ଅନେକ ସମୟରେ ଏଭଳି ଦେଖିବାକୁ ମିଳେ ଗୋଟିଏ ଗୋଟିଏ ନିଷ୍ପତ୍ତି ଲୋକଙ୍କର ଜୀବନ ବଦଳାଇଦେଇଥାଏ । ସେହିଭଳି କିଛି ନିଷ୍ପତ୍ତି ସେମାନଙ୍କ କ୍ୟାରିୟରକୁ ନଷ୍ଟ ମଧ୍ୟ କରିଦେଇଥାଏ । ତେବେ ସଠିକ୍ ସମୟରେ ସଠିକ୍ ନିଷ୍ପତ୍ତି ଆମକୁ ଜୀବନରେ ସଫଳତା ପ୍ରଦାନ କରିଥାଏ । ଏହି ବିଷୟରେ ଉପରେ ଅନେକ ପୁସ୍ତକ ମଧ୍ୟ ରଚନା କରାଯାଇଛି । ସବୁବେଳେ ଆମର ମସ୍ତିଷ୍କ ଆମର ହୃଦୟ ଠାରୁ ଭିନ୍ନ ନିଷ୍ପତ୍ତି ନେଇଥାଏ । ଆମ ମସ୍ତିଷ୍କ ଦୁଇଟି ପ୍ରକାର ନିଷ୍ପତ୍ତି ନେଇଥାଏ । ଯେତେବେଳେ ଆମେ ରାସ୍ତାରେ ଚାଲୁଥାଉ ହଠାତ୍ ଗାଡି ଦେଖି ରହିଯାଉ, ଯେଉଁ ନିଷ୍ପତ୍ତି ନେବା ପାଇଁ ଆମକୁ ଗୋଟିଏ ମିନିଟ୍ ସମୟ ଲାଗିଥାଏ । ହେଲେ ଯଦି ଆମକୁ କ୍ୟାରିୟର ଚୟନ କରିବାକୁ ଥାଏ କିମ୍ବା କେଉଁ ଚାକିରି କରିବେ ସେନେଇ ନିଷ୍ପତ୍ତି ନେବାକୁ ଥାଏ ତେବେ ମସ୍ତିଷ୍କ ଏହି ନିଷ୍ପତ୍ତି ନେବା ପାଇଁ ଦୁଇ ଚାରି ଦିନ କି ଅଧିକ ସମୟ ଲାଗିଥାଏ । ତେବେ ପ୍ରଥମ ନିଷ୍ପତ୍ତିକୁ ଶୀଘ୍ର ଓ ସହଜ ନିଷ୍ପତ୍ତି କୁହାଯାଉଥିବାବେଳେ ଦ୍ୱିତୀୟଟିକୁ ଧୀର ଓ ତର୍କବିତର୍କ କରି ନିଆଯାଉଥିବା ନିଷ୍ପତ୍ତିର ଆଖ୍ୟ ଦିଆଯାଇଥାଏ । ତେବେ ଉଭୟ ନିଷ୍ପତ୍ତିରେ ଆମ ମସ୍ତିଷ୍କର ଦାୟିତ୍ୱ ଅଧିକ ରହିଥାଏ । ତେବେ ଜୀବନରେ ଉଚିତ୍ ନିଷ୍ପତ୍ତି ନେବାର ଦକ୍ଷତା ସମସ୍ତଙ୍କର ରହିବା ଆବଶ୍ୟକ । ଏଗୁଡିକ ଆମ ଲାଇଫ୍ ପାଇଁ ଖୁବ ଉପକାରୀ ହୋଇଥାଏ । ଜୀବନରେ ସଠିକ୍ ନିଷ୍ପତ୍ତି ଆମର ଆତ୍ମ ବିଶ୍ୱାସକୁ ବଢାଇଥାଏ । ସେହିଭଳି ଜୀବନରେ କିଛି କରିବାର ରାସ୍ତାକୁ ମଧ୍ୟ ଏହା ସହଜ କରିଥାଏ ।
Comments are closed.