ବିଶ୍ୱରେ ଏକାଧିକ ସଂଖ୍ୟକ ଆଇଲାଣ୍ଡ୍ ରହିଛି, ଯାହା ଦେଖିବାକୁ ଖୁବ୍ ସୁନ୍ଦର ହୋଇଥିବାବେଳେ ଏଗୁଡ଼ିକର ଭିନ୍ନ ଭିନ୍ନ ମହତ୍ତ୍ୱ ମଧ୍ୟ ରହିଛି । କେତେକ ଆଇଲାଣ୍ଡ୍ ନିଜର ଅପୂର୍ବ ସୁନ୍ଦରତା ପାଇଁ ବିଶ୍ୱପ୍ରସିଦ୍ଧ ହୋଇଥିବାବେଳେ କିଛି ଆଇଲାଣ୍ଡ୍ କୌଣସି ଜୀବଜନ୍ତୁକୁ ନେଇ ଲୋକପ୍ରିୟ ଥାଏ । ଯାହାକୁ ଦେଖିବା ଲାଗି ବିଶ୍ୱର ବିଭିନ୍ନ ପ୍ରାନ୍ତରୁ ଲୋକେ ସେଠାକୁ ଧାଇଁଆସନ୍ତି । ହେଲେ ଏମିତି ଏକ ଆଇଲାଣ୍ଡ୍ ରହିଛି, ଯେଉଁଠାକୁ ପର୍ଯ୍ୟଟକମାନେ କେବଳ ମନସ୍କାମନା ପୂର୍ଣ୍ଣ କରିବା ଉଦ୍ଦେଶ୍ୟରେ ଆସିଥାଆନ୍ତି । କାହିଁକି ନା ଏହି ଆଇଲାଣ୍ଡ୍ରେ ଏକ ରହସ୍ୟମୟ କୁଟୀର ରହିଛି, ଯେଉଁଠି ଲୋକଙ୍କ ସମସ୍ତ ମନବାଞ୍ଛା ପୂରଣ ହୋଇଥାଏ । ୟୁକେର େଓ୍ୱଲ୍ସ ଉପକୂଳ ସୁନ୍ଦର ସୁନ୍ଦର ବିଚ୍ ପାଇଁ ବିଶ୍ୱପ୍ରସିଦ୍ଧ । ହେଲେ ଏହାରି ମଧ୍ୟରେ ଗୋଟିଏ ଛୋଟ କୁଟୀର ମଧ୍ୟ ରହିଛି । ଯାହା ସାଉଥ୍ ପେମବ୍ରୋକସାୟରର ବୋଶରଷ୍ଟୋନ୍ ସେଣ୍ଟ୍ ଗୋଭନ୍ ପର୍ବତରେ ଅବସ୍ଥିତ । ଏହି କୁଟୀରଟି ଜଣେ ସାଧୁଙ୍କର ହୋଇଥିବାବେଳେ ଏହା ଦେଶବିଦେଶରେ ଖୁବ୍ ଲୋକପ୍ରିୟ । ଏହି କୁଟୀର ସହିତ ଅନେକ ଲୋକକଥା ଜଡ଼ିତ ରହିଛି । ୧୩ ଶତାବ୍ଦୀରେ ଏହି କୁଟୀରକୁ ଲୋକପ୍ରିୟ ସାଧୁ ଗୋଭନ୍ଙ୍କ ସ୍ମୃତିରେ ନିର୍ମାଣ କରାଯାଇଥିଲା । ଯିଏକି ଷଷ୍ଠ ଶତାବ୍ଦୀରେ ଏଠାରେ ରହୁଥିଲେ ବୋଲି କୁହାଯାଏ । ତେବେ ଏକଦା ଜଣେ ସାମୁଦ୍ରିକ ଲୁଟେରା ସାଧୁଙ୍କ ପିଛା କରିଥିଲେ । ସାଧୁ ଆସି ଏହି ପାହାଡ ମଧ୍ୟରେ ହିଁ ଲୁଚିଥିଲେ । ଏବେବି ଯେତେବେଳେ ଲୁଟେରାମାନେ ଆସନ୍ତି ସେହି ସମୟରେ ସାଧୁଙ୍କ ପରମାତ୍ମା ଏହା ମଧ୍ୟରେ ଥିବା ଯାଦୁ ଘଣ୍ଟା ବଜାଇ ଲୋକଙ୍କୁ ସତର୍କ କରନ୍ତି ବୋଲି ଲୋକବିଶ୍ୱାସ ରହିଛି ।
Comments are closed.