ଜୀବନରେ ସବୁବେଳେ ବିଭିନ୍ନ ବ୍ୟକ୍ତିଙ୍କର ଭିନ୍ନଭିନ୍ନ ବିଚାର ଓ ନିଷ୍ପତ୍ତି ରହିଥାଏ । କିଏ କେଉଁ ନିଷ୍ପତ୍ତିକୁ ସମ୍ମାନ ଜଣାଇବ କିମ୍ବା ଗ୍ରହଣ କରିବ ତାହା ସମ୍ପୁର୍ଣ୍ଣରୂପେ ତା ଉପରେ ନିର୍ଭର ଥାଏ । ତେଣୁ କେବେ ହେଲି ବି ଅନ୍ୟ ଉପରେ ନିଜ ନିଷ୍ପତ୍ତି ଲଦନ୍ତୁ ନାହିଁ । ଅନ୍ୟଙ୍କୁ ସମ୍ମାନ ଦେଲେ ନିଜକୁ ସମ୍ମାନ ମିଳିଥାଏ, ଏହା ହେଉଛି ଜୀବନରେ ଖୁସିରେ ରହିବାର ମନ୍ତ୍ର । ସବୁବେଳେ କିଛି ବି ରାୟ ଦେବା ପୂର୍ବରୁ ଅନ୍ୟମାନଙ୍କ ମତାମତକୁ ସମ୍ମାନ ଦେବା ଶିଖନ୍ତୁ । କେହି ଯଦି ଆପଣଙ୍କ ରାୟକୁ ଗ୍ରହଣ କରୁନାହାନ୍ତି ତେବେ ଏହାକୁ ମଧ୍ୟ ବୁଝିବାକୁ ଚେଷ୍ଟା କରନ୍ତୁ । ଏହା ପଛର କାରଣ ଜାଣିବାକୁ ଚେଷ୍ଟା କରନ୍ତୁ, ଏହାପରେ ତାଙ୍କୁ ସସମ୍ମାନେ ନିଜ ବିଚାରକୁ ବୁଝାନ୍ତୁ । ସେହିଭଳି କେତେକ କ୍ଷେତ୍ରରେ ଅନ୍ୟର ମନ କଥା ବୁଝିବା ପାଇଁ ନିଜର ବିଚାରକୁ ବଢାଇବାକୁ ପଡିଥାଏ । ସେହିଭଳି କ୍ଷେତ୍ରରେ ନିଜ ହୃଦୟକୁ ବଡକରି ଅନ୍ୟକୁ ବୁଝିବାକୁ ଚେଷ୍ଟା କରନ୍ତୁ ।
