ମନୋରମା ମହାପାତ୍ର

ଓଡ଼ିଶାର ସାହିତି୍ୟକାଙ୍କ ତାଲିକାରେ ମନୋରମା ମହାପାତ୍ରଙ୍କ ନାଁ ଆଗରେ ରହିଥାଏ । ନିଜର ଅସାଧାରଣ ପ୍ରତିଭା ଓ ଅଗାଧ ପାଣ୍ଡିତ୍ୟ ବଳରେ ସେ ଓଡ଼ିଶାର ସାହିତ୍ୟକୁ ବେଶ୍‌ ଆଗକୁ ନେଇଥିଲେ । ୧୯୩୪ ମସିହା ଜୁନ ୧୦ ତାରିଖରେ କଟକ ଆଠଗଡ଼ ରାଧାନାଥପୁର ଶାସନରେ ଜନ୍ମ ହୋଇଥିଲେ ମନୋରମା । ଜଣେ ଓଡ଼ିଆ ସମାଜସେବୀ, ସାହିତି୍ୟକା ଓ ସମ୍ପାଦକ ଭାବେ ତାଙ୍କର ସୁ ଖ୍ୟାତି ରହିଛି । ସାହିତି୍ୟକାଭାବେ ସେ ଓଡ଼ିଶାର ସମ୍ମାନଜନକ ପୁରସ୍କାର ସାହିତ୍ୟ ଏକାଡେମୀ ଓ ଶାରଳା ସମ୍ମାନରେ ଭୂଷିତ ହୋଇଛନ୍ତି । କେବଳ ସାହିତ୍ୟ ନୁହେଁ ତାଙ୍କର ସାମ୍ବାଦିକତାରେ ମଧ୍ୟ ରୁଚି ରହିଥିଲା । ସେ ଦୈନିକ ଖବରକାଗଜ ସମାଜର ସମ୍ପାଦକ ଭାବରେ ସେ ବହୁତ ଦିନ କାର୍ଯ୍ୟରତ ଥିଲେ । ସେ ଜଣେ ଅର୍ଥନୀତି ଅଧ୍ୟାପକ ଭାବରେ ମଧ୍ୟ କାର୍ଯ୍ୟ କରିଛନ୍ତି । ସେ ଓଡ଼ିଶା ସାହିତ୍ୟ ଏକାଡେମୀ ଓ ଉତ୍କଳ ସାହିତ୍ୟ ସମାଜର ସେ ଥିଲେ ପ୍ରଥମ ମହିଳା ସମ୍ପାଦିକା ।
ସେ ହେଉଛନ୍ତି ପଦ୍ମଭୂଷଣ ସମ୍ମାନୀତ, ସ୍ୱାଧୀନତା ସଂଗ୍ରାମୀ ତଥା ସମାଜର ପୂର୍ବତନ ସଂପାଦକ ରାଧାନାଥ ରଥଙ୍କର କନ୍ୟା । ପ୍ରାଥମିକ ଶିକ୍ଷା ଶେଷ ପରେ ରେଭେନ୍ସା ଗାର୍ଲସ ହାଇସ୍କୁଲରୁ ମ୍ୟାଟ୍ରିକ ପାସ୍‌ କରିଥିଲେ । ୧୯୭୦ ମସିହାରେ ଓଡ଼ିଶା ଶିକ୍ଷା ବିଭାଗରେ ସେ ଯୋଗ ଦେଇଥିଲେ । ଅର୍ଥନୀତି ପ୍ରାଧ୍ୟାପିକା ଭାବରେ ୧୫ବର୍ଷ କାଳ ଶିକ୍ଷାଦାନ କରି ୧୯୮୫ ମସିହାରେ ସେ ଅବସର ଗ୍ରହଣ କରିଥିଲେ । ତାଙ୍କର ବୈଦେହୀ ବିସର୍ଜିତା, ଆଈଙ୍କ ମୁଣିରୁ ବିଜ୍ଞାନ ଗପ, ଝଡ଼ପରେ ସୂର୍ଯେ୍ୟାଦୟ, ମାନସୀ ମୋ’ ବନହଂସୀ,ପାହାନ୍ତି ତାରାର ଲୁହ ଭଳି ରଚନାକୁ ବିପୁଳ ପ୍ରଶଂସା ମିଳିଥିଲା । ତାଙ୍କର ସାହିତ୍ୟ ସାଧନା ପାଇଁ ତାଙ୍କୁ ଅନେକ ସମ୍ମାନରେ ସମ୍ମାନିତ କରାଯାଇଥିଲା । ତେବେ ୨୦୨୧ ମସିହା ସେପେଫମ୍ବର ୧୮ ତାରିଖରେ ସେ ସମସ୍ତଙ୍କୁ ଦୁଃଖର ସାଗରରେ ଭସାଇ ପ୍ରାଣ ତ୍ୟାଗ କରିଥିଲେ । ତାଙ୍କ ଅବର୍ତ୍ତମାନରେ ସାହିତ୍ୟ ଜଗତରେ ଏକ ଅପୂରଣୀୟ କ୍ଷତି ସୃଷ୍ଟି ହୋଇଥିଲା ।