ଆଜିକାଲି ଯୁଗକୁ ସୋସିଆଲ ମିଡିଆ ଯୁଗ କହିଲେ ଭୁଲ ହେବ ନାହିଁ । ସୋସିଆଲ ମିଡିଆ ଓ ସମାଜର ପ୍ରଭାବ ମାନସିକ ସ୍ବାସ୍ଥ୍ୟ ଉପରେ ଖୁବ ଅଧିକ ରହିଥାଏ । ଅନେକ ବ୍ୟକ୍ତିଙ୍କର ମାନସିକ ସ୍ବାସ୍ଥ୍ୟକୁ ଏହି ଦୁଇଟି କଥା ବିଶେଷଭାବେ ପ୍ରଭାବିତ କରୁଥିବା ଦେଖିବାକୁ ମିଳେ ।
ସୋସିଆଲ ମିଡିଆର
ଆଜିକାଲିର ଯୁଗକୁ ସୋସିଆଲ ମିଡିଆ ଯୁଗ କହିଲେ ଭୁଲ ହେବ ନାହିଁ । ବିଭିନ୍ନ କାର୍ଯ୍ୟ ପାଇଁ ସୋସିଆଲ ମିଡିଆର ବହୁଳ ବ୍ୟବହାର କରାଯାଉଛି । ତେବେ ଅନେକ ସମୟରେ ସୋସିଆଲ ମିଡିଆରେ ଆମେ ଯାହା ଦେଖିଥାଉ ସେଗୁଡିକ ସବୁ ସତ ହୋଇନଥାଏ । ସମସ୍ତଙ୍କର ସୋସିଆଲ ମିଡିଆରେ ଗୋଟିଏ ଛବି ହୋଇଥାଏ ଏବଂ ବାସ୍ତବରେ ଆଉ ଏକ ଛବି । ହେଲେ ସମସ୍ତେ ଏହାକୁ ବୁଝି ପାରନ୍ତି ନାହିଁ ତେଣୁ କିଛି ଲୋକଙ୍କ ଭାବନା ଉପରେ ସୋସିଆଲ ମିଡିଆର ପ୍ରଭାବ ଅଧିକ ପଡିଥାଏ । ସେମାନେ ନିଜ ଜୀବନକୁ ଅନ୍ୟମାନଙ୍କ ସହିତ ତୂଳନା କରିବାରେ ଲାଗିଥାଆନ୍ତି । ଅନ୍ୟଙ୍କ ସହିତ ତୂଳନା କରିବା କାରଣରୁ ନିଜ ଜୀବନରେ ଅନେକ ସମସ୍ୟାକୁ ଡାକି ଆଣନ୍ତି । ଅନେକ ସମୟରେ ସାଇବର ବୁଲିଂ ବା ସୋସିଆଲ ମିଡିଆରେ ହେଉଥିବା ଟ୍ରୋଲିଂ ମଧ୍ୟ କିଛି ନିରିହ ଜୀବନପାଇଁ କଠିନ ପରିସ୍ଥିତି ସୃଷ୍ଟି କରିବାରେ ସମର୍ଥ ହୋଇ ପାରୁଛି । ଏହି ପ୍ରଭାବରେ ବେଳେବେଳେ କିଛି ଲୋକଙ୍କର ଜୀବନ ଯାଉଥିବାର ଉଦାହରଣ ମଧ୍ୟ ଦେଖିବାକୁ ମିଳୁଛି । ବିଶେଷଭାବେ ଯୁବପିଢିମାନେ ଏଥିରେ ବେଶି ପ୍ରଭାବିତ ହେଉଛନ୍ତି ।
ସମାଜର ଚାପ
ଅନେକ ସମୟରେ ଜଣା ନପଡିଲେ ମଧ୍ୟ ଲୋକଙ୍କ ଉପରେ ସମାଜର ଚାପ ରହିଥାଏ । ସମାଜରେ ଚଳିବାର ରହିବାର ଏକ ଟ୍ରେଣ୍ଡ ସେଟ ହୋଇଛି, ଯାହାକୁ ଅନୁକରଣ କରିବା ଯେପରି ବାଧ୍ୟତା ମୂଳକ ହୋଇଗଲାଣି । ସମସ୍ତେ ଯେଉଁଭଳି ପିନ୍ଧୁଛନ୍ତି, ଯେଉଁଭଳି ରହୁଛନ୍ତି, ଯେଉଁଭଳି ଖାଉଛନ୍ତି ସେହିଭଳି ସମସ୍ତେ କରିବାକୁ ବାଧ୍ୟ ହେଉଛନ୍ତି । ଯଦି ସେପରି କରି ନପାରୁଛନ୍ତି ତେବେ ସେମାନଙ୍କ ଉପରେ ଚାପ ସୃଷ୍ଟି ହେଉଛି । ମାନସିକ ସ୍ତରରେ ସେମାନେ ଏହାକୁ ଏକ ଅପମାନ ବୋଲି ଧରୁଛନ୍ତି । ଯେଉଁ ଅପମାନ କାରଣରୁ ସେମାନଙ୍କ ମାନସିକ ଅବସ୍ଥାରେ ପରିବର୍ତ୍ତନ ଆସୁଛି , ସେମାନେ ଡିପ୍ରେସନ ବା ଅବସାଦକୁ ପଳଉଛନ୍ତି । ନିଜର ଆର୍ଥିକ ଅବସ୍ଥା ଯାହାହେଲେ ବି ନିଜ ଆଖପାଖର ଲୋକଙ୍କ ସହିତ ସମାନ ହେବାପାଇଁ ଅନେକ ଭୁଲ ପଦକ୍ଷେପ ମଧ୍ୟ ନେଉଛନ୍ତି । ତେବେ ଏଗୁଡିକ ଖରାପ ପଦକ୍ଷେପ ଯାହା ନନେବା ଆମ ପାଇଁ ଭଲ ।
