ଲଣ୍ଡନ : ବ୍ରିଟେନ ପ୍ରଧାନମନ୍ତ୍ରୀଙ୍କୁ ଜରିମାନା । ଲଣ୍ଡନରେ ଘଟିଛି ଏମିତି ଏକ ଘଟଣା। ବ୍ରିଟେନ ପ୍ରଧାନମନ୍ତ୍ରୀ ଋଷି ସୁନକ ଚଳନ୍ତା ଗାଡିରେ ଯାଉଥିବା ବେଳେ ସିଟ୍ ବେଲ୍ଟ ପିନ୍ଧିନଥିବା ଯୋଗୁଁ ତାଙ୍କୁ ଇଂଲଣ୍ଡର ଲଙ୍କସାୟାର ପୁଲିସ ୧୦୦ ପାଉଣ୍ଡର ଜରିମାନା ଲଗାଇଛି । ଏହି ଭିଡିଓ ସମ୍ମୁଖକୁ ଆସିବା ପରେ ବ୍ରିଟେନ ପୋଲିସ ତାଙ୍କ ବିରୋଧରେ କାର୍ଯ୍ୟାନୁଷ୍ଠାନ ଗ୍ରହଣ କରିଥିଲେ । ଲାଙ୍କଶାୟାର ପୋଲିସ ଅନୁସାରେ ସୁନକ ତାଙ୍କ ଭୁଲ ମାନିବା ସହ ଜରିମାନା ଦେବା ପାଇଁ ରାଜି ହୋଇଛନ୍ତି । ସୁନକ କାର ଡ୍ରାଇଭ କରୁ ନ ଥିଲେ କି ଆଗ ସିଟରେ ବସି ନ ଥିଲେ । ତେବେ ସେ ପଛ ସିଟରେ ବସିଥିଲେ ସୁଦ୍ଧା ସିଟ ବେଲଟ ପିନ୍ଧି ନ ଥିବାରୁ ଏହି କାର୍ଯ୍ୟାନୁଷ୍ଠାନ ଗ୍ରହଣ କରାଯାଇଛି ।
ଘଟନାନୁସାରେ ଉତ୍ତର-ପଶ୍ଚିମ ଇଂଲଣ୍ଡରେ ଏକ ଗସ୍ତ ବେଳେ ଶହେରୁ ଅଧିକ ସରକାରୀ ଯୋଜନା ସମ୍ପର୍କରେ ସରକାର ଫଣ୍ଡ ଦେବା ନେଇ ଘୋଷଣା ସମ୍ପର୍କରେ ବାର୍ତ୍ତା ଦେଉଥିବା ବେଳେ ସୁନକ ସିଟ୍ ବେଲ୍ଟ ଖୋଲି ଦେଇଥିଲେ। ଫଳରେ ବିରୋଧୀ ଲେବର ପାର୍ଟି ଏହାର ସମାଲୋଚନା କରିଥିଲେ। ସେପଟେ ସିଟ୍ ବେଲ୍ଟ ପିନ୍ଧିନଥିବା ଭିଡିଓ ଭାଇରାଲ ହେବା ଓ ବିରୋଧୀଙ୍କ ସମାଲୋଚନା ପରେ ପରେ ଋଷି ସୁନକ କ୍ଷମା ମାଗିଥିବା ବ୍ରିଟେନ୍ ପ୍ରଧାନମନ୍ତ୍ରୀଙ୍କ ମୁଖପାତ୍ର କହିଛନ୍ତି।
ପୂର୍ବରୁ ୨୦୨୦ରେ କରୋନା ନିୟମ ଉଲ୍ଲଂଘନ ନେଇ ସେ ଦଣ୍ଡିତ ହୋଇଥିଲେ । ସୁନକ ଦଣ୍ଡିତ ହେବା ନେଇ ପାକିସ୍ତାନର ପୂର୍ବତନ ପ୍ରଧାନମନ୍ତ୍ରୀ ବୟାନ ଦେଇଛନ୍ତି । ସେ କହିଛନ୍ତି ଯେ, ବ୍ରିଟେନରେ ଆଇନଠାରୁ ଶକ୍ତିଶାଳୀ କେହି ନାହିଁ । ଏହା ସମୃଦ୍ଧ ଏବଂ ଗରୀବ ଦେଶ ମଧ୍ୟରେ ପାର୍ଥକ୍ୟ ଆଣିଥାଏ ।
Comments are closed.