କୋଲକାତା: ପରବର୍ତ୍ତୀ ଆଇପିଏଲ୍ ମ୍ୟାଚ୍ଗୁଡ଼ିକ ପାଇଁ କୋଲକାତା ନାଇଟ୍ ରାଇଡର୍ସ (କେକେଆର୍) ଦଳରେ ଲିଟନ ଦାସଙ୍କ ବଦଳ ଖେଳାଳି ଭାବେ ଜନସନ୍ ଚାର୍ଲ୍ସଙ୍କ ନାମ ଘୋଷଣା କରାଯାଇଛି। ଏକ ପାରିବାରିକ ଜରୁରି ଆବଶ୍ୟକତା ପାଇଁ ଲିଟନ୍ ଏପ୍ରିଲ୍ ୨୮ ତାରିଖରେ ଆଇପିଏଲ୍ ଛାଡ଼ି ବାଂଲାଦେଶ ଚାଲିଯାଇଥିଲେ। ସେ କେକେଆର୍ ପାଇଁ ମାତ୍ର ଗୋଟିଏ ମ୍ୟାଚ୍ ଖେଳିବାର ସୁଯୋଗ ପାଇଥିଲେ। ଏହାଫଳରେ ସାକିବ୍ ଓ ଲିଟନ୍ଙ୍କ ପରେ କେବଳ ମୁସ୍ତାଫିଜୁର ରେହମାନ ଏକମାତ୍ର ବାଂଲାଦେଶୀ ଖେଳାଳି ଭାବେ ଆଇପିଏଲ୍ରେ ଖେଳୁଛନ୍ତି। ଅନ୍ୟପକ୍ଷରେ ୱେଷ୍ଟଇଣ୍ଡିଜର ଜନସନ୍ ଚାର୍ଲ୍ସ ୪୨ ଟ୍ବେଣ୍ଟି-୨୦ରୁ ୯୭୧ ରନ୍ ସଂଗ୍ରହ କରିଛନ୍ତି। ୱେଷ୍ଟଇଣ୍ଡିଜ୍ର ୨୦୧୨ ଓ ୨୦୧୬ ବିଶ୍ବକପ୍ ଦଳର ସେ ସଦସ୍ୟ ଥିଲେ। ତାଙ୍କୁ ବେସ୍ ପ୍ରାଇସ୍ ୫୦ ଲକ୍ଷ୍ୟ ଟଙ୍କାରେ କେକେଆର୍ ନିଜ ଦଳରେ ସ୍ଥାନ ଦେଇଥିବା ସୂଚନା ଦିଆଯାଇଛି।

Comments are closed.