ଖାଦ୍ୟ କେବଳ ବଞ୍ଚିବା ପାଇଁ ଖାଇବାକୁ ପଡ଼ିଥାଏ ତାହା ନୁହେଁ, ସୌନ୍ଦର୍ଯ୍ୟ ରକ୍ଷାରେ ବି ଏହା ସାହାଯ୍ୟ କରେ । ଆସନ୍ତୁ ଜାଣିବା ଆମ ସୌନ୍ଦର୍ଯ୍ୟ ଅତୁଟ ରଖୁଥିବା ଖାଦ୍ୟଗୁଡ଼ିକ କ’ଣ ?
ଟମାଟୋ : ତ୍ୱଚାକୁ ସନ୍ବର୍ଣ୍ଣ ଓ ରିଙ୍କିଲ୍ସରୁ ରକ୍ଷା କରିବା ପାଇଁ ପ୍ରତିଦିନ ଟମାଟୋ ଖାଆନ୍ତୁ । ଟମାଟୋରେ ଥିବା ଆଣ୍ଟି-ଅକ୍ସିଡାଣ୍ଟ ଓ ପୋଟାସିୟମ ସ୍କିନ୍କୁ ସୁସ୍ଥ ରଖିଥାଏ । ପ୍ରତିଦିନ ଟମାଟୋକୁ ସାଲାର୍ଡ଼ରେ ବା କଞ୍ଚା ଭାବେ ବ୍ୟବହୃତ କରିପାରିବେ ।
ଶାକରକନ୍ଦ : ତ୍ୱଚାକୁ ନରମ ଓ କୋମଳ ରଖିବା ସହିତ ରିଙ୍କିଲ ଫ୍ରି ରଖିବା ନିମନ୍ତେ ଶାକରକନ୍ଦ ବ୍ୟବହାର କରନ୍ତୁ । ଶାକରକନ୍ଦରେ ଭରପୂର ଭିଟାମିନ୍-ଏ ରହିଛି, ଯାହାକି ତ୍ୱଚା ପାଇଁ ଉପକାରୀ ।
ବେରିକ୍ : ଷ୍ଟ୍ରବେରୀ, ବ୍ଲìବେରୀ ଓ ବ୍ଲାକ ବେରୀ ଆଦି ଖାଇଲେ ଶରୀର ସୁସ୍ଥ ରହିବା ସହିତ ସୁନ୍ଦର ରହିଥାଏ ।
ପାଳଙ୍ଗ : ଏଥିରେ ଥିବା ଭିଟାମିନ୍ ଏ, ସି, କେ, ଆଇରନ୍, ଫ୍ଲୋରେଟ୍ ଏବଂ ପୋଟାସିୟମ୍ ଆଦି ହାଡ଼କୁ ଶକ୍ତ କରେ, ତ୍ୱଚାକୁ ସୁସ୍ଥ ରଖିବା ସହିତ ସୁନ୍ଦର ମଧ୍ୟ କରିଥାଏ ।
ଗାଜର : ନିୟମିତ ଗାଜର ସେବନ କଲେ, ଏହା ତ୍ୱଚାର ଉପର ଭାଗକୁ ସୁରକ୍ଷା ଦେବା ସହିତ ବୟସ୍କ ଦେଖାଯିବାରୁ ରକ୍ଷା କରିଥାଏ ।
ଲୋ ଫ୍ୟାଟ୍ ଡାଏରୀ ପ୍ରଡକ୍ଟ : କ୍ଷୀର ଓ ପନୀର ସହିତ ଅନ୍ୟ ଲୋ ଫ୍ୟାଟ୍ ପ୍ରଡକ୍ଟ ସୁସ୍ଥ ଚର୍ମ ପାଇଁ ନିହାତି ଆବଶ୍ୟକ । କାରଣ ଏଥିରେ ଭିଟାମିନ୍-ଏ ଭରପୂର ମାତ୍ରାରେ ରହିଥାଏ ।
ଅଖରୋଟ : ଏଥିରେ ପ୍ରଚୁର ମାତ୍ରାରେ ଓମେଗା-୩ ଓ ଫ୍ୟାଟି ଏସିଡ଼ ରହିଥାଏ । ତେଣୁ ଏହାକୁ ନିତିଦିନିଆ ଡାଏଟ୍ରେ ସାମିଲ କରିପାରିବେ ।
ମୌସମୀ : ଏହା କେବଳ ଚର୍ମ ସମସ୍ୟାରୁ ଦୂର କରିଥାଏ ତା ନୁହେଁ, ବରଂ ରିଙ୍କିଲ୍ସ ସମସ୍ୟାରୁ ବି ମୁକ୍ତି ଦେଇଥାଏ ।
ବନ୍ଧାକୋବି : ଖଟା ଫଳ ବ୍ୟତୀତ ବନ୍ଧାକୋବିରେ ପ୍ରଚୁର ମାତ୍ରାରେ ଭିଟାମିନ୍-ସି ରହିଛି, ଯାହାକି ତ୍ୱଚାକୁ ସମସ୍ୟାମୁକ୍ତ ରଖିବାରେ ସହାୟକ ହୋଇଥାଏ ।
ଅଣ୍ଡା : ଏହା ତ୍ୱଚା ପାଇଁ ଖୁବ୍ ଉପକାରୀ । ଅଣ୍ଡାରେ ଆଇରନ୍ ଭରି ରହିଥାଏ, ଯାହାକି ତ୍ୱଚାକୁ ସୁନ୍ଦର କରିବାରେ ମୁଖ୍ୟ ଭୂମିକା ଗ୍ରହଣ କରିଥାଏ । ତେଣୁ ଏହାକୁ ନିତିଦିନିଆ ଡାଏଟ୍ରେ ସାମିଲ କରନ୍ତୁ ।
କଦଳୀ : ଏଥିରେ ଥିବା ଭିଟାମିନ୍-ଏ ଚର୍ମରେ ଥିବା ପ୍ରାକୃତିକ ତୈଳକୁ ସଂରକ୍ଷିତ କରିଥାଏ ।
ସେଓ : ନିୟମିତ ସେଓ ଖାଇବା ଦ୍ୱାରା ଖୁବ୍ କମ୍ ଦିନରେ ଆପଣଙ୍କ ମୁହଁରୁ ରିଙ୍କିଲ୍ସ କମିବା ସହିତ ଆପଣ ଯୁବ ଦେଖାଯିବେ ।
ଯଅ : ସୁନ୍ଦର ତ୍ୱଚା ଓ ଗୋରା ରଙ୍ଗ ପାଇବା ପାଇଁ ସିଲିନିୟମ ବହୁତ ଜରୁରୀ । ଏହା ଆମକୁ ପାଉଁରୁଟି ଓ ବେକ୍ଡ଼ ଖାଦ୍ୟରୁ ହିଁ ମିଳିଥାଏ । ଯଅରେ ଭିଟାମିନ୍-ବି ରହିଛି, ଯାହା ତ୍ୱଚାକୁ ସଂକ୍ରମଣ ଓ ଚିନ୍ତା ଆଦିରୁ ଦୂରେଇ ରଖିଥାଏ ।
Comments are closed.