ଅନେକ ସମୟରେ ଏଭଳି ହୋଇଥାଏ କି କୌଣସି ଶବ୍ଦ ଆମର ଜିଭ ଆଗରେ ଅଟକି ଯାଇଥାଏ ହେଲେ ମନେ ପଡିନଥାଏ । ସେହି ସମୟରେ ଏହା ଆମକୁ ଖୁବ ବିଚଳିତ କରିଥାଏ । ତେବେ ନିକଟରେ ଏକ ରିପୋର୍ଟ ପ୍ରକାଶ ପାଇଛି ଯେଉଁଥିରେ ଏହି ସମୟରେ ମସ୍ତିଷ୍କରେ କଣ ଘଟିଥାଏ ସେନେଇ ସୂଚନା ଦିଆଯାଇଛି । ଯେତେବଳେ ଆମେ କୌଣସି ଶବ୍ଦ ମନେ ପକାଇବାକୁ ଚେଷ୍ଟା କରୁ ଆମ ମସ୍ତିଷ୍କ ମଧ୍ୟ ଏଥିପାଇଁ ଚେଷ୍ଟା ଜାରି ରଖିଥାଏ । ଏଥିପାଇଁ ଆମ ମସ୍ତିଷ୍କରେ ଥିବା କିଛି ନିର୍ଦ୍ଧିଷ୍ଟ ସ୍ଥାନ କାର୍ଯ୍ୟ କରିଥାଏ । ଏଥିପାଇଁ ମସ୍ତିଷ୍କରେ ଥିବା ତିନୋଟି ସ୍ଥାନ ଦି ଆଣ୍ଟେରିଅର କିଙ୍ଗୁଲେଟ୍ କୋର୍ଟେକ୍ସ, ଦି ପ୍ରିଫ୍ରଣ୍ଟାଲ କର୍ଟେକ୍ସ ଓ ଦି ଇନ୍ସୁଲା । ଏଗୁଡିକ ସଙ୍ଗେ ସଙ୍ଗେ ଏହି ଶବ୍ଦକୁ ଖୋଜିବାରେ ଲାଗିପଡନ୍ତି । ଆଣ୍ଟେରିଅର କିଙ୍ଗୁଲେଟ୍ କୋର୍ଟେକ୍ସ, ଦି ପ୍ରିଫ୍ରଣ୍ଟାଲ କର୍ଟେକ୍ସ ଉଭୟ ନେଟଓ୍ୱାର୍କର କାମ କରନ୍ତି । ଆଣ୍ଟେରିଅର କିଙ୍ଗୁଲେଟ୍ କୋର୍ଟେକ୍ସ ଏକ ସୁପରଭାଇଜରର କାମ କରିଥାଏ । ସେହିଭଳି ଦି ପ୍ରିଫ୍ରଣ୍ଟାଲ କର୍ଟେକ୍ସ ଆନାଲାଇଜରର କାମ କରିଥାଏ, ଯିଏ ସମସ୍ତ ସୂଚନାକୁ ସମୀକ୍ଷା କରିଥାଏ । ଇନ୍ସୁଲା ଏହି ଶବ୍ଦକୁ ଉଚ୍ଚାରଣ କରିବାରେ ସହାୟକ କରିଥାଏ । ଏଭଳି କିଛି ସମୟରେ ଆମ ମସ୍ତିଷ୍କର ଏହି ତିନୋଟି ଯାକ ସ୍ଥାନ ମିଳିମିଶି କାମ କରି ଶବ୍ଦଟିକୁ ଖୋଜନ୍ତି । ତେବେ ଯେତେବେଳେ ମଣିଷର ବୟସ ବଢେ ସେତେବେଳେ ମସ୍ତିଷ୍କର ଏହି ରିଜନ ଗୁଡିକଙ୍କର କାର୍ଯ୍ୟ କ୍ଷମତା କମିବାରେ ଲାଗିଥାଏ ତେଣୁ ବୁଦ୍ଧା ଅବସ୍ଥାରେ ଲୋକମାନେ ଶବ୍ଦ ଗୁଡିକ ଭୁଲିବାରେ ଲାଗିଥାଆନ୍ତି ।
Comments are closed.