ନୂଆଦିଲ୍ଲୀ: ସର୍ବିୟାରେ ଗୁରୁବାର ବିଳମ୍ବିତ ରାତିରେ ଗୁଳିକାଣ୍ଡ ହୋଇ ୮ ଜଣଙ୍କ ମୃତ୍ୟୁ ହୋଇଛି ଏବଂ ୧୦ ଜଣ ଆହତ ହୋଇଛନ୍ତି। ସର୍ବିୟା ରାଜଧାନୀ ବେଲଗ୍ରେଡ୍ ନିକଟସ୍ଥ ଏକ ସହରରେ ଗତକାଲି ରାତିରେ ଜଣେ ୨୧ ବର୍ଷୀୟ ସନ୍ଦିଗ୍ଧ ଏହି ଗୁଳିକାଣ୍ଡ ଘଟାଇଥିଲା। ତେବେସ ୨ ଦିନ ମଧ୍ୟରେ ସର୍ବିୟାରେ ଏହା ଦ୍ବିତୀୟ ଘଟଣା। ସନ୍ଦିଗ୍ଧ ଏକ ସ୍ବୟଂଚାଳିକ ବନ୍ଧୁକ ଧରି ଲୋକଙ୍କ ଉପରକୁ ଆଖି ବୁଜା ଗୁଳି ଚଳାଇଥିଲା। ସେହିପରି ବୁଧବାର ରାତିରେ ସର୍ବିୟାରେ ଏକ ସ୍କୁଲରେ ଗୁଳିକାଣ୍ଡ ହୋଇ ସ୍କୁଲର ୮ ଜଣ ଛାତ୍ର ଏବଂ ଜଣେ ଗାର୍ଡଙ୍କର ମୃତ୍ୟୁ ହୋଇଥିଲା। ଜଣେ ୧୩ ବର୍ଷୀୟ ବାଳକ ନିଜ ବାପାଙ୍କ ବନ୍ଧୁକ ସ୍କୁଲ୍କୁ ନେଇ ସ୍କୁଲରେ ଗୁଳି ଚଳାଇଥିଲା। ଫଳରେ ୮ ଜଣ ଛାତ୍ରଙ୍କ ମୃତ୍ୟୁ ହୋଇଗଲା। ତେବେ ସର୍ବିୟାରେ ୨ ଦିନ ମଧ୍ୟରେ ଗୁଳିକାଣ୍ଡ ଘଟଣାରେ ୧୭ ଜଣଙ୍କ ମୃତ୍ୟୁ ହେଲାଣି।
Comments are closed.