏ ।
Comments are closed.