ଆଜିକାଲି ମେଦବହୁଳତା ଏକ ଗମ୍ଭୀର ରୋଗରେ ପରିଣତ ହୋଇଛି, ତେଣୁ ସମସ୍ତେ ଚାହୁଁଛନ୍ତି ଏକ ପତଳା ଓ ସୁସ୍ଥ ଶରୀର । ତେବେ ଆମ ଶରୀର ବିଶେଷଭାବେ ଆମର ଖାଦ୍ୟ ଉପରେ ନିର୍ଭର କରିଥାଏ । ଆମେ ପ୍ରତିଦିନ କଣ ଖାଉଛୁ ସେହି ଅନୁସାରେ ଆମ ଶରୀରରେ ଚର୍ବି ଯମା ହୋଇଥାଏ, ଯେଉଁକାରଣରୁ ମେଦର ପରିମାଣ ବଢିଥାଏ ବା କମିଥାଏ । ତେବେ ଏଭଳି କିଛି ଖାଦ୍ୟ ରହିଛି ଯାହାକୁ ଦୈନନ୍ଦିନ ଜୀବନରେ ସାମିଲ କରିବା ଦ୍ୱାରା ଆମେ ସୁସ୍ଥ ସହ ଫିଟ୍ ରହିପାରିବା ।
ଗ୍ରୀନ ଟି
ନିଜ ଦୈନନ୍ଦିନ ଖାଦ୍ୟରେ ଗ୍ରୀନ ଟିକୁ ସାମିଲ କରନ୍ତୁ । ଏହା ଆପଣଙ୍କୁ ପତଳା ରଖିବା ସହିତ ସୁସ୍ଥ ରଖିବାରେ ସାହାଯ୍ୟ କରିବ । ଏଥିରେ ଥିବା କାଟେଚିନ୍ ଆମର ମେଟାବଲିଜିମ୍ ପ୍ରକ୍ରିୟାକୁ ଭଲ ରଖିଥାଏ, ଯାହା ଫଳରେ ଆମର ଓଜନ ନିୟନ୍ତ୍ରଣ ରହିଥାଏ ଏବଂ ଆମେ ମୋଟା ହୋଇ ନଥାଉ ।
ଲେମ୍ବୁ ମହୁ
ସକାଳୁ ଲେମ୍ବୁ ପାଣି ସହିତ ମହୁ ପିଇଲେ ଆମର ପାଚନତନ୍ତ୍ର ଭଲ ରହିଥାଏ । ଏହା ଆମକୁ ବଦହଜମିରୁ ରକ୍ଷା କରିଥାଏ । ଏହାସହ ଆମ ଶରୀରରେ ଯମା ହୋଇଥିବା ଚର୍ବିକୁ କାଢିବାରେ ମଧ୍ୟ ଏହା ସହାୟକ ହୋଇଥାଏ ।
ଡାଲଚିନି ପାଣି
ଡାଲଚିନି ପାଣି ଆମର ମେଟାବଲିଜିମ୍କୁ ବୁଷ୍ଟ କରିଥାଏ ଯାହା ଆମର ରୋଗପ୍ରତିରୋଧକ ଶକ୍ତି ବଢାଇଥାଏ । ଏହା ଆମରେ ଓଜନ ନିୟନ୍ତ୍ରଣ ପାଇଁ ଖୁବ ସହାୟକ ହୋଇଥାଏ । ଏହାକୁ ନିଜର ଦୈନନ୍ଦିନ ଜୀବନରେ ସାମିଲ କରନ୍ତୁ ଏବଂ ସୁସ୍ଥ ରୁହନ୍ତୁ ।
Comments are closed.