ଆମ ଶରୀର ପାଇଁ ଭିଟାମିନ୍ ଏ ଖୁବ ଗୁରୁତ୍ୱପୂର୍ଣ୍ଣ । ଏହି ପ୍ରୋଟିନ୍ ସମସ୍ତ ଖାଦ୍ୟ ଯଥା ଉଭୟ ସାଦା ଓ ଆମିଷରେ ରହିଥାଏ । ସେହିଭଳି ଏହା ଆମର ଅନେକ ସ୍ୱାସ୍ଥ୍ୟ ସମସ୍ୟାକୁ ସମାଧାନ କରିବାରେ ମଧ୍ୟ ସହାୟତା କରିଥାଏ । ଆମର ଚର୍ମକୁ ଉଜ୍ୱଳ ରଖିବାରେ ମଧ୍ୟ ଏହା ସହାୟକ ହୋଇଥାଏ । ବିଶେଷ ଭାବେ ଏହା ଆମର ଆଖିକୁ ସୁସ୍ଥ ରଖିବାରେ ସହାୟକ ହୋଇଥାଏ । ଡବ୍ଲì୍ୟଏଚ୍ଓର ତଥ୍ୟ ଅନୁସାରେ ଆମ ଖାଦ୍ୟରେ ଭିଟାମିନ୍ ଏର ଅଭାବ ବିଶେଷ ଭାବେ ଦୃଷ୍ଟିଶକ୍ତି ଉପରେ ପ୍ରଭାବ ପକାଇଥାଏ । ଏହାଦ୍ୱାରା କେତେକ କ୍ଷେତ୍ରରେ ସମୁର୍ଣ୍ଣ ଅନ୍ଧ ହେବାର ଭୟ ମଧ୍ୟ ରହିଥାଏ । ତେଣୁ ଆଖିକୁ ସୁସ୍ଥ ରଖିବାକୁ ହେଲେ ଖାଦ୍ୟରେ ଅଧିକ ପରିମାଣରେ ଭିଟାମିନ୍ ଏକୁ ସାମିଲ କରନ୍ତୁ । ଖାଦ୍ୟରେ ଗାଜର, ପାଳଙ୍ଗ, କନ୍ଦମୂଳ, ଆମ୍ବ, ତରଭୂଜ, ଚାଉଳିଆ, ଟମାଟୋ, ଅଣ୍ଡା ଆଦି ସାମିଲ କରନ୍ତୁ । ଯେତେ ପାରୁଛନ୍ତି ଘରେ ପ୍ରସ୍ତୁତ ହୋଇଥିବା ଖାଦ୍ୟ ଖାଆନ୍ତୁ । ପ୍ରତିଦିନ ଖାଦ୍ୟରେ ଖୀର ଓ ଫଳ ସାମିଲ କରନ୍ତୁ । ଭିଟାମିନ୍ ଏ ଅଭାବରେ କେବଳ ଆଖି ନୁହେଁ ଅନ୍ୟ କେତେକ ରୋଗ ଯେପରି ଶୁଷ୍କ ତ୍ୱଚା, ପିଲାଙ୍କ ବୃଦ୍ଧିରେ ଅବନତି, କ୍ଷତ ନଶୁଖିବା, ମୁହଁରେ କଳାଦାଗ, ବ୍ରଣ ଆଦି ଦେଖିବାକୁ ମିଳିଥାଏ ।
