ଅନେକ ସମୟରେ ମଣିଷଙ୍କ ସହିତ କିଛି ପଶୁ ଯେପରି କୁକୁର, ବିଲେଇ ଏମାନଙ୍କର ଭାବପ୍ରବଣତା ଥାଏ । ହେଲେ ନିକଟରେ ମିଳିଥିବା ସୂଚନା ଅନୁସାରେ କଇଁଛର ମଧ୍ୟ ମୁଡ୍ ସୁଇଂ ଘଟିଥାଏ । ଅର୍ଥାତ ଏହାର ମଧ୍ୟ ଭାବପ୍ରବଣତା ରହିଥାଏ । ସାଧାରଣ ଭାଷାରେ କହିଲେ କଇଁଛମାନେ ମଧ୍ୟ ଦୁଃଖ ଓ ଖୁସି ହୋଇ ପାରନ୍ତି ।ୟୁକେରୟୁନିଭର୍ସିଟି ଅଫ୍ ଲିନ୍କ୍ଲୋନ୍ ପକ୍ଷରୁ କରାଯାଇଥିବା ଗବେଷଣାରେ କଇଁଛଙ୍କ ଉପରେ ଅନେକ ତଥ୍ୟ ଜଣା ପଡିଛି । ଏହି ରିପୋର୍ଟ ଅନୁସାରେ କଇଁଛର ମୁଡ ସବୁବେଳେ ଅଧିକ ଚାଲିବା ପାଇଁ ରହିଥାଏ । ସେହିଭଳି କଇଁଛମାନେ ମନଭିତରେ ଅନେକ ଅନୁଭବ ରଖିଥାଆନ୍ତି ଯେପରି ସେମାନଙ୍କ ମନରେ ବିଭିନ୍ନ ବିଷୟକୁ ନେଇ ଅନେକ ଆଶା ରହିଥିବା ମଧ୍ୟ ଜଣାପଡିଛି । ସେହିଭଳି କିଛି କଇଁଛ ଡର ଓ ବିଚଳିତ ଭାବନା ମଧ୍ୟ ରଖିଥାଆନ୍ତି । କିଛି ବିଶେଷ ପ୍ରଜାତିଙ୍କ କ୍ଷେତ୍ରରେ ଏହା ଦେଖିବାକୁ ମିଳିଥାଏ । ପୂର୍ବରୁ କଇଁଛଙ୍କର କୌଣସି ଭାବନା ନଥିବାନେଇ ଆକଳନ କରାଯାଇଥିଲା । ହେଲେ ଏହି ଗବେଷଣା ପରେ ଏହି ତଥ୍ୟ ସାମନାକୁ ଆସିଛି । କଇଁଛଙ୍କୁ ନେଇ କଁଗିନିଟିବ୍ ବାୟସ ଟେଷ୍ଟ କରାଯାଇଥିଲା । ଏହି ଟେଷ୍ଟକୁ ପ୍ରଥମଥର ପାଇଁ କଇଁଛଙ୍କ ଉପରେ କରାଯାଇଛି । ଏହି ପରୀକ୍ଷା ସମୟରେ ୧୫ଟି କଇଁଛଙ୍କୁ ଦୁଇଟି ସ୍ଥାନରେ ରଖାଯାଇଥିଲା । ଗୋଟିଏ ସ୍ଥାନ ଖୁବ ମଜାଦାର କରାଯାଇଥିବାବେଳେ ଗୋଟିକୁ ଟିକେ ସାଦା ରଖାଯାଇଥିଲା । ଯେପରି ଗୋଟିଏ ସ୍ଥାନରେ ମାଟି ସହିତ, ଖେଳିବା ଓ ବୁଲିବା ପାଇଁ ପର୍ଯ୍ୟପ୍ତ ସ୍ଥାନ ରହିଥିଲା । ହେଲେ ଅନ୍ୟସ୍ଥାନରେ ଏସମସ୍ତ ସୁବିଧା ଟିକେ କମ ଥିଲା । ସେହିଭଳି ଏମାନଙ୍କ ସହିତ ବିଭିନ୍ନ ପ୍ରପକାରର ଆକଫିଭିଟିର ମଧ୍ୟ ବ୍ୟବସ୍ଥା କରାଯାଇଥିଲା । ସେଥିରୁ ସେମାନଙ୍କ ପ୍ରତିକ୍ରିୟାକୁ ଧ୍ୟାନରେ ରଖାଗଲା । କେଉଁ ପରିସ୍ଥିତିରେ କଇଁଛମାନେ କେଉଁଭଳି ପ୍ରତିକ୍ରିୟା ଦେଉଛନ୍ତି ତାକୁ ସମୀକ୍ଷା କରାଯାଇଥିଲା ଯାହାପରେ ଏହି ତଥ୍ୟ ମିଳିଥିବା ଜଣା ପଡିଛି ।
Comments are closed.