କିଭ : କିଛି ଦିନର ବିରତି ପରେ ଗୁରୁବାର ଦିନ ପୁଣି ୟୁକ୍ରେନକୁ ଉପରେ ପ୍ରଚଣ୍ଡ ଆକ୍ରମଣ କରିଛି ରୁଷ Iପୁଟିନ ସେନା ୟୁକ୍ରେନ ଉପରେକରିଛି ଘନ ଘନ ମିସାଇଲ ମାଡ଼। ଏହି ଆକ୍ରମଣରେ ୧୧ ଜଣଙ୍କର ମୃତ୍ୟୁ ଘଟି ଥିବାବେଳେ ଅନ୍ୟ ୧୧ ଜଣ ଗୁରୁତର ଆହତ ହୋଇଛନ୍ତି I ତେବେ ଏହି ଆକ୍ରମଣ ଜନବସତି ଆଂଚଳରେ ହେବା ଫଳରେ ୩୫ରୁ ଅଧିକ ବିଲିଡିଂ ସଂପୂର୍ଣ୍ଣ ଭାବେ କ୍ଷତିଗ୍ରସ୍ତ ହୋଇଛି ।
ସେହିପରି ‘ଟେଲିଗ୍ରାମ୍’ରେ ୟୁକ୍ରେନୀୟ ଜରୁରୀକାଳୀନ ସେବା କହିଛି, ପାଶ୍ଚାତ୍ୟ ସପକ୍ଷବାଦୀ ଦେଶ ୟୁକ୍ରେନ୍ର ଶକ୍ତି ଭିତ୍ତିଭୂମିକୁ ଟାର୍ଗେଟ୍ କରି ରୁଷ୍ ପୁନର୍ବାର ବ୍ୟାପକ ଆକ୍ରମଣ କରିବାରୁ ୧୧ଜଣ ଲୋକଙ୍କର ମୃତ୍ୟୁ ଘଟିଛି, ଆଉ ୧୧ଜଣ ଲୋକ ଆହତ ହୋଇଛନ୍ତି। ଏହାଛଡ଼ା, ୟୁକ୍ରେନ୍ର ଅନେକ ଅଞ୍ଚଳରେ ବିଜୁଳି ବିଭ୍ରାଟ ମଧ୍ୟ ଘଟିଛି।
ରୁଷର ମିସାଇଲ ମାଡ଼ ଯୋଗୁ ଲୋକମାନେ ରାଜଧାନୀ କିଭ୍ରେ ଥିବା ମେଟ୍ରୋ ଷ୍ଟେସନ ଭିତରେ ଆତ୍ମଗୋପନ କରିବାକୁ ବାଧ୍ୟ ହୋଇଥିଲେଏ ନେଇ ସିଏନଏନ ୟୁକ୍ରେନ ଷ୍ଟେଟ ଜରୁରୀକାଳୀନ ସେବାକୁ ଯୋଗାଇ ଦିଆଯାଇଛି । ରୁଷ ହମଲା କରିବାକୁ ଯାଉଥିବାରୁ ୟୁକ୍ରେନ ପ୍ରଶାସନ ଏୟାର ରେଡ୍ ସାଇରନ ଦ୍ୱାରା ଲୋକଙ୍କୁ ସତର୍କ କରାଇଥିଲା। ଏହାପରେ ଲୋକମାନେ ପ୍ରାଣ ବିକଳରେ ମେଟ୍ରୋ ଷ୍ଟେସନ ଭିତରେ ଲୁଚି ଯାଇଥିଲେ। ମିସାଇଲ ମାଡ଼ରେ ୟୁକ୍ରେନର ବିଜୁଳି ଭିତ୍ତିଭୂମି ପୁଣି ନଷ୍ଟ ହୋଇଯାଇଛି। ଅକ୍ଟୋବର ମାସରେ ରୁଷ ସମାନ ଢଙ୍ଗରେ ୟୁକ୍ରେନର ଜାତୀୟ ବିଜୁଳି ଗ୍ରୀଡ୍କୁ ଧ୍ୱଂସ କରି ଦେଇଥିଲା। ଫଳରେ କିଭ୍ ସମେତ ଏକାଧିକ ସହରରେ ବିଜୁଳି ସଙ୍କଟ ଦେଖାଯାଇଥିଲା।
ରୁଷ ୟୁକ୍ରେନର ଶକ୍ତି ଗ୍ରୀଡକୁ ବାରମ୍ବାର ଟାର୍ଗେଟ କରୁଥିବା ଦେଖିବାକୁ ମିଳୁଛି। ଅକ୍ଟୋବର ଠାରୁ ବିଦ୍ୟୁତ୍ ଯୋଗାଣରେ ବାଧା ସୃଷ୍ଟି କରିବା ଅଭିଯାନରେ ୟୁକ୍ରେନର ଶକ୍ତି ସୁବିଧା ଉପରେ ଅନେକରୁ ଅଧିକ କ୍ଷେପଣାସ୍ତ୍ର ଏବଂ ଡ୍ରୋନ୍ ଲଞ୍ଚ କରିଛି। ଏବେ ରୁଷ ମନ ଇଚ୍ଛା କାର୍ଯ୍ୟ କରୁଛି । ଶକ୍ତି ଗ୍ରୀଡ଼ ବ୍ୟତୀତ ଏହି କ୍ଷେପଣାସ୍ତ୍ର ଷ୍ଟ୍ରାଇକ୍ ପ୍ରାୟତଃ ଆବାସିକ ଅଞ୍ଚଳରେ ମଧ୍ୟ ଅବତରଣ କରିଥିବା ସୂଚନା ରହିଛି ।
କିଭ ସରକାରୀ ମୁଖପାତ୍ର ଅଲେକ୍ସଚାନ୍ଦ ଖୋରୁଞ୍ଜାଇ ଏକ ବିବୃତ୍ତିରେ କହିଛନ୍ତି ଯେ ଆକ୍ରମଣ ପରେ,ଧ୍ୱସ୍ତ ଅଂଚଳରୁ ପୁନରୁଦ୍ଧାର ପ୍ରକ୍ରିୟାରେ ଚାଲିଛି I ପ୍ରାୟ ୧୦୦ ଉଦ୍ଧାରକାରୀ ଦଳ ଏଥିରେ ଜଡିତ ଅଛନ୍ତି। କିଭ ଉପରେ ଏହି ଆକ୍ରମଣକୁ ଗୁରୁବାର ଦିନ ଆମେରିକାର ବୈଦେଶିକ ମନ୍ତ୍ରଣାଳୟ ନିନ୍ଦା କରିଛି ଏବଂ ଆହତମାନଙ୍କ ଆରୋଗ୍ୟ କାମନା କରିଛି I
ଅନ୍ୟପଟେ ବୁଧବାର ରାତିରେ ରୁଷ ଉଡ଼ାଇଥିବା ୨୪ଟି ଯାକ ଡ୍ରୋନକୁ ୟୁକ୍ରେନ ସେନା ଖସାଇ ଦେଇଛନ୍ତି। ଏହା ମଧ୍ୟରୁ ୧୫ଟି ଡ୍ରୋନ୍ କିଭ୍ର ଆଖପାଖ ଅଞ୍ଚଳରେ ପଡ଼ିଥିଲା। ଡ୍ରୋନ ହମଲାରେ କୌଣସି ପ୍ରକାରର କ୍ଷୟକ୍ଷତି ହୋଇ ନଥିବା ସେନା ପକ୍ଷରୁ କୁହାଯାଇଛି।
Comments are closed.