୧୦ ହଜାର ଲୋକସଂଖ୍ୟା ଥିବା ଦ୍ୱୀପ

ବିଶ୍ୱରେ ପାଖାପାଖି ୧୯୫ଟି ଦେଶ ରହିଛି, ଯେଉଁମାନଙ୍କର ପାରମ୍ପରିକ ରୀତିନୀତି, ଚଳଣି, ଖାଦ୍ୟପେୟ ସବୁ କଥା ଭିନ୍ନ । ସେମାନେ ସମସ୍ତେ ବିଭିନ୍ନ କଥାରେ ସ୍ୱତନ୍ତ୍ର ଓ ଅନ୍ୟଠାରୁ ଅଲଗା । ସେହିଭଳି ଏକ ଦେଶ ହେଲା ତୁଭାଲୁ, ଯାହା ପଲିନେସିଆ ସବ୍‌ରିଜନରେ ଥିବା ଏକ ଆଇଲାଣ୍ଡ । ପଲିନେସିଆ ପ୍ରଶାନ୍ତ ମହାସାଗରରେ ଅବସ୍ଥିତ । ତେବେ ଏହି ଦେଶଟି ବିଶ୍ୱର ଅନ୍ୟଦେଶଙ୍କ ଠାରୁ ଭିନ୍ନ । ୨୦୨୨ର ଜନଗଣନା ଅନୁସାରେ ଏଠାରେ ପାଖାପାଖି ୧୦ ହଜାର ଲୋକ ବାସ କରନ୍ତି । ଯେଉଁ କାରଣରୁ ଏହା ବିଶ୍ୱର ତୃତୀୟ କମ ଜନସଂଖ୍ୟା ଦେଶ । ସେହିଭଳି ଏହା ନାଁରେ ଆଉ ଏକ ରେକର୍ଡ ରହିଛି, ଏହା ହେଉଛି ବିଶ୍ୱର ଚତୁର୍ଥ ଛୋଟ ଦେଶ । ଏହି ଦେଶର ଆକାର ହେଉଛି ୨୬ ସ୍କୋୟାର କିମି । ସେହିଭଳି ଏହାର ବାସିନ୍ଦାମାନେ ମୁଖ୍ୟତଃ ଆମଦାନୀ ଖାଦ୍ୟ ଓ ମାଛ ଉପରେ ନିର୍ଭର କରିଥାଆନ୍ତି ।