ସୁନା ସବୁବେଳେ ଲୋଭନୀୟ ହୋଇଥାଏ । ସମସ୍ତେ ସୁନାର ଗହଣା ପିନ୍ଧିବାକୁ ପସନ୍ଦ କରିବା ସହିତ ଏହାକୁ ଏକ ମୂଲ୍ୟବାନ ସମ୍ପତ୍ତି ଭାବେ ଗଣନା କରନ୍ତି । ତେବେ ଏହି ସୁନା କେଉଁଠୁ ଆସିଥାଏ ସେନେଇ ଖୁବ କମ ଲୋକ ଜାଣିଥିବେ । ସୁନା ଉତ୍ପତ୍ତି ପଛରେ ରହିଛି ଖୁବ ରୋଚକ କାହାଣୀ । ସେହିଭଳି ବିଶେଷଜ୍ଞ ମତରେ ଆମ ପୃଥିବୀରେ ଯେତିକି ସୁନା ମଣିଷ ମାଟି ତଳୁ କାଢିଛି ତାହା ୨୧ ମିଟର ଦୈର୍ଘ୍ୟ, ଲମ୍ବ ଓ ପ୍ରସ୍ଥ ବିଶିଷ୍ଟ ରୁମରେ ଯାଗା ହୋଇଯିବ । ପାଖାପାଖି ୫ ହଜାର ବର୍ଷ ଭିତରେ ପୃଥିବୀର ମାଟିତଳୁ ଏତିକି ସୁନା ବାହାର କରାଯାଇ ପାରିଛି । ତେବେ ସୁନା ଉତ୍ପତ୍ତିକୁ ନେଇ ବୈଜ୍ଞାନିକମାନେ ବିଭିନ୍ନ ସମୟରେ ଭିନ୍ନଭିନ୍ନ ଥିଓରି ଦେଇଥାଆନ୍ତି ।
ସୁପରନୋଭା ବିସ୍ପୋରଣ
ସୂର୍ଯ୍ୟ ଠାରୁ ଖୁବ ଅଧିକ ବଡବଡ ତାରା ନିଜ ଗ୍ରାଭିଟି କାରଣରୁ ବୁଢା ହେବାପରେ ଧ୍ୱଂସ ହୋଇଯାଆନ୍ତି । ତେବେ ଏହି ଧ୍ୱଂସ ସମୟରେ ଖୁବ ବଡ ଧରଣର ଏକ ବିସ୍ପୋରଣ ହୋଇଥାଏ । ଏହି ବିସ୍ପୋରଣକୁ ସୁପରନୋବା କୁହାଯାଇଥାଏ । ଏହି ପ୍ରକ୍ରିୟାରେ ସୁନାର ନିର୍ମାଣ ହୋଇଥାଏ ବୋଲି ମତ ରହିଛି ।
ନ୍ୟୁଟ୍ରନ୍ ତାରା ବିସ୍ପୋରଣ
ସୁପରନୋବା ବିସ୍ପୋରଣର ଅବଶେଷରୁ ନ୍ୟୁଟ୍ରନ ଷ୍ଟାର ପ୍ରସ୍ତୁତ ହୋଇଥାଏ । ଯେତେବେଳେ ଦୁଇଟି ନ୍ୟୁଟ୍ରନ୍ ତାରା ନିଜନିଜ ଭିତରେ ବାଡେଇ ହୋଇଥାଆନ୍ତି, ଯାହାକୁ କିଲୋନୋବା ବିସ୍ପୋରଣ ମଧ୍ୟ ନାଁ ଦିଆଯାଇଥାଏ । ଏହି ବିସ୍ପୋରଣ କାରଣରୁ ମଧ୍ୟ ସୁନା, ପ୍ଲାଟିନମ୍ ଓୟୁରେନିଅମ ଭଳି ସାମଗ୍ରୀ ପ୍ରସ୍ତୁତ ହୋଇଥାଏ ବୋଲି ସୂଚନା ରହିଛି ।
କ୍ଷୁଦ୍ରଗ୍ରହ ଓ ଉଲକାପିଣ୍ଡ ମଧ୍ୟରେ ବିସ୍ପୋରଣ
ଅନ୍ୟ ଏକ ଥିଓରିର ସୂଚନା ଅନୁସାରେ ଯେତେବେଳେ ପୃଥିବୀ ନିର୍ମାଣ କରାଗଲା ସେତେବେଳେ ଏହା ଏକ ତରଳ ଗୋଲା ଥିଲା । ତେଣୁ ସେତେବେଳେ ସୁନା ନିଜର ଓଜନ କାରଣରୁ ପୃଥିବୀର ମାଟିତଳକୁ ଚାଲିଯାଇଥିବା ନେଇ ସନ୍ଦେହ କରାଯାଇଥାଏ । ସେହିଭଳି ଏହା ଉପରେ କ୍ଷୁଦ୍ରଗ୍ରହ ଓ ଉଲ୍କାପିଣ୍ଡ ମଧ୍ୟ ହେଉଥିବା ବିସ୍ପୋରଣର ପ୍ରଭାବ ମଧ୍ୟ ରହିଛି ।
ସୁନାର ଆବିଷ୍କାର
ପାଖାପାଖି ୧୧ ହଜାର ବର୍ଷ ପୂର୍ବରୁ ମଣିଷଙ୍କୁ ପ୍ରଥମ ଥର ପାଇଁ ଏକ ଧାତୁ ମିଳିଲା, ଯାହାର ନାମ ତମ୍ବା ରଖାଯାଇଥିଲା । ଯାହାକୁ ବ୍ୟବହାର କରି ମନୁଷ୍ୟ ସମାଜ ଅନେକ ସାମଗ୍ରୀର ନିର୍ମାଣ କରିବା ଆରମ୍ଭ କରିଥିଲା । ସେହିଭଳି ଇତିହାସରେ ଥିବା ସୂଚନା ଅନୁସାରେ ମଣିଷ ଦ୍ୱିତୀୟ ଧାତୁ ଭାବେ ସୁନାର ଆବିଷ୍କାର କରିଥିଲା । ତେବେ ଏହାକୁ ସର୍ବପ୍ରଥମେ କେବେ ଓ କିଏ ଖୋଜିଥିଲା ତାହାର କୌଣସି ସଠିକ୍ ତଥ୍ୟ ନାହିଁ । ତେବେ ଐତିହାସକାରମାନେ ବିଶ୍ୱାସ କରନ୍ତି କି ସୁନାକୁ ୬ ହଜାର ବର୍ଷ ପୂର୍ବରୁ ମିଶ୍ର କିମ୍ବା ମେସୋପଟ୍ଟାମିଆ ସଭ୍ୟତାର ଲୋକମାନେ ନଦୀ କିମ୍ବା ଘାଟରୁ ଶୁଦ୍ଧ ସୁନାକୁ ଖୋଜିଥିବେ । ଏହାର ସୁନ୍ଦର ରଙ୍ଗ କାରଣରୁ ଏହାକୁ ଗହଣା ସହିତ ଧର୍ମ ସହ ମଧ୍ୟ ଯୋଡା ଯାଇଥିଲା । ସବୁଠାରୁ ପୁରୁଣା ସୁନାର ଗହଣା ଭାବେ ପାଖାପାଖି ୪୫୦୦ ଇସା. ପୂର୍ବର ଗହଣା ମିଳିଛି । ଏହାକୁ ବୁଲଗେରିଆରେ ରଖାଯାଇଛି । ଜଣେ ପୁରୁଷଙ୍କୁ ତାଙ୍କ ଗହଣା ସହିତ ମାଟିତଳେ ପୋତା ଯାଇଥିଲା । ଯାହା ସବୁଠାରୁ ପୁରୁଣା ଗହଣା ବୋଲି ମତ ରଖାଯାଇଛି । ଇତିହାସରେ ସୁନାର ବ୍ୟବହାର ଖୁବ ଅଧିକ ରହିଥିଲା । ମିଶ୍ର ସମ୍ପ୍ରଦାୟରେ ସୁନାର ତାବୁତ ଓ ମୁଖୋଟା ବ୍ୟବହାର କରାଯାଉଥିଲା । ସେହିଭଳି ବିଶ୍ୱାସ ରହିଛି ମିଶ୍ରର ରାଣୀ ନିଜ ଚେହେରାକୁ ସୁନ୍ଦର କରିବାକୁ ସୁନାରୁ ପ୍ରସ୍ତୁତ ମାସ୍କ ପରିଧାନ କରି ଶୋଉଥିଲେ । ଦୁନିଆର ପ୍ରଥମ ସୁନାର କଏନ୍ ୭ ହଜାର ଇସାପୂର୍ବରେ ପ୍ରସ୍ତୁତ କରାଯାଇଥିଲା । ରୋମାନ ସାମ୍ରାଜ୍ୟ ୧୦୦ ଇସାଇ ବର୍ଷ ପୂର୍ବେ ସୁନାର କଏନ୍ ଚଳାଇବା ଆରମ୍ଭ କରିଥିଲେ । ସେହିଭଳି ଭାରତରେ ପ୍ରଥମ ସୁନାର କଏନ୍ ୧୦୦ ଇସାଇ ବର୍ଷ ପୂର୍ବେ କୂଷାଣ ବଂଶର ରାଜା ଚଳାଇବା ଆରମ୍ଭ କରିଥିଲେ । ଏହା ସେତେବେଳେ ସବୁଠାରୁ ମୂଲ୍ୟବାନ କଏନ୍ ଥିଲା । ପ୍ରଥମରୁ ଏହାକୁ ଏକ ପଥର ଭଳି ଭାବୁଥିବା ମଣିଷ ଧୀରେଧୀରେ ଏହାର ମହତ୍ତ୍ୱ ବୁଝିଥିଲା ଏବଂ ଏହାକୁ ବ୍ୟବହାର କରିବା ଆରମ୍ଭ କରିଥିଲା । ଏହାର ସବୁଠାରୁ ଉଚ୍ଚତ୍ତମ ଗୁଣ ହେଲା ଏହାକୁ ଯେଉଁ ଆକୃତି ପାରିବ ସେହି ଆକୃତି ଦେଇ ହେବ । ସେହିଭଳି ଏହା ଅନ୍ୟ ଧାତୁଙ୍କ ଠାରୁ ଖୁବ ଚମକ ପ୍ରଦ ମଧ୍ୟ । ଏହା ଅନ୍ୟ ଧାତୁଙ୍କ ଭଳି କେବେ ବି ନିଜ ଚମକ ହଜାଇ ନଥାଏ । ଗୋଟିଏ ୧୦ ଗ୍ରାମ ସୁନାରୁ ଆମେ ୨୫ କିମିର ତାର ତିଆରି କରିପାରିବା, ଏହାର ଏହି ନମନୀୟତା ଗଣୁ ଏହାକୁ ଭିଡ ଭିତରେ ଅଲଗା କରିଥାଏ । ସାଧାରଣତଃ ସୁନା ୧୦୬୪ ଡିଗ୍ରୀରେ ତରଳିବା ଆରମ୍ଭ କରିଥାଏ । ଯେତେବେଳେ ମଣିଷ ସଭ୍ୟତା ଆରମ୍ଭ ହେଲା ସେତେବେଳେ ଠାରୁ ଆଜି ଯାଏଁ ସମୁଦାୟ୧,୮୭,୨୦୦ ଟନର ସୁନା ଖୋଳା ଯାଇଛି । ଭାରତରେ କର୍ଣ୍ମାଟକ ଓ ଆନ୍ଦ୍ରପ୍ରଦେଶରେ ଗୋଲï ମାଇନ୍ ରହିଛି । ସେହିଭଳି ଅନ୍ୟ କିଛି ସ୍ଥାନରେ ମଧ୍ୟ ସୁନା ଖଣି ରହିଛି, ଯେଉଁଥିରୁ ସୁନା ଆମଦାନୀ ହୋଇଥାଏ । ସେହିଭଳି ଆମେରିକାର ଗୋଲïରସ୍ ଘଟଣା ଖୁବ ଚର୍ଚ୍ଚିତ । ଗୋଟିଏ ନଦୀ ପାଖରେ ଏକଦା ଜଣେ ବ୍ୟକ୍ତିଙ୍କୁ ଏକ ହଳଦିଆ ଧାତୁର ସନ୍ଧାନ ମିଳିଥିଲା । ଏହାପରେ ଲୋକମାନେ ନଦୀ ପାଣିକୁ ଛାଣି ସୁନା ବାହାର କରିବାକୁ ଲାଗିଥିଲେ । ଏହାପରେ ସ୍ଥାନୀୟ ଲୋକ ଏହାକୁ ଖୋଳିବାକୁ ଲାଗିଲେ । ଏହି ସମୟରେ ଏକ ଛୋଟ ସ୍ଥାନରେ ଖୁବ ଅଧିକ ଲୋକ ଯମା ହେବାକୁ ଲାଗିଲେ, ଯାହାକୁ ଆମେରିକା ଗୋଲ୍ଡ ରସ୍ ବୋଲି ଆଖ୍ୟା ଦିଆଗଲା । ଏହିଘଟଣା ପରେ ଏଠାରେ ଅନେକ ସହର ଗଢି ଉଠିଥିଲା । ଏହାସହ ଏହି ଗୋଲ୍ଡ ରସ୍ ଅନେକ ଭିନ୍ନଭିନ୍ନ ବେପାରର ମଧ୍ୟ ଜନକ ସାଜିଥିଲା । ଯାହା ପୁରା ଆମେରିକା ଇତିହାସକୁ ବଦଳାଇ ଦେଇଥିଲା । ତେବେ ପୃଥିବୀ ସହିତ ସୁନା ଆଣ୍ଟାର୍କଟିକା, ସମୁଦ୍ର ତଳେ ମଧ୍ୟ ରହିଛି ହେଲେ ସେଠୁ ଏହାକୁ ଆଣିବା ଲାଭ ଦାୟକ ନୁହେଁ ।
Comments are closed.