ସମର ସୁପରଫୁଡ

ଖରାଦିନ ଆସିଲେ ସମସ୍ତେ ନିଜର ଶରୀରର ଅଧିକ କେୟାର ନେଇଥାଆନ୍ତି । ଏହି ଦିନେ ଏଭଳି କିଛି ଖାଦ୍ୟ ମିଳିଥାଏ ଯାହା ଆମକୁ ଖାଦ୍ୟରେ ସାମିଲ କରିବାର ଆବଶ୍ୟକତା ରହିଛି, ଏଗୁଡିକୁ ସମର ସୁପର ଫୁଡ କହିଥାଆନ୍ତି ।

ଅଁଳା
ଅଁଳାକୁ ଖରାଦିନର ସବୁଠାରୁ ଲୋକପ୍ରିୟ ଫଳ କହିଥାଆନ୍ତି । ଏଥିରେ ଭିଟାମିନ୍‌ ସି, ଆଣ୍ଟି ଅକ୍ସିଡାଣ୍ଟ ଭରପୁର ମାତ୍ରାରେ ରହିଥାଏ । ଯାହା ଆମର ରୋଗ ପ୍ରତିରୋଧକ ଶକ୍ତି ବଢାଇବାରେ ଖୁବ ସହାୟକ ହୋଇଥାଏ । କେବଳ ଏତିକି ନୁହେଁ ଏହା ଆମର ବ୍ୟାଡ କଲୋଷ୍ଟ୍ରଲ କମାଇବା, ବ୍ଲଡ୍‌ ସୁଗାର ଲେବଲକୁ ନିୟନ୍ତ୍ରଣ କରିବାରେ ମଧ୍ୟ ସହାୟକ ହୋଇଥାଏ । ଏହାକୁ ଜୁସ୍‌ କିମ୍ବା ତରକାରୀରେ ମିଶାଇ ଖାଆନ୍ତୁ ଖୁବ ଲାଭ ଦାୟକ ହେବ । ସେହିଭଳି ଏହାର ଆଚାର କରି ମଧ୍ୟ ଖାଇପାରିବେ ।
ପଇଡ଼:
ଖରାଦିନରେ ହେଉଥିବା ଗରମରୁ ରକ୍ଷା ପାଇବା ପାଇଁ ବଜାରରେ ମିଳୁଥିବା ବିଭିନ୍ନ ଡ୍ରିଙ୍କ ଅପେକ୍ଷା ପଇଡ ପାଣି ଶରୀର ପାଇଁ ଖୁବ ଲାଭ ଦାୟକ ହୋଇଥାଏ । ଏଥିରେ କ୍ୟାଲୋରୀ, ପୋଷଣ ଭରପୁର ମାତ୍ରାରେ ରହିଥାଏ । ସେହିଭଳି ଏହାର ଭିତର ଅଂଶରେ ଫାଇବର, ମିନେରାଲ ଖୁବ ଅଧିକ ପରିମାଣରେ ଥାଏ । ସେହିଭଳି କେବଳ ପଇଡ ନୁହେଁ ନଡିଆ ମଧ୍ୟ ଖରାଦିନେ ଶରୀର ପାଇଁ ଉପକାରୀ ହୋଇଥାଏ । ତେଣୁ ଏହି ଦିନେ ଖାଦ୍ୟରେ ନଡିଆ ଯେମିତି ବି ହେଲେ ସାମିଲ କରନ୍ତୁ ।
ଆମ୍ବ:
ଖରାଦିନ ଆସିଲେ ଆମ୍ବର ବାସ୍ନାରେ ଚାରି ଆଡ ମହକି ଉଠେ । ତେବେ ଏହା କେବଳ ସ୍ୱାଦିଷ୍ଟ ନୁହେଁ ସ୍ୱାସ୍ଥ୍ୟକର ମଧ୍ୟ । ଏଥିରେ ଅନେକ ପ୍ରକାରର ପୋଷଣ ମଧ୍ୟ ରହିଥାଏ ଯାହା ଆମର ଚର୍ମ ଠାରୁ ଆରମ୍ଭ କରି କେଶ ସବୁ ପାଇଁ ଦରକାରୀ ହୋଇଥାଏ । ଏଥିରେ ଭିଟାମିନ୍‌ ଏ ଓ ସିର ପରିମାଣ ଖୁବ ଅଧିକ ରହିଥାଏ ଯାହା ଆମ ଶରୀରପାଇଁ ଉପକାରୀ ହୋଇଥାଏ । ୧୦୦ ଗ୍ରାମ ଆମ୍ବରେ ପାଖାପାଖି ୬୦ କ୍ୟାଲୋରୀ ରହିଥାଏ । ଏହାର ଅଧିକାଂଶ ଅଂଶ ପାଣିରେ ଭରପୂର ହୋଇଥାଏ,ଏହା ଛଡା ଏଥିରେ ପ୍ରୋଟିନ୍‌, କାର୍ବସ୍‌ ଓ ଫାଇବରର ପରିମାଣ ମଧ୍ୟ ଅଧିକ ରହିଥାଏ । ଏଥିରେ ସୁଗାର, ଫ୍ୟାଟ୍‌, କାର୍ବୋହାଇଡ୍ରେଟ୍‌ ମଧ୍ୟ ରହିଥାଏ । ଏହାବ୍ୟତିତ ଏଥିରେ ଭିଟାମିନ୍‌ ସି, ଭିଟାମିନ ଏ, ଭିଟାମିନ୍‌ ବି୬, ବି୯ ଆଦି ଅଧିକ ପରିମାଣରେ ରହିଛି ।
ଭେଣ୍ଡି:
ସମର ସୁପରଫୁଡ ତାଲିକାରେ ଭେଣ୍ଡି ମଧ୍ୟ ସାମିଲ ରହିଛି । ଏହା ନିଜର ଲୋ କ୍ୟାଲୋରୀ ଓ ଅତ୍ୟଧିକ ପୋଷଣ ପାଇଁ ଖୁବ ପରିଚିତ । ଏଥିରେ ଭିଟାମିନ ଏ, ବି ୬, ସି, କେ, ଫାଇବର ଓ ଆଣ୍ଟିଅକ୍ସିଡାଣ୍ଟ ଆଦି ଭରପୁର ମାତ୍ରାରେ ରହିଥାଏ । ତେଣୁ ଖରାଦିନେ ଏହାକୁ ଡାଏଟରେ ସାମିଲ କରିବାର ଆବଶ୍ୟକତା ରହିଛି ।