ସାଧାରଣତଃ ଆମେ କ୍ରେଭିଂ ବିଷୟରେ ଏତେ ଭାବିନଥାଉ । କ୍ରେଭିଂର ଅର୍ଥ କିଛି ଖାଦ୍ୟ ପାଇଁ ଲାଳସା ରହିବା , ତେଣୁ ଏହାକୁ ଲୋକମାନେ ଅଣଦେଖା କରନ୍ତି । ହେଲେ କ୍ରେଭିଂରୁ ଜାଣିହେବ ଆମ ଶରୀରରେ କେଉଁ ଭିଟାମିନ୍ର ଅଭାବ ରହିଛି ।
ଚକୋଲେଟ୍ କ୍ରେଭିଂ
ଯଦି ଆପଣଙ୍କର ଚକୋଲେଟ୍ ଖାଇବା ପାଇଁ ଅଧିକ ଇଚ୍ଛା ହେଉଛି, ତେବେ ଆପଣଙ୍କର ମ୍ୟାଗ୍ନେସିଅମର ଅଭାବ ରହିଛି । ମ୍ୟାଗ୍ନେସିଅମ ଆମ ଶରୀରର ବିଭିନ୍ନ କାର୍ଯ୍ୟ ଯେପରି ରକ୍ତରେ ସୁଗାର ନିୟନ୍ତ୍ରଣ କରିବା, ଶରୀରର ସ୍ନାୟୁ ମାନଙ୍କୁ ନିୟନ୍ତ୍ରଣ କରିବା, ମସଲମାନଙ୍କର କାର୍ଯ୍ୟକୁ ମଧ୍ୟ ଏହା ନିୟନ୍ତ୍ରଣ କରିଥାଏ । ତେଣୁ ଯଦି ଆପଣଙ୍କର ଚକୋଲେଟ୍ ଖାଇବାକୁ ଅଧିକ ଇଚ୍ଛା ହେଉଛି ତେବେ ମ୍ୟାଗ୍ନେସିଅମରେ ଭରପୂର ଖାଦ୍ୟ ଖାଆନ୍ତୁ ।
ସୁଇଟ୍ କ୍ରେଭିଂ
ଅନେକ ଲୋକ ଏଭଳି ଥାଆନ୍ତି ଯେଉଁ ମାନଙ୍କର ମିଠା ଅଧିକ ଲୋଭ ଥାଏ । ତେବେ ଏହା ମଧ୍ୟ ଏକ ପ୍ରୋଟିନର ଅଭାବର ସୂଚନା ଦେଇଥାଏ । ମିଠା କ୍ରେଭିଂ ଶରୀରରେ କ୍ରୋମିୟମର ଅଭାବକୁ ସୂଚାଇଥାଏ । କ୍ରୋମିଅମ ଆମ ଶରୀରରେ ବ୍ଲଡ୍ ସୁଗାର ଲେବଲକୁ ନିୟନ୍ତ୍ରଣ କରିଥାଏ । ତେଣୁ ମିଲ୍ରେ କ୍ରୋମିଅମ ଥିବା ଖାଦ୍ୟ ଯେପରି ବ୍ରୋକଲି, ଅଙ୍ଗୁର, ଆଳୁ,ରସୁଣ ଆଦି ସାମିଲ କରନ୍ତୁ । ଏହା ଆପଣଙ୍କ ଶରୀରରେ କ୍ରୋମିଅମକୁ ବାଲାନ୍ସ କରିବ ।
ସଲ୍ଟ କ୍ରେଭିଂ
ଅନେକ ସମୟରେ ଏଭଳି ଲୋକ ଥାଆନ୍ତି, ଯେଉଁମାନଙ୍କର ଲୁଣ ଜାତୀୟ ଖାଦ୍ୟ ଖାଇବାକୁ ଖୁବ ଇଚ୍ଛା ହୋଇଥାଏ । ଯଦି ଆପଣଙ୍କର ସବୁବେଳେ ଲୁଣ ଜାତୀୟ ଖାଇବାକୁ ଇଚ୍ଛା ହେଉଛି,ତେବେ ଆପଣଙ୍କର ସୋଡିଅମର ଅଭାବ ରହିଛି । ସେହିଭଳି ଯେଉଁମାନଙ୍କର ଝାଳ ଅଧିକ ବୋହିଥାଏ ସେମାନଙ୍କର ସୋଡିଅମ ଅଭାବ ରହିଥାଏ । ଏହା ଆମର ନର୍ଭମାନଙ୍କର କାର୍ଯ୍ୟକୁ ନିୟନ୍ତ୍ରଣ କରିଥାଏ ।
ଚିଜ୍ କ୍ରେଭିଂ
ଯଦି ଆପଣଙ୍କର ଛେନା କିମ୍ବା ଅନ୍ୟକୌଣସି ଦୁU ଜାତୀୟ ଖାଦ୍ୟ ଖାଇବାକୁ ଇଚ୍ଛା ହେଉଛି ତେବେ ଆପଣଙ୍କର କ୍ୟାଲସିଅମ ଅଭାବ ରହିଛି । କ୍ୟାଲସିଅମ ଆମର ବୋନ୍, ମସଲ୍ ଓ ନର୍ଭ ମାନଙ୍କୁ ଶକ୍ତ କରିବାରେ ସାହାଯ୍ୟ କରିଥାଏ । ତେଣୁ ଖାଦ୍ୟରେ କ୍ୟାଲସିଅମ ପୂର୍ଣ୍ଣ ଖାଦ୍ୟ ସାମିଲ କରନ୍ତୁ । ଏହା ଆପଣଙ୍କ ହାଡ ଶକ୍ତ କରିବାରେ ସାହାଯ୍ୟ କରିବ ।
ଆଇସ୍ କ୍ରେଭିଂ
ଜଣେ ଜଣେ ଲୋକ ଥାଆନ୍ତି ଯେଉଁମାନଙ୍କୁ ବରଫ ଖାଇବାକୁ ଇଚ୍ଛା ହୋଇଥାଏ । ତେବେ ଏହି କ୍ରେଭିଂ ସେମାନଙ୍କର ଆଇରନ୍ ଅଭାବ ରହିଛି ବୋଲି ସୂଚାଇଥାଏ । ଯଦି ଏଭଳି ହେଉଛି ତେବେ ଖାଦ୍ୟରେ ଆଇରନ୍ ସାମିଲ କରନ୍ତୁ । ଆଇରନ ଥିବା ପନିପରିବା ଓ ଖାଦ୍ୟ ସାମଗ୍ରୀ ମିଲ୍ରେ ସାମିଲ କରନ୍ତୁ ।
Comments are closed.