ଖରାଦିନେ ଫ୍ୟାଶନକୁ ନେଇ ସମସ୍ତେ ଦ୍ୱନ୍ଦରେ ରହିଥାଆନ୍ତି । କେଉଁ ପ୍ରିଣ୍ଟ ପିନ୍ଧିଲେ ସେମାନଙ୍କୁ ଆରାମ ସହିତ ଷ୍ଟାଇଲ୍ ମଧ୍ୟ ମିଳିବ । ତେବେ ଆସନ୍ତୁ ଜାଣିବା ସେହିଭଳି କିଛି ପ୍ରିଣ୍ଟ ସମ୍ପର୍କରେ ଯାହା ଆପଣଙ୍କୁ ଆରାମ ସହିତ ଏକ ଭଲ କ୍ଲାସି ଲୁକ୍ ମଧ୍ୟ ପ୍ରଦାନ କରିବ ।
ଫ୍ଲୋରାଲ
ଖରାଦିନେ ପିନ୍ଧାଯାଉଥିବା ପ୍ରିଣ୍ଟରେ ସବୁଠାରୁ ଆଗରେ ରହିଥାଏ ଫ୍ଲୋରାଲ । ଏହାର ଚାହିଦା ଉଭୟ ଝିଅ ଓ ପୁଅଙ୍କ ପାଖରେ ଦେଖିବାକୁ ମିଳିଥାଏ । ଏହି ପ୍ରିଣ୍ଟରେ ବିଭିନ୍ନ ପ୍ରକାର ଫୁଲର ଆର୍ଟ ଦେଖିବାକୁ ମିଳେ । ବିଶେଷଭାବେ ଡ୍ରେସ୍, ବ୍ଲାଉଜ୍, ସ୍କର୍ଟ ଓ ସୁଇମ୍ସୁଟ୍ରେ ଏହି ପ୍ରିଣ୍ଟ ଦେଖିବାକୁ ମିଳିଥାଏ । ଏହାର ଷ୍ଟାଇଲ୍ ଖୁବ ସୁନ୍ଦର ହୋଇଥାଏ ।
ପାମ୍
ପାମ୍ ବା ତାଳଗଛର ପତ୍ରର ପ୍ରିଣ୍ଟ ଖୁବ ପପୁଲାର । ଏହା ବିଶେଷଭାବେ ପୁଅ ପିଲାଙ୍କର ଖୁବ ପସନ୍ଦ ହୋଇଥାଏ । ଏହାକୁ ସମସ୍ତେ ଭ୍ୟାକେସନ୍ ଡ୍ରେସର ମଧ୍ୟ ଆଖ୍ୟା ଦେଇଥାଆନ୍ତି । ଏହି ପ୍ରିଣ୍ଟରେ କେବଳ ତାଳ ଗଛ ନୁହେଁ ଅନ୍ୟ ଗଛ ମାନଙ୍କର ପତ୍ରର ପ୍ରିଣ୍ଟ ମଧ୍ୟ ଦେଖିବାକୁ ମିଳିଥାଏ ।
ନୁ୍ୟଟିକାଲ
ଏହା ବିଶେଷଭାବେ ଷ୍ଟ୍ରିପ୍ନୀଳ ଓ ଧଳା ରଙ୍ଗରେ ମିଳିଥାଏ । ଏଥିରେ ଜାହଜର ବିଭିନ୍ନ ଅଂଶ, ଦଉଡି, ଚକ ଆଦି ରହିଥାଏ । ଏହି ପ୍ରିଣ୍ଟ ଉଭୟ ସାର୍ଟ, ଟପ୍, ଡ୍ରେସ୍, ସୁଇମିଂସୁଟ୍ ଆଦିରେ ଦେଖିବାକୁ ମିଳିଥାଏ । ଏହା ବିଶେଷଭାବେ ବିଚ୍ ଡ୍ରେସ୍ଭାବେ ବ୍ୟବହାର କରାଯାଇଥାଏ ।
ଫ୍ରୁଟ୍
ବଜାରରେ ଫ୍ରୁଟ ପ୍ରିଣ୍ଟ ମଧ୍ୟ ଦେଖିବାକୁ ମିଳିଥାଏ ଯାହାର ଚାହିଦା ଖୁବ ଅଧିକ ରହିଥାଏ । ଏହି ପ୍ରିଣ୍ଟରେ ଲେମ୍ବୁ, ତରଭୂଜ, ଷ୍ଟ୍ରବେରୀ, ଚେରି ଓ ସପୁରୀ ଆଦି ରହିଥାଏ । ଏହା ବିଶେଷଭାବେ ବିଚ୍େୱୟାର୍, କ୍ରପ୍ ଟପ ଆଦିରେ ଦେଖିବାକୁ ମିଳିଥାଏ ।
Comments are closed.