କଟକ: ମଇ ୨୧: କଟକ ବାରବାଟିରେ ହେବ ଭାରତ-ସାଉଥ ଆଫ୍ରିକା ଟି-୨୦ ମ୍ୟାଚ । ଏଥିପାଇଁ ଜୁନ୍-୧ରୁ ଆରମ୍ଭ ହେବ ଟିକେଟ ବିକ୍ରି । ୯ ଏବଂ ୧୦ ତାରିଖରୁ ଅଫଲାଇନରେ ଟିକେଟ ବିକ୍ରି କରାଯିବ । ଏନେଇ ସୂଚନା ଦେଇଛନ୍ତି ଓସିଏ ସମ୍ପାଦକ ସଞ୍ଜୟ ବେହେରା । ଏଥର କୋଭିଡ୍ ମହାମାରୀର ପ୍ରକୋପ କମିଥିବାରୁ ଷ୍ଟାଡିୟମର ପୁରା କ୍ଷମତା ସହିତ ଦର୍ଶକ ଉପସ୍ଥିତ ରହିବେ । ବାଲିଯାତ୍ରା ପଡିଆରେ ହେବ ଗାଡି ପାର୍କିଂ ବ୍ୟବସ୍ଥା । ସୁରକ୍ଷା ବ୍ୟବସ୍ଥା କଡ଼ାକଡ଼ି କରାଯିବା ନେଇ ଏକ ବୈଠକରେ କ୍ରୀଡ଼ା ସଚିବ ଭିନିଲ କ୍ରିଷ୍ନା ଓ ପୋଲିସ କମିଶନର ସୌମେନ୍ଦ୍ର ପ୍ରିୟଦର୍ଶୀ ଉପସ୍ଥିତ ରହି ସମୀକ୍ଷା କରିଥିଲେ । ୪୦ ହଜାର ଦର୍ଶକ ଖେଳ ଦେଖିବାକୁ ଆସିବେ । ଏଣୁ ପ୍ରାୟ ୧୫ ହଜାର ଗାଡ଼ି ଏଠାକୁ ଆସିବ । ଏହାକୁ ଦୃଷ୍ଟିରେ ରଖି ଟ୍ରାଫିକ୍ ବ୍ୟବସ୍ଥା ଉପରେ ଗୁରୁତ୍ୱ ଦିଆଯିବ । ଗାଡ଼ି ପାର୍କିଂ ପାଇଁ ମଧ୍ୟ ବାଲିଯାତ୍ରା ପଡ଼ିଆରେ ବ୍ୟବସ୍ଥା କରାଯିବା ନେଇ ସୂଚନା ଦେଇଛନ୍ତି କମିଶନର । ଜୁନ୍ ୯ରୁ ୧୯ ଯାଏ ଭାରତ ଓ ଦକ୍ଷିଣ ଆଫ୍ରିକା ମଧ୍ୟରେ ୫ଟିକିଆ ଟି-୨୦ ସିରିଜ୍ ଖେଳାଯିବ ।
Comments are closed.