କିବ୍ : ମା’ କାଳୀଙ୍କ ଅପମାନ କରିଥିବା କାରଣ ପାଇଁ ୟୁକ୍ରେନ କ୍ଷମା ମାଗିଛି। ୟୁକ୍ରେନ ପ୍ରତିରକ୍ଷା ମନ୍ତ୍ରାଳୟ ଟ୍ବିଟର ଆକାଉଣ୍ଟରେ ମା’ କାଳୀଙ୍କ ପରି ଦେଖାଯାଉଥିବା ଏକ ବିକୃତ ଛବି ପୋଷ୍ଟ କରାଯିବାପରେ ଭାରତରେ ତୀବ୍ର ପ୍ରତିକ୍ରିୟା ପ୍ରକାଶ ପାଇଛି। ଭାରତରେ ଇଣ୍ଟରନେଟ୍ ବ୍ୟବହାରକାରୀମାନେ ଉକ୍ତ ଘଟଣାକୁ କଡ଼ା ନିନ୍ଦା କରିଛନ୍ତି। ଏହି ଛବି ହିନ୍ଦୁ ଭାବନାକୁ ଆଘାତ ଦେଇଛି ବୋଲି ଇଣ୍ଟରନେଟ୍ ବ୍ୟବହାରକାରୀମାନେ ଦାବି କରିଥିଲେ ଏବଂ ୟୁକ୍ରେନଠାରୁ କ୍ଷମା ଦାବି କରିଥିଲେ। ତେବେ ବିବାଦ ବଢ଼ିବାପରେ ୟୁକ୍ରେନ ବିଦେଶ ମନ୍ତ୍ରୀ ଏମିନେ ଝାପାରୋଭା ଏଥିପାଇଁ କ୍ଷମା ମାଗିଛନ୍ତି। ମନ୍ତ୍ରୀ ଝାପାରୋଭା କହିଛନ୍ତି, ପ୍ରତିରକ୍ଷା ମନ୍ତ୍ରାଳୟ ଦେବୀ କାଳୀଙ୍କୁ ଏଭଳି ବିକୃତ ଭାବେ ଚିତ୍ରଣ କରିଥିବାରୁ ୟୁକ୍ରେନ ଏଥିପାଇଁ ଦୁଃଖିତ। ୟୁରୋପୀୟ ରାଷ୍ଟ୍ର ଭାରତୀୟ ସଂସ୍କୃତିକୁ ସମ୍ମାନ କରୁଛି ଏବଂ ଭାରତର ସମର୍ଥନକୁ ଉଚ୍ଚ ପ୍ରଶଂସା କରୁଛି ବୋଲି ସେ କହିଛନ୍ତି। ଇତି ମଧ୍ୟରେ ୟୁକ୍ରେନ ପ୍ରତିରକ୍ଷା
ମନ୍ତ୍ରାଳୟ ପକ୍ଷରୁ ଏହି ବିବାଦୀୟ ଟ୍ବିଟ୍କୁ ଡିଲିଟ୍ କରାଯାଇଛି।
Comments are closed.