ଅଷ୍ଟ୍ରେଲିଆ: ବର୍ତ୍ତମାନର ସମୟରେ କ୍ୟାନସର ସମସ୍ତଙ୍କ ପାଇଁ ଏକ ଗୁରୁତର ସମସ୍ୟା ଭାବେ ଉଭା ହୋଇଛି । ଏହି ରୋଗର ନିରାକରଣ ନିମନ୍ତେ ବିଭିନ୍ନ ପ୍ରକାର ଗବେଷଣା କରାଯାଉଛି । ସେହିକ୍ରମରେ ପ୍ରତି ସମୟରେ ଅନେକ ନୂଆନୂଆ ଆବିଷ୍କାର ଓ ଉଦ୍ଭାବନ ମଧ୍ୟ ଜାରି ରହିଛି । ବର୍ତ୍ତମାନ ଅଷ୍ଟ୍ରେଲିଆର ବୈଜ୍ଞାନିକମାନେ ଏହି ତାଲିକାରେ ଏକ ନୂଆ ଉଦ୍ଭାବନ ଯୋଡିଛନ୍ତି ।
ଅଷ୍ଟ୍ରେଲିଆର ଏକ ବାୟୋଟେକ୍ ଲାବ୍ ଏକ ‘ଥ୍ରିଡି ପ୍ରିଣ୍ଟେଡ୍ ବଡି ପାର୍ଟ’ ପ୍ରସ୍ତୁତ କରିଛନ୍ତି, ଯାହା କ୍ୟାନସର ରୋଗୀଙ୍କ ଚିକିତ୍ସାରେ ସହାୟକ ହେବ । ଏହି ପ୍ରକ୍ରିୟାରେ ଥ୍ରିଡି ପ୍ରିଣ୍ଟକୁ ବ୍ୟବହାର କରି ବିଭିନ୍ନ ଅଙ୍ଗକୁ କୃତ୍ରିମ ଉପାୟରେ ପ୍ରସ୍ତୁତ କରାଯାଉଛି । ପ୍ରକ୍ରିୟା ପାଇଁ କମ୍ପାନୀ ପକ୍ଷରୁ ଡାକ୍ତର, ଇଞ୍ଜିନିୟର ଓ ଅନ୍ୟାନ ବୃତ୍ତିର ଲୋକଙ୍କୁ ଏକାଠି କରାଯାଇଥିଲା । ଏପରି କରିବା ଦ୍ୱାରା ଡାକ୍ତରଙ୍କୁ ରୋଗୀଙ୍କ ଚିକିତ୍ସାରେ ସହାୟତା ମିଳିବ ।
ଏହା ଦ୍ୱାରା ଡାକ୍ତରମାନେ କ୍ୟାନସର ଚିକିତ୍ସାରେ ବ୍ୟବହୃତ ରେଡିଏସନ୍ର ପ୍ରଭାବ ଉପରେ ଅଧିକ ଗବେଷଣା କରିପାରିବେ । ଏହି ଟେକ୍ନୋଲୋଜିର ସର୍ବାଧିକ ବ୍ୟବହାର ଚର୍ମ କ୍ୟାନସରରେ ହେବ ବୋଲି ବୈଜ୍ଞାନିକମାନେ ଆକଳନ କରିଛନ୍ତି । ଆଗକୁ ଏଥିରେ ଆହୁରି ପରିବର୍ତ୍ତନ ଅଣାଯିବ ବୋଲି ସେମାନେ ମତ ଦେଇଛନ୍ତି ।
Comments are closed.