ବିଶ୍ବକପ୍ ପୂର୍ବରୁ ୮ ଧଳାବଲ୍ ମ୍ୟାଚ୍ ଖେଳିବାକୁ ଦକ୍ଷିଣ ଆଫ୍ରିକା ଯିବ ଅଷ୍ଟ୍ରେଲିଆ

କେପଟାଉନ୍: ଭାରତରେ ହେବାକୁ ଥିବା ଦିନିକିଆ ବିଶ୍ବକପ୍ ପୂର୍ବରୁ ଅଷ୍ଟ୍ରେଲିଆ ୩ ଟ୍ବେଣ୍ଟି-୨୦ ଓ ୫ ଦିନିକିଆ ମ୍ୟାଚ୍ ଖେଳିବାକୁ ଦକ୍ଷିଣ ଆଫ୍ରିକା ଯିବ। ଟ୍ବେଣ୍ଟି-୨୦ ମ୍ୟାଚ୍ଗୁଡ଼ିକ ଅଗଷ୍ଟ ୩୦ ରୁ ସେପ୍ଟେମ୍ବର ୩ ତାରିଖ ମଧ୍ୟରେ ଡର୍ବାନର କିଙ୍ଗ୍ସମିଡଠାରେ ଖେଳାଯିବ। ଏହାପରେ ସେପ୍ଟେମ୍ବର ୭ ରୁ ୧୭ ତାରିଖ ପର୍ଯ୍ୟନ୍ତ ଦିନିକିଆ ଶୃଙ୍ଖଳା ଖେଳାଯିବ। ପ୍ରଥମ ଦୁଇ ମ୍ୟାଚ୍ ବ୍ଲୋଏମଫଣ୍ଟେନ୍ରେ ଖେଳାଯିବା ପରେ ପୋଚଫଷ୍ଟ୍ରୁମ୍, ପ୍ରିଟୋରିଆ ଓ ଜୋହାନ୍ସବର୍ଗରେ ପରବର୍ତ୍ତୀ ମ୍ୟାଚଗୁଡ଼ିକ ଅନୁଷ୍ଠିତ ହେବ। ୨୦୨୦ ପରେ ଅଷ୍ଟ୍ରେଲିଆ ପ୍ରଥମ ଥର ଧଳା ବଲ୍ ଶୃଙ୍ଖଳା ଖେଳିବାକୁ ଦକ୍ଷିଣ ଆଫ୍ରିକା ଯିବ। ଏପରିକି ଗତ ଜାନୁଆରିରେ ଦକ୍ଷିଣ ଅଫ୍ରିକା ମଧ୍ୟ ତାହାର ଘରୋଇ ଟ୍ବେଣ୍ଟି-୨୦ ଲିଗ୍ ଆୟୋଜନ ପାଇଁ ଅଷ୍ଟ୍ରେଲିଆ ଗସ୍ତ ବାତିଲ କରିଥିଲା।

Govt

Comments are closed.