ଓଡ଼ିଆ ଝିଅ ସୁସ୍ମିତା ରାଜହଂସ ଲଢିବେ ବ୍ରିଟେନରେ ନିର୍ବାଚନ

ନୂଆଦିଲ୍ଲୀ : ପୁଣି ଥରେ ବ୍ରିଟେନରେ ଚମକିଲେ ଓଡ଼ିଆ ଝିଅ I ଏଥର ବ୍ରିଟେନ ରାଜନୀତିରେ ପାଦ ଥାପିଛନ୍ତି ଓଡ଼ିଆ ଝିଅ ସୁସ୍ମିତା ରାଜହଂସ I ଭୁବନେଶ୍ଵରର ସୁସ୍ମିତା ରାଜହଂସ ପ୍ରଥମ ଓଡ଼ିଆ ଝିଅ ଭାବେ ବିଦେଶରେ ଲଢ଼ିବେ ର୍ନିବାଚନ । ଆଜି ବ୍ରିଟେନର ୱେଷ୍ଟ ମୋର ଲ୍ୟାଣ୍ଡରେ ହେବ କାଉନସିଲର ର୍ନିବାଚନ । ଏହି ର୍ନିବଚନରେ liberal democrats party ରୁ କାଉନସିଲର ପଦ ପାଇଁ ନୋମିନେଟ ହୋଇଛନ୍ତି । ସୁସ୍ମିତା ରାଜହଂସ ୱେଷ୍ଟ ମୋର ଲ୍ୟାଣ୍ଡର City of Bathsରୁ ର୍ନିବାଚନ ଲଢୁଛନ୍ତି ।

ସେ ୨୦ ବର୍ଷରୁ ଅଧିକ ବର୍ଷ ହେବ ବ୍ରିଟେନର ବାଥ୍‌ ଓଲ୍ଡ ପାର୍କରେ ରହି ଆସୁଛନ୍ତି । ସେ ଜଣେ ସାମାଜିକ କର୍ମୀ ଭାବେ ପରିଚିତ । ଏଥର ସେ ସ୍ଥାନୀୟ ନିର୍ବାଚନରେ ସେ ଅଂଶ ଗ୍ରହଣ କରିଛନ୍ତି । କରୋନା ସମୟରେ ସ୍ଥାନୀୟ ଅଞ୍ଚଳରେ ବିଭିନ୍ନ କାର୍ଯ୍ୟ କରି ବେଶ ଲୋକପ୍ରିୟ ହୋଇଛନ୍ତି ସସ୍ମିତା ରାଜହଂସ । ଏଠାକIର ଜଗନ୍ନାଥ ମନ୍ଦିର ପ୍ରତିଷ୍ଠା ସହ ବିଭିନ୍ନ ସାଂସ୍କୃତିକ କାର୍ଯ୍ୟକ୍ରମ କରି ଲୋକପ୍ରିୟ ହୋଇଛନ୍ତି ସୁସ୍ମିତା । ଏଥି ସହିତ ହିନ୍ଦୁ କମ୍ୟୁନିଟି ପାଇଁ ଅନେକ କାମ କରିଛନ୍ତି । ଏହସହ ସେଠାରେ ଥିବା ଜଗନ୍ନାଥ ମନ୍ଦିରରେ ଫଉଣ୍ଡର ଟ୍ରଷ୍ଟି ମଧ୍ୟ ଅଛନ୍ତି । ଆସନ୍ତାକାଲି ଏହି ନିର୍ବାଚନ ଅନୁଷ୍ଠିତ ହେବାକୁ ଯାଉଛି । ଏହି ନିର୍ବାଚନରେ ସସ୍ମିତାଙ୍କ ବିଜୟ ସମ୍ଭାବନା ୭୨ ପ୍ରତିଶତ ରହିଥିବା ଚର୍ଚ୍ଚା ହେଉଛି ।