ବର୍ତ୍ତମାନର ଡିଜିଟାଲ ଏରାରେ ପିଲାଙ୍କ ଠାରୁ ମୋବାଇଲ କିମ୍ବା କମ୍ପ୍ୟୁଟର ଦୂରେଇ ରଖିବା ଖୁବ କଷ୍ଟକର କାମ । ବର୍ତ୍ତମାନର ପିଲା ନିଜର ପାଠ ପଢାପାଇଁ ଅନେକାଂଶରେ ମୋବାଇଲ ଉପରେ ନିର୍ଭରଶୀଳ । ହେଲେ ଏହାର କିଛି ସୁବିଧା ମିଳୁଥିବାବେଳେ ନକରାତ୍ମକ ପ୍ରଭାବ ମଧ୍ୟ ରହିଛି । ଯଦି ପିଲାମାନେ ଏହାକୁ ଅଧିକ ସମୟ ପାଇଁ ବ୍ୟବହାର କରୁଛନ୍ତି, ଅର୍ଥାତ ସେମାନଙ୍କର ସ୍କ୍ରିନ ଟାଇମ ବଢୁଛି ତେବେ ଏହାର ପ୍ରଭାବ ସିଧାସଳଖ ସେମାନଙ୍କ ସ୍ୱାସ୍ଥ୍ୟ ଉପରେ ପଡୁଛି । ପୂର୍ବରୁ ଅନେକ ଗବେଷଣାରେ ସ୍କ୍ରିନ ଟାଇମ୍ର ନକାରାତ୍ମକ ପ୍ରଭାବ ସମ୍ପର୍କରେ ଜଣା ପଡିଛି । ତେବେ ବର୍ତ୍ତମାନର ସଦ୍ୟତମ ସୂଚନା ଅନୁସାରେ ଅଧିକ ସ୍କ୍ରିନ ଟାଇମିଂ ଆମର ହାର୍ଟ ଉପରେ ଖରାପ ପ୍ରଭାବ ପକାଉଛି । ତେଣୁ ବର୍ତ୍ତମାନ ଅଭିଭାବକମାନଙ୍କୁ ଏଥିପ୍ରତି ସତର୍କ ହେବାର ଆବଶ୍ୟକତା ରହିଛି । ଏହି ପ୍ରଭାବକୁ ଜାଣିବା ପାଇଁ ଅନେକ ମାଆ ଓ ପିଲାଙ୍କୁ ନେଇ ଏହି ପରୀକ୍ଷଣ କରାଯାଇଥିଲା । ଏହି ପରୀକ୍ଷଣରୁ ମିଳିଥିବା ତଥ୍ୟ ଅନୁସାରେ ଅଧିକ ସମୟ ମୋବାଇଲ ଦେଖିବାଫଳରେ ସେମାନଙ୍କ ନିଦ ସହିତ ହୃତପୁଣ୍ଡ ଉଭୟ ଉପରେ ପ୍ରଭାବ ପଡୁଛି । ସେମାନଙ୍କର କାର୍ଡିଓମେଟାବଲିକ୍ ରିସ୍କ ବଢୁଥିବାନେଇ ଜଣା ପଡିଛି । ତେଣୁ ବର୍ତ୍ତମାନ କିଭଳି ପିଲାଙ୍କୁ ମୋବାଇଲ ଠାରୁ ଦୂରରେ ରଖିହେବ ସେନେଇ କାମ କରିବାକୁ ପଡିବ ବୋଲି ବୈଜ୍ଞାନିକମାନେ ପ୍ରକାଶ କରିଛନ୍ତି । ଏଥିପାଇଁ ସେ ଅଭିଭାବକଙ୍କୁ ସତର୍କ ହେବାକୁ ପରାମର୍ଶ ଦେଇଛନ୍ତି ।
