ଅନେକ ସମୟରେ ରୋଷେଇଘରେ କଳା ରଙ୍ଗର ବାସନ ଦେଖିବାକୁ ମିଳିଥାଏ । ଏଗୁଡିକ କଳା ରଙ୍ଗର ହୋଇଥିବାରୁ ସୁନ୍ଦର ଦେଖାଯାଇଥାଏ ତେଣୁ ସମସ୍ତେ ଏହାକୁ କିଣିବାକୁ ବେଶି ଆଗ୍ରହ ଦେଖାଇଥାଆନ୍ତି । ତେବେ ବ୍ଲାକ୍ ପ୍ଲାଷ୍ଟିକୁ ନେଇ ଏକ ଚାଞ୍ଚଲ୍ୟକର ତଥ୍ୟ ସାମନାକୁ ଆସିଛି । ଏଥିରେ କିଛି ଏଭଳି କେମିକାଲ ରହୁଛି ଯାହା ଆମ ଶରୀରପାଇଁ କ୍ଷତିକାରକ । ନେଦରଲାଣ୍ଡର ଏକ ବିଶ୍ୱବିଦ୍ୟାଳୟରେ ଆୟୋଜନ ହୋଇଥିବା ଏହି ଷ୍ଟଡିରେ ଏଭଳି ତଥ୍ୟ ମିଳିଛି । ଏହି ବ୍ଲାକ୍ ପ୍ଲାଷ୍ଟିକ ଗୁଡିକ ରିସାଇକେଲ୍ ସମୟରେ ଅତ୍ୟଧିକ କ୍ଷତିକାରକ କେମିକାଲ ଆମ ପରିବେଶ ଓ ବାୟୁମଣ୍ଡଳକୁ ରିଲିଜ୍ କରିଥାଏ । ତେବେ ଏହି ଦିଗରେ ଆହୁରି ଗବେଷଣା ହେବାର ଆବଶ୍ୟକତା ରହିଛି । ସୋସିଆଲ ମିଡିଆରେ ମଧ୍ୟ ଏନେଇ ଆଲୋଚନା ଆରମ୍ଭ ହୋଇଛି । ଯଦି ଏହି ଷ୍ଟଡିରେ ପ୍ରକାଶିତ ତଥ୍ୟ ସତ୍ୟ ହୋଇଥାଏ ତେବେ ଏହା ଖୁବ ହାନିକାରକ, କାରଣ ଅନେକ ରେସ୍ତୋରାଁରେ ବ୍ଲାକ୍ ପ୍ଲାଷ୍ଟିକର ବ୍ୟବହାର ଅଧିକ ରହିଥାଏ ।
Comments are closed.