ବର୍ଷାଦିନେ ସାଧାରଣତଃ ବାୟୁମଣ୍ଡଳରେ ଅଧିକ ଆଦ୍ରତା ରହିଥାଏ, ଯେଉଁ କାରଣରୁ ଘରେ ଥିବା ଖାଦ୍ୟ ପଦାର୍ଥ ନଷ୍ଟ ହେବାର ଆଶଙ୍କା ଅଧିକ ରହିଥାଏ । ସେହିଭଳି ଏହି ଖରାପ ଅଟାରେ ପ୍ରସ୍ତୁତ ଖାଦ୍ୟ ଖାଇଲେ ବିଭିନ୍ନ ସ୍ୱାସ୍ଥ୍ୟ ସମସ୍ୟା ଯେପରି ପେଟ ଖରାପ, ବଦହଜମି, ବାନ୍ତି, ଝାଡା ଆଦି ହେବାର ଆଶଙ୍କା ରହିଥାଏ । ତେବେ କିଛି ଛୋଟଛୋଟ ଟି«କୁ ଅନୁକରଣ କରି ଆମେ ବର୍ଷାଦିନେ ଘରେ ରଖୁଥିବା ଅଟାକୁ ନଷ୍ଟ ହେବାରୁ ବଞ୍ଚାଇ ପାରିବା । ପ୍ରଥମେ ଯେତିକି ଆବଶ୍ୟକ ସେତିକି ପରିମାଣର ଅଟା ପେଷାନ୍ତୁ ବା କିଣି କରି ଘରକୁ ଆଣନ୍ତୁ । ଯେପରି ସୀମିତ ସମୟ ଭିତରେ ଏହି ଅଟା ଶେଷ ହୋଇଯାଉଥିବା ସେ ନେଇ ଧ୍ୟାନ ଦିଅନ୍ତୁ । ସେହିଭଳି ଅଟାକୁ ସବୁବେଳେ ଏୟାର ଟାଇଟ ଡବାରେ ରଖନ୍ତୁ । ଯେପରି ଏଥିରେ କୌଣସି କୀଟପତଙ୍ଗ ବା ପୋକ ପଶିବ ନାହିଁ । ସେହିଭଳି ଡବାରୁ ଅଟା କାଢିବା ସମୟରେ ହାତ କିମ୍ବା ଚାମଚ ଶୁଖିଲା ଅବସ୍ଥାରେ ବ୍ୟବହାର କରନ୍ତୁ । ଅଟା ଡବାରେ ତେଜପତ୍ର ପକାନ୍ତୁ ଏହା ଲାଭ ଦାୟକ ହୋଇଥାଏ । ଏହା ଆଦ୍ରତା ଶୋଷିବାରେ ସହାୟକ ହୋଇଥାଏ । ଯଦି ଅଟା ବଳି ଯାଇଛି ଓ ନୂଆ ଅଟା ଘରକୁ ଆସିଛି, ତେବେ ଉଭୟ ଅଟାକୁ ମିଶାନ୍ତୁ ନାହିଁ ଅଲଗା ରଖି ବ୍ୟବହାର କରନ୍ତୁ ।
