କୁଆଲାଲୁମ୍ପୁର: ଭାରତୀୟ ବ୍ୟାଡମିଣ୍ଟନ ତାରକା ପିଭି ସିନ୍ଧୁ, ଏଚ୍ଏସ୍ ପ୍ରଣୟ ଓ କିଦାମ୍ବି ଶ୍ରୀକାନ୍ତ ମାଲେସିଆ ମାଷ୍ଟର୍ସ ସୁପର ୫୦୦ ବ୍ୟାଡ୍ମିଣ୍ଟନ ପ୍ରତିଯୋଗିତାର କ୍ବାର୍ଟରଫାଇନାଲ୍ରେ ପ୍ରବେଶ କରିଛନ୍ତି। ମହିଳା ଏକକ ପ୍ରିକ୍ବାର୍ଟରଫାଇନାଲ୍ରେ ସିନ୍ଧୁ ୨୧-୧୬, ୨୧-୧୧ରେ ଜାପାନର ଆୟା ଓହରିଙ୍କୁ ପରାସ୍ତ କରିଥିଲେ। ସେ କ୍ବାର୍ଟରଫାଇନାଲ୍ରେ ଚୀନ୍ର ୟି ମାନ ଝାଙ୍ଗଙ୍କୁ ଭେଟିବେ। ପୁରୁଷ ଏକକରେ ବିଶ୍ବର ୯ ନମ୍ବର ପ୍ରଣୟ ୧୩-୨୧, ୨୧-୧୬, ୨୧-୧୧ରେ ଅଲ୍ ଇଂଲଣ୍ଡ ବିଜେତା ଚୀନ୍ର ସି ଫେଙ୍ଗ ଲିଙ୍କୁ ଏବଂ ଶ୍ରୀକାନ୍ତ ୨୧-୧୯, ୨୧-୧୯ରେ ଥାଇଲାଣ୍ଡର କୁନଲାଭୁତ ଭିଟିଦସର୍ନଙ୍କୁ ହରାଇଥିଲେ। କ୍ବାର୍ଟରରେ ପ୍ରଣୟ ଜାପାନର କେଣ୍ଟା ନିସିମୋତୋ ଏବଂ ଶ୍ରୀକାନ୍ତ ଇଣ୍ଡୋନେସିଆର ଖ୍ରିଷ୍ଟିଆନ୍ ଆଦିନାତାଙ୍କୁ ଭେଟିବେ। ହେଲେ ଭାରତର ଲକ୍ଷ୍ୟ ସେନ୍ ୧୪-୨୧, ୧୯-୨୧ରେ ହଂକଂର ଅଙ୍ଗୁସ ଏନ୍ କା ଲଙ୍ଗଠୁ ହାରି ବିଦାୟ ନେଇଛନ୍ତି।
Comments are closed.