ଶିଶୁମାନଙ୍କ ଏଚ୍ଏଫଏମ୍ଡି ସମସ୍ୟା
ଏଚ୍ଏଫଏମ୍ଡି ଏକ ଏଣ୍ଡ୍ରୋ ଭାଇରସ । ଏହାର ସେରୋ ଟାଇପିଂ ହେବା ପରେ ଏହାର ଟମାଟୋ ଫ୍ଲì ସହିତ ସାମଞ୍ଜସ୍ୟ ରହିଛି କି ନାହିଁ ସ୍ପଷ୍ଟ ହୋଇପାରିବ । ତେବେ ଶିଶୁ ଏଚଏଫଏମ୍ଡିରେ ଆକ୍ରାନ୍ତ ହୋଇନଥାନ୍ତି । ଯେଉଁମାନେ ଦୁର୍ବଳ, ପୁଷ୍ଟିହୀନତା ଓ ମଲଟି ଡିଜିଜ୍ରେ ଆକ୍ରାନ୍ତ ସେମାନେ ଏଚ୍ଏଫଏମ୍ଡିରେ ଆକ୍ରାନ୍ତ ହେବାର ଆଶଙ୍କା ଅଧିକ ।
ରାଜ୍ୟରେ ଶିଶୁମାନଙ୍କ ମଧ୍ୟରେ ଏଚ୍ଏଫଏମ୍ଡି ରୋଗ ବଢ଼ୁଥିବା ଆଶଙ୍କା କରାଯାଉଛି । ଲଗାତାର ଭାବେ ହସ୍ପିଟାଲଗୁଡ଼ିକୁ ଏଭଳି ସନ୍ଦିଗ› ଚିକିତ୍ସା ପାଇଁ ଆସୁଛନ୍ତି । ନିକଟରେ ସ୍ୱାସ୍ଥ୍ୟ ବିଭାଗ ପକ୍ଷରୁ ଜିଲ୍ଲାଗୁଡ଼ିକୁ ସନ୍ଦିଗ›ମାନଙ୍କ ନମୁନା ପଠାଇବାକୁ ନିର୍ଦ୍ଦେଶ ଦିଆଯାଇଥିଲା । ରାଜ୍ୟ ସ୍ୱାସ୍ଥ୍ୟ ସେବା ନିର୍ଦ୍ଦେଶାଳୟ ବିଭାଗରୁ ଜଣାପଡ଼ିଛି ହାଡ଼ଫୁଟି, ମିଳିମିଳା ହେଲେ ଯେପରି ରୋଗୀମାନଙ୍କୁ ଆଇସୋଲେଟ କରି ରଖାଯାଇ ଚିକିତ୍ସା କରାଯାଏ, ଏହି ରୋଗରେ ବି ସମାନ ଚିକିତ୍ସା ପଦ୍ଧତି ଆପଣାଇବା ଦରକାର । ରୋଗୀକୁ ଆଇସୋଲେସନରେ ରଖିଲେ ତାହା ଜଣଙ୍କ ଭିତରେ ସୀମିତ ରହିବ ଓ ରୋଗୀଟି ୩-୭ ଦିନ ଭିତରେ ଭଲ ହୋଇପାରିବ । ଏହି ରୋଗର ଚିକିତ୍ସା ପାଇଁ କୌଣସି ସ୍ୱତନ୍ତ୍ର ଔଷଧ ବା ଟିକା ନାହିଁ । ଲକ୍ଷଣ ଅନୁସାରେ ଏହାର ଚିକିତ୍ସା କରାଯାଇଥାଏ । ଏହି ରୋଗକୁ ନେଇ ଭୟଭୀତ ହେବାର କିଛି ନାହିଁ । ଏପରି ଲକ୍ଷଣ ଥିବା ରୋଗୀଙ୍କୁ ହସ୍ପିଟାଲର ବହିର୍ବିଭାଗକୁ ଆସିଲେ ସେମାନଙ୍କ ନମୁନା ପରୀକ୍ଷା ପାଇଁ ନିର୍ଦ୍ଦେଶ ଦିଆଯାଇଛି । ଏହାସହ କମୁ୍ୟନିଟି ସର୍ଭେଲାନ୍ସ ଉପରେ ନଜର ରଖାଯାଇଛି ।
ଉଲ୍ଲେଖ ଯେ ଦେଶର କିଛି ରାଜ୍ୟରେ ଶିଶୁଙ୍କ ଠାରେ ନାଲି ଫୋଟକାଜନିତ ରୋଗ ଦେଖାଯିବା ପରେ ଏହାକୁ ଟମାଟୋ ଫ୍ଲì ନେଇ ଚର୍ଚ୍ଚା ହୋଇଥିଲା । ଓଡ଼ିଶାରେ ଏହି ରୋଗ ଅଛି ନା ନାହିଁ ଓ ଏଚ୍ଏଫଏମ୍ଡି ରୋଗ ସହିତ ଏହାର କ’ଣ ସାମଞ୍ଜସ୍ୟ ରହିଛି ତାହା ଜାଣିବା ଲାଗି ସ୍ୱାସ୍ଥ୍ୟ ବିଭାଗ ପକ୍ଷରୁ ଏକ ଉଚ୍ଚସ୍ତରୀୟ ବୈଠକ ବସିବା ସହିତ କିଭଳି ଢ଼ଙ୍ଗରେ ସନ୍ଦିଗ› ନମୁନା ପଠାଇବାକୁ ହେବ ତାହା ସଂପର୍କରେ ଏହା ଗାଇଡ଼ଲାଇନ ମଧ୍ୟ ଜାରି ହୋଇଥିଲା । ନିକଟରେ ଆରଏମଆରସିକୁ ୩୬ଟି ନମୁନା ପରୀକ୍ଷା ପାଇଁ ପଠାଯାଇଥିବା ବେଳେ ତହିଁରୁ ୨୬ଜଣ ଏଚ୍ଏଫଏମ୍ଡିରେ ଆକ୍ରାନ୍ତ ଥିବା ସ୍ପଷ୍ଟ ହୋଇଥିଲା ।
ଏହି ରୋଗ ମୁଖ୍ୟତଃ ଖାଦ୍ୟ ଓ ବାୟୁ ମାଧ୍ୟମରେ ଶିଶୁଙ୍କୁ ସଂକ୍ରମିତ କରୁଥିବା ଅନୁଧ୍ୟାନରୁ ଜଣାପଡ଼ିଛି । କକ୍ସସାକି-ଏ ଓ ଏଞ୍ଜୋରୋ ଭାଇରସ ଦ୍ୱାରା ଏହି ରୋଗ ସୃଷ୍ଟି ହୋଇଥାଏ । ଯଦିଓ ଏବେ ଶିଶୁଙ୍କ ନିକଟରେ ଚିହ୍ନଟ ହେଉଛି କିନ୍ତୁ ୧୮ ବର୍ଷ ଯାଏ ପିଲାଙ୍କ ନିକଟରେ ବି ଏହି ରୋଗ ଦେଖାଦେବାର ଆଶଙ୍କା ରହିଛି । କିନ୍ତୁ ସେମାନଙ୍କ ଦେହରେ ଶିଶୁଙ୍କ ଭଳି ଅଧିକ ଲକ୍ଷଣ ଦେଖାଦେଉନାହିଁ । ଜୁଲାଇ ଓ ଅଗଷ୍ଟ ବେଳକୁ ଏହି ରୋଗ ଶୀର୍ଷରେ ଛୁଇଁବାର ଆଶଙ୍କା କରାଯାଉଛି । ୭ରୁ ୧୦ ଦିନ ଯାଏ ଭୂତାଣୁ ସକ୍ରିୟ ରହୁଥିବା ବେଳେ ପରେ ଶିଶୁ ସୁସ୍ଥ ହୋଇଯାଉଛି । ଏଠାରେ ସ୍ପଷ୍ଟ ଭାବେ ସୂଚୀତ କରୁଛି କି ଯେ ଏହା ଟମାଟୋ ଫ୍ଲì ନୁହେଁ । ଏଚ୍ଏଫଏମ୍ଡି ଏକ ଏଣ୍ଡ୍ରୋ ଭାଇରସ । ଏହାର ସେରୋ ଟାଇପିଂ ହେବା ପରେ ଏହାର ଟମାଟୋ ଫ୍ଲì ସହିତ ସାମଞ୍ଜସ୍ୟ ରହିଛି କି ନାହିଁ ସ୍ପଷ୍ଟ ହୋଇପାରିବ । ତେବେ ଶିଶୁ ଏଚଏଫଏମ୍ଡିରେ ଆକ୍ରାନ୍ତ ହୋଇନଥାନ୍ତି । ଯେଉଁମାନେ ଦୁର୍ବଳ, ପୁଷ୍ଟିହୀନତା ଓ ମଲଟି ଡିଜିଜ୍ରେ ଆକ୍ରାନ୍ତ ସେମାନେ ଏଚ୍ଏଫଏମ୍ଡିରେ ଆକ୍ରାନ୍ତ ହେବାର ଆଶଙ୍କା ଅଧିକ । ଆକ୍ରାନ୍ତ ଶିଶୁଙ୍କ ସଂଖ୍ୟା ଯଦି ଆଗକୁ ବଢ଼ିବ ତାହା ହେଲେ ଯାଇ ହସ୍ପିଟାଲରେ ସ୍ୱତନ୍ତ୍ର ୱାର୍ଡ଼ ଖୋଲାଯିବ । ଏବେ ଦିନକୁ ୧୦-୧୨ଜଣ ସନ୍ଦିଗ› ଏଚ୍ଏଫଏମ୍ଡି ଆସୁଥିବା ବେଳେ ତହିଁରୁ ୪/୫ ଜଣ ଏହି ରୋଗରେ ଆକ୍ରାନ୍ତ । ରାଜ୍ୟରେ ଏଚ୍ଏଫଏମ୍ଡି ଆକ୍ରାନ୍ତ ଚିହ୍ନଟ ହେବା ପରେ ସେମାନଙ୍କ ନମୁନାର ସେରୋ ଟାଇପିଂ ପାଇଁ ପୁନେସ୍ଥିତ ଏନଆଇଭିକୁ ପଠାଯାଇଛି । ସେଠାରୁ ରିପୋର୍ଟ ଆସିବା ପରେ ରାଜ୍ୟରେ ଏଚ୍ଏଫଏମ୍ଡିର କେଉଁ ଗ୍ରୁପ ସକ୍ରିୟ ରହିଛି ତାହା ସ୍ପଷ୍ଟ ହୋଇପାରିବ ।
ଏଚ୍ଏଫଏମ୍ଡି ରୋଗରେ ଆକ୍ରାନ୍ତ ଶିଶୁଙ୍କୁ ପ୍ରଥମେ ଘରେ ଭିତରେ ସଂଗରୋଧ କରିବା ଉଚିତ । ଅନ୍ୟ ଶିଶୁଙ୍କ ସଂସ୍ପର୍ଶରେ ଯେଭଳି ଶିଶୁ ନଆସିବେ ସେଥିପ୍ରତି ସତର୍କ ରହିବା ଉଚିତ । ପାଟି ଭିତରେ ଫୋଟକା ହେଉଥିବାରୁ ଶିଶୁଟି ଖାଇବାରେ ବି ସମସ୍ୟା ଦେଖାଯାଉଛି । ଏବେ ଠିକ ଭାବେ ନଖାଇବାରୁ ତରଳ ଝାଡ଼ା ଲକ୍ଷଣ ଶିଶୁଙ୍କ ନିକଟରେ ଦେଖାଦେଉଛି ।
କେତେକ କ୍ଷେତ୍ରରେ ପିଲାଟିର ପେଟ ଟାଣିଥାଏ ବା ଯନ୍ତ୍ରଣା ହୋଇଥାଏ । ଛୋଟ ପିଲା ହୋଇଥିଲେ ସେ କାନ୍ଦି କାନ୍ଦି ତାର ପ୍ରତିକ୍ରିୟା ପ୍ରକାଶ କରିଥାଏ । ଏହି ସମୟରେ ଶିଶୁ ଅଧିକ ମାତ୍ରାରେ ପାଣି ପିଇବା ଉଚିତ । ପାଟିରେ ଫୋଟକା ହେଉଥିବାରୁ ସୁଜି, ସିମେଇ, କ୍ଷୀର ତିଆରି କରି ଶିଶୁ ମାଆ ମାନେ ଖୁଆଇ ପାରିବେ । ଶିଶୁଙ୍କ ଦେହରେ ଦେଖାଯାଉଥିବା ଫୋଟକାଗୁଡ଼ିକ ଫାଟି ଏଥିରୁ ନିର୍ଗତ ଲସା, ଆକ୍ରାନ୍ତ ଶିଶୁଙ୍କ ଲାଳ, ମଳରୁ ଭୂତାଣୁ ଡେଉଁଛି । କିନ୍ତୁ ଏଥିପାଇଁ ଭୟ ନକରିବା ଉଚିତ । ଜ୍ୱର ଓ ଘୋଳାବିନ୍ଧା ହେଲେ ପାରାସିଟାମଲ ଏବଂ ଦେହ କୁଣ୍ଡେଇ ହେବା ପାଇଁ କାଲାମିନ ଲୋସନ ପାଟିକୁ ଛାଡ଼ି ଦେହରେ ଅନ୍ୟ ଅଙ୍ଗରେ ଲଗାଯାଇପାରିବ । ଘୋଳାବିନ୍ଧା ପାଇଁ ଶିଶୁଙ୍କୁ କୌଣସି ପେନକିଲର ଦେବା ଅନୁଚିତ । ଜ୍ୱର ଆସିଲେ ପାରାସିଟାମଲ ଦିନକୁ ୩ରୁ ୪ଥର ଶିଶୁକୁ ଦିଆଯାଇପାରିବ । ଟମାଟୋ ଫ୍ଲì ଭଳି ଯଦିଓ ଏଚ୍ଏଫଏମଡିରେ ଗଣ୍ଠି ଯନ୍ତ୍ରଣା ହେଉନାହିଁ, କିନ୍ତୁ ଫୋଟକାଗୁଡ଼ିକ ଫାଟି କୁଣ୍ଡାଇ ହେଉଛି । ରୋଗ ଶିଶୁରୁ ଶିଶୁ ନିକଟକୁ ଡେଉଁଥିବାରୁ ଏଥିପ୍ରତି ସତର୍କ ରହିବା ଜରୁରୀ ।
ପ୍ରଫେସର ଡାକ୍ତର ଉମେଶ ଚନ୍ଦ୍ର ପାତ୍ର,
ବିଭାଗୀୟ ମୁଖ୍ୟ, ହେପାଟୋଲୋଜି ବିଭାଗ, ଶ୍ରୀରାମଚନ୍ଦ୍ର ଭଞ୍ଜ ମେଡ଼ିକାଲ କଲେଜ, କଟକ,
ମୋ-୯୪୩୭୦୫୧୯୫୭
Comments are closed.