ଚୀନରେ ଏଭଳି ଅନକ ଗବେଷଣା ହୋଇଥାଏ, ଯାହା ସମସ୍ତଙ୍କୁ ଆଶ୍ଚର୍ଯ୍ୟ କରିଥାଏ । ସେହିଭଳି ଏକ ଘଟଣା ବର୍ତ୍ତମାନ ଖୁବ ଭାଇରାଲ ହେଉଛି, ଯେଉଁଥିରେ ମହୁମାଛିଙ୍କ ମସ୍ତିଷ୍କରେ ଏକ ଡିଭାଇସ ଲଗାଯାଉଛି । ଯାହା ଦ୍ୱାରା ସେମାନଙ୍କର ମସ୍ତିଷ୍କର କାର୍ଯ୍ୟ ଦକ୍ଷତା ବଢୁଛି । ଏହି ପରିବର୍ତ୍ତନର ନାଁ ହେଉଛି ସାଇବର୍ଗ । ସେମାନେ ମହୁମାଛିକୁ ଏକ ସାଇବର୍ଗରେ ପରିବର୍ତ୍ତନ କରିବାରେ ସକ୍ଷମ ହୋଇଛନ୍ତି । ଏହି ବ୍ରେନ୍ କଣ୍ଟ୍ରୋଲରକୁ ବିଶ୍ୱର ସବୁଠାରୁ ହାଲୁକା ମସ୍ତିଷ୍କ ନିୟନ୍ତ୍ରକର ଆଖ୍ୟା ମିଳିଛି । ଏହାର ଓଜନ ରହିଛି ୭୪ ମିଲିଗ୍ରାମ, ଯାହା ମହୁମାଛିଙ୍କୁ ନିୟନ୍ତ୍ରଣ କରିବାରେ ସହାୟକ ହେଉଛି । ଏହି ଡିଭଇସକୁ ମହୁମାଛିର ପିଠିରେ ଲଗାଯାଇଥାଏ ଯାହାପରେ ଏହାକୁ ଛୁଞ୍ଚି ସାହାଯ୍ୟରେ ମୁଣ୍ଡରେ ଇନସର୍ଟ କରାଯାଏ । ଏହା ଇଲୋକେଫ୍ରାନିକ୍ ପଲ୍ସକୁ ବ୍ୟବହାର କରି ମହୁମାଛିଙ୍କୁ କମାଣ୍ଡ ଦିଆଯାଇଥାଏ । ଏହି ଗବେଷଣାରୁ ଜଣା ପଡିଥିଲା କି ମହୁମାଛିକୁ ଦିଆଯାଉଥିବା ୧୦ଟି କମାଣ୍ଡ ମଧ୍ୟରୁ ସେମାନେ ୯ଟି ଶୁଣିଥିଲେ । ପୂର୍ବରୁ ମଧ୍ୟ ଏଭଳି ଡିଭାଇସର ନିର୍ମାଣ କରାଯାଇଛି, ହେଲେ ସେମାନଙ୍କର ଓଜନ ଖୁବ ଅଧିକ ଥିଲା ।
Comments are closed.