ପଟିଆଲା ହାର

ପଟିଆଲା ହାର ବା କାର୍ଟିଅର ନେକଲେସ ସାରା ବିଶ୍ୱର ଏକ ଚର୍ଚ୍ଚିତ ନାଁ । ଏହା ବିଷୟରେ ଜାଣିବାକୁ ସମସ୍ତଙ୍କ ନିକଟରେ ସବୁବେଳେ ଉତ୍କଣ୍ଠା ଦେଖିବାକୁ ମିଳିଥାଏ । ଏହି ହାରର କାହାଣୀ ବେଶ୍‌ ନିଆରା । ଏହି ପଟିୟାଲା ହାରକୁ ୧୯୨୮ ମସିହାରେ ଫ୍ରେଞ୍ଚ ଜୁଏଲର ଲୁଇସ୍‌ କାର୍ଟିୟର ଏହାର ନିର୍ମାଣ କରିଥିଲେ । ଯାହାକୁ ସେ ପଟିୟାଲାର ମହାରାଜା ଭୂପିନ୍ଦର ସିଂଙ୍କ ପାଇଁ ନିର୍ମାଣ କରିଥିଲେ । ଏହି ହାରକୁ ସେ ୧୯୨୫ରେ ନିର୍ମାଣ ଆରମ୍ଭ କରି ୧୯୨୮ରେ ସମାପ୍ତ କରିଥିଲେ । ଏଥିରେ ପ୍ଲାଟିନମ୍‌ ଚେନ୍‌ରେ ୨୯୩୦ଟି ଡାଇମଣ୍ଡକୁ ଗୁନ୍ଥି ତିଆରି କରାଯାଇଥିଲା । ଯାହାର ମଝିରେ ଡି ବିଅର ହଳଦିଆ ହୀରାକୁ ସ୍ଥାନ ଦିଆଯାଇଥିଲା । ତେହେ ଏହି ହାରର କାହାଣୀ ଭିନ୍ନ । ଏହି ହାରଟି ୧୯୪୮ ମସିହାରେ କେଉଁଆଡେ ହଜିଯାଇଥିଲା । ହେଲେ ପରେ ୧୯୮୦ରେ ଏହା ପୁଣି ମିଳିଥିଲା, ହେଲେ ସେତେବେଳେ ଏଥିରେ କିଛି ହୀରା ନଥିଲା । ଏହାକୁ ପରେ କାର୍ଟିୟର କମ୍ପାନୀ ପକ୍ଷରୁ କିଛି ରେପ୍ଲିକା ହୀରା ଦେଇ ଏହାର ମରାମତି କରାଯାଇଥିଲା । ଏହା ଭାରତୀୟ ପରମ୍ପରାର ଏକ ଝଲକ ଓ ସ୍ୱତନ୍ତ୍ର ଉଦାହରଣ ଥିଲା । ତେବେ ମେଟ୍‌ଗାଲାରେ ଭାଗ ନେଇଥିବା ଭାରତୀୟ ସିଙ୍ଗର ଦିଲ୍‌ଜିତ୍‌ ଦୋସାଞ୍ଜା ଏହାକୁ ଧାର କରି ଆଣିବା ପାଇଁ କାର୍ଟିୟର ହାଉସ ପାଖେ ଆବେଦନ କରିଥିଲେ । ହେଲେ ସେମାନେ ଏହାକୁ ଦେବା ପାଇଁ ମନା କରିଦେଇଥିଲେ ଯାହାପରେ ବିବାଦ ଆରମ୍ଭ ହୋଇଥିଲା । ସୂଚନା ଅନୁସାରେ ଏହା ବର୍ତ୍ତମାନ ଲଣ୍ଡନରେ ଭିକେଫାରିଆ ଓ ଆଲର୍ବଟ ମୁ୍ୟଜିୟମରେ ଚାଲିଥିବା ପ୍ରଦର୍ଶନୀରେ ସାମିଲ ହୋଇଛି । ତେବେ ବର୍ତ୍ତମାନ ସୋସିଆଲ ମିଡିଆରେ ଏହି ହାର ହଜିଥିଲା ନା ଚୋରି ହୋଇଥିଲା ଏହାକୁ ନେଇ ଆଲୋଚନା ହେଉଛି । ଏଥିସହିତ ଏହା କିଭଳି ପୁଣି ଭାରତ ଫେରିବ ତାକୁ ନେଇ ମଧ୍ୟ ଆଲୋଚନା ହେଉଥିବା ଦେଖିବାକୁ ମିଳୁଛି ।