ଆମ ଦୈନନ୍ଦିନର କାର୍ଯ୍ୟ କଳାପର ପ୍ରଭାବ ଆମ ସ୍ୱାସ୍ଥ୍ୟ ଉପରେ ବେଶ୍ ଅଧିକା ରହିଛି । ଦିନର ସକାଳ ଖାଦ୍ୟ ଠାରୁ ରାତି ପର୍ଯ୍ୟନ୍ତ ସବୁ ଉପରେ ଆମ ସ୍ୱାସ୍ଥ୍ୟ ନିର୍ଭର କରିଥାଏ । ତେଣୁ ବିଶେଷଭାବେ ଆମକୁ ସକାଳୁ ଉଠିବା ପରେ କିଛି କଥାର ଧ୍ୟାନ ରଖିବାକୁ ହେବ, ଯାହାଦ୍ୱାରା ଆମେ ଏକ ସୁସ୍ଥ ଜୀବନ ବଞ୍ଚି ପାରିବା ।
ହାଇଡ୍ରେଟ୍ କରନ୍ତୁ – ସକାଳୁ ନିଦରୁ ଉଠିବା ପରେ ଆମ ଶରୀର ଥକି ଯାଇଥାଏ । ଯାହାଫଳରେ ଏହାକୁ ହାଇଡ୍ରେଟ କରିବାକୁ ପଡିଥାଏ । ତେଣୁ ସକାଳୁ ଉଠିବା ପରେ ପ୍ରଥମେ ପାଣି ଏକ ଗ୍ଲାସ ପିଅନ୍ତୁ । ଏହା କେବଳ ଶରୀରକୁ ହାଇଡ୍ରେଟ କରିଥାଏ ତାହା ନୁହେଁ ଏହା ଶରୀରର ରକ୍ତସଞ୍ଚାଳନକୁ ସୁରୁଖୁରୁରେ କରିଥାଏ । ଏହାସହ ହାର୍ଟକୁ ସୁସ୍ଥ ରଖିଥାଏ ।
କାର୍ଡିଓ ଏକ୍ସସରସାଇଜ୍ – ସକାଳୁ ସକାଳୁ ୨୦ରୁ ୩୦ ମିନିଟ୍ ପର୍ଯ୍ୟନ୍ତ କାର୍ଡିଓ କରିବା ଦ୍ୱାରା ଆମର ହାର୍ଟ ସୁସ୍ଥ ରହିଥାଏ । ତେଣୁ ମନେକରି ସକାଳୁ କିଛି ଛୋଟଛୋଟ ବ୍ୟାୟାମ କରନ୍ତୁ । ଏଥିରେ ଜଗିଂ, ସାଇକ୍ଲିଂ, ଚାଲିବା ଆଦିକୁ ସାମିଲ କରିପାରିବେ । ଯଦି ଆପଣଙ୍କର କୌଣସି ସ୍ୱାସ୍ଥ୍ୟଗତ ସମସ୍ୟା ରହିଛି, ତେବେ ବ୍ୟାୟାମ ପୂର୍ବରୁ ଡାକ୍ତରଙ୍କ ପରାମର୍ଶ ନିଅନ୍ତୁ ।
ଜଳଖିଆକୁ ଧ୍ୟାନ ଦିଅନ୍ତୁ – ଦିନ ଯାକର ଆରମ୍ଭ ହୋଇଥାଏ ସକାଳ ଜଳଖିଆରୁ । ଦିନ ଯାକ ଯାହା ଖାଆନ୍ତୁ ପଛେ ସକାଳର ଜଳଖିଆକୁ ଭୁଲନ୍ତୁ ନାହିଁ । ପ୍ରତିଦିନ ପେଟ ଭରି ସକାଳର ଖାଦ୍ୟ ଖାଆନ୍ତୁ । ଏଥିରେ ବିଭିନ୍ନ ପ୍ରକାର ଫଳ, ପନିପରିବା ସିଝା, ଅଣ୍ଡା, ବ୍ରେଡ ଆଦି ସାମିଲ କରନ୍ତୁ । ଯେପରି ଜଳଖିଆଟିରେ ସବୁ ପ୍ରକାର ପୋଷଣା ଭରପୂର ହୋଇ ଥିବ ସେଥିଲାଗି ଧ୍ୟାନ ଦିଅନ୍ତୁ ।
