କିବ୍, ୨୯/୪ : ୟୁକ୍ରେନର ପ୍ରମୁଖ ସହର ଗୁଡ଼ିକ ଉପରେ ରୁଷ୍ ପ୍ରଚଣ୍ଡ ଆକ୍ରମଣ କରିଛି। ଫଳରେ ୨୫ ଜଣଙ୍କ ମୃତ୍ୟୁ ହୋଇଯାଇଛି। ମୃତକଙ୍କ ମଧ୍ୟରେ ୪ ଜଣ ଶିଶୁ ଅଛନ୍ତି। ପ୍ରାୟ ୨ ମାସ ପରେ ରୁଷ୍ ୟୁକ୍ରେନ ଉପରେ ଏଭଳି ପ୍ରଚଣ୍ଡ ଆକ୍ରମଣ କରିଛି। ଗୁରୁବାର ରାତିରୁ ରୁଷ୍ ୟୁକ୍ରେନ ଉପରେ କ୍ଷେପଣାସ୍ତ୍ର ବର୍ଷା କରୁଛି। ୨୭ଟି ଫ୍ଲାଟ ସମ୍ପୂର୍ଣ୍ଣ ଭାନେ ଧ୍ବଂସ ହୋଇଯାଇଛି। ୧୦୯ ଜଣ ଲୋକ ଏହି ଫ୍ଲାଟ ଗୁଡ଼ିକରେ ରହୁଥିଲେ। ଆଗକୁ ମୃତ୍ୟୁସଂଖ୍ୟା ଆହୁରି ବଢ଼ିପାରେ। କିବ୍,ମାଇକୋଲେବ , ଡିନିପ୍ରୋ ସମେତ ସମସ୍ତ ପ୍ରମୁଖ ସହର ଗୁଡ଼ିକ ଉପରେ ରୁଷ୍ ଆକ୍ରମଣ କରିଛି। ଅନ୍ୟପକ୍ଷେ ୟୁକ୍ରେନ ସେନା କହିଛି ଏହା ରୁଷର ୨୧ଟି କ୍ରୁଜ୍ ମିସାଇଲ୍ ଖସାଇ ଦେଇଛି। ୟୁକ୍ରେନ ରାଷ୍ଟ୍ରପତି ବୋଲଡିମିର ଜେଲେନସ୍କି କହିଛନ୍ତି, ରୁଷ୍ ଯେଉଁଭଳି ଭୟଙ୍କର ଆକ୍ରମଣ କରିଛି ଏହାକୁ ୟୁକ୍ରେନ ଏବଂ ସମଗ୍ର ବିଶ୍ବ ଜବାବ ଦେବ। ସାଧାରଣ ଲୋକ ଏବଂ ଏପରିକି ଶିଶୁଙ୍କୁ ବି ରୁଷ୍ ଛାଡ଼ିନି। ଜାଣିଶୁଣି ଜନବସତି ଅଞ୍ଚଳକୁ ଟାର୍ଗେଟ୍ କରି ରୁଷ୍ ଆକ୍ରମଣ କରୁଛି।
Comments are closed.