ଚା’ ପିଇବାକୁ ସମସ୍ତେ ଭଲ ପାଆନ୍ତି । ଏହାକୁ କେବଳ ରିଫ୍ରେସ୍ମେଣ୍ଟ ନୁହେଁ ବରଂ ଔଷଧୀୟ ଗୁଣ ପାଇଁ ମଧ୍ୟ ପିଇଥାଆନ୍ତି । ଏହି ତାଲିକାରେ ଅନେକ ପ୍ରକାର ଟି ସାମିଲ ଅଛି, ଯେପରି ଗ୍ରୀନ୍ ଟି, ଲେମନ୍ ଟି, ବ୍ଲାକ୍ ଟି ଆଦି । ସେହିଭଳି ଏକ ଚା ହେଲା କ୍ଲୋଭ ଟି ବା ଲବଙ୍ଗ ଚା’ । ଏହା ଆମର ଶରୀର ପାଇଁ ଖୁବ ଉପକାରୀ ହୋଇଥାଏ । ଏହାର ସ୍ୱାଦ ଯେପରି ନିଆରା ଏହା ସ୍ୱାସ୍ଥ୍ୟ ପାଇଁ ମଧ୍ୟ ଖୁବ ଉପକାରୀ । ଏହାକୁ ଆପଣ ବିଶେଷକରି ହେଭି ଖାଦ୍ୟ ଖାଇବା ପରେ ପିଅନ୍ତୁ, ଖୁବ ଆରାମ ମିଳିଥାଏ । ଏହା ପ୍ରାକୃତିକ ଉପାୟରେ ଆମ ପାଚନତନ୍ତ୍ରକୁ ସୁଧାରିବାରେ ସାହାଯ୍ୟ କରିଥାଏ । ଏଥିରେ ଆଣ୍ଟିବ୍ୟାକେଫରିଆଲ ଗୁଣ ଭରି ହୋଇ ରହିଥାଏ, ଯାହା ଆମ ପାଟିର ବିଭିନ୍ନ ସମସ୍ୟାକୁ ଦୂର କରିଥାଏ । ଏହା ଆମ ଦାନ୍ତକୁ ଶକ୍ତି କରିବା ସହିତ ପାଟିର ଦୁର୍ଗନ୍ଧକୁ କମାଇଥାଏ । ସେହିଭଳି ଏହା ଷ୍ଟ୍ରେସ୍ ରିଲିଭର ଭାବେ ମଧ୍ୟ କାମ କରିଥାଏ । ଏହା ବ୍ଲଡ୍ ସୁଗାର ଲେବଲକୁ ମ୍ୟାନେଜ୍ କରିବାରେ ମଧ୍ୟ ସହାୟକ ହୋଇଥାଏ । ଏହାର ବାସ୍ନା ଖୁବ ସୁନ୍ଦର ହୋଇଥାଏ, ଯାହାଫଳରେ ଏହା ଆମର ମନକୁ ମଧ୍ୟ ଶାନ୍ତ କରିଥାଏ । ଏହି ଚା’ରେ ଭିଟାମିନ୍ ସି ଭରି ରହିଥିବାରୁ ଏହା ସ୍ୱାସ୍ଥ୍ୟ ପାଇଁ ଖୁବ ଉପକାରୀ ହୋଇଥାଏ ।
Comments are closed.